រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានណែនាំដល់អ្នកសារព័ត៌មាន ត្រូវធានាសុចរិតភាព ហើយកុំប្រើអាជីពអ្នកសារព័ត៌មានជំរិតរទាប្រាក់ពីអ្នកដទៃ ដែលធ្វើឱ្យប៉ះពាល់ដល់សណ្ដាប់ធ្នាប់សង្គម…
រាជធានីភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានណែនាំដល់អ្នកសារព័ត៌មាន ត្រូវធានាសុចរិតភាព ហើយកុំប្រើអាជីពអ្នកសារព័ត៌មានជំរិតរទាប្រាក់ពីអ្នកដទៃ ដែលធ្វើឱ្យប៉ះពាល់ដល់សណ្ដាប់ធ្នាប់សង្គម ។
ការថ្លែងក្នុងពិធីជួបជុំរវាងសម្តេចធិបតី ហ៊ុន ម៉ាណែត ជាមួយអ្នកសារព័ត៌មានលើកទី៧ ឆ្នាំ២០២៥ នៅមណ្ឌលសន្និបាត និងពិព័រណ៍អន្តរជាតិជ្រោយចង្វារ (OCIC) នារសៀល ថ្ងៃទី៣ ខែឧសភា ឆ្នាំ២០២៥ សម្តេចមហាបវរធិបតី បានគូសបញ្ជាក់យ៉ាងដូច្នេះថា៖«ការផ្សព្វផ្សាយ ដោយសុចរិតភាពនាំឱ្យអ្នកសារព័ត៌មានទទួលបានទំនុកចិត្តពីមហាជន ហើយធ្វើឱ្យអ្នកសារព័ត៌មានទទួលបានតម្លៃផងដែរ » ។
សម្តេចមហាបវរធិបតី ហ៊ុន ម៉ាណែត គូសបញ្ជាក់ថា ៖«សុចរិតភាព កើតឡើងអំពីអ្វី? ទី១ គឺកុំប្រើប្រាស់អាជីព ជាអ្នកសារព័ត៌មាន ទៅផ្សព្វផ្សាយព័ត៌មាន អ្វីដែលយើងដឹងថា មិនពិត ដើម្បីគោលដៅអាក្រក់លើអ្នកដទៃ ឬចង់ចំណេញខាងអ្វីមួយនោះ គឺសុំប្រកាន់សុចរិតភាព ភាពទៀងត្រង់របស់យើងទើបមានតម្លៃ» ។
បន្ថែមលើនេះ សម្តេចធិបតី ណែនាំកុំប្រើអាជីពជាអ្នកកាសែត ដើម្បីទៅទាញយកផលប្រយោជន៍មិនត្រឹមត្រូវ ជាក់ស្តែងកាលពីពេលកន្លងទៅក្រសួងព័ត៌មានបានដកអាជ្ញាបណ្ណពីអ្នកសារព័ត៌មានមួយចំនួន ក្រោយស្រាវជ្រាវរកឃើញថា បានប្រព្រឹត្តប្រាស់ចាកវិជ្ជាជីវៈជំរិតទារប្រាក់ពីអ្នកដទៃថ្នូរនឹងការជួយបិទបាំងព័ត៌មានដែលបានធ្វើឱ្យប៉ះពាល់ដល់អ្នកសារព័ត៌មានដទៃទៀតរាប់ពាន់នាក់ និងធ្វើឱ្យអ្នកសារព័ត៌មានបាត់បង់ទំនុកចិត្ត ហេតុនេះទាមទារឱ្យមានសុចរិតភាព ។
សូមជម្រាបថា ការលើកឡើរបស់សម្តេចមហាបវរធិបតី បន្ទាប់មានអ្នកសារព័ត៌មានមួយចំនួនតូចបានប្រើប្រាស់តួនាទីខ្លួន ដើម្បីធ្វើការជំរិតទាប្រាក់ពីអ្នកដទៃ ឬអ្នកខ្លះជាថ្នូរនឹងការបិទមិនផ្សាយព័ត៌មានជាដើម ៕
ចែករំលែកព័តមាននេះ