ទីក្រុងកៀវ៖ ប្រមុខដឹកនាំអ៊ុយក្រែន លោកហ្សេឡិនស្គី អបអរសាទរការសម្រេចបានកិច្ចព្រមព្រៀងធ្វើអាជីវកម្មរ៉ែកម្រដែលទើបតែចុះហត្ថលេខានៅទីក្រុងវ៉ាស៊ីនតោនកាលពីពេលថ្មីៗនេះដោយឧបនាយករដ្ឋមន្ត្រីអ៊ុយក្រែន លោកស្រីជូលីយ៉ា និងរដ្ឋមន្ត្រីក្រសួងរតនាគារជាតិអាមេរិក។ លោកហ្សេឡិនស្គីថ្លែងថានេះជាផ្នែក១នៃលទ្ធផលជួបគ្នារវាងលោក និងលោកត្រាំនៅទីក្រុងរ៉ូម។
លោកចាត់ទុកថាកិច្ចព្រមព្រៀងកាលពីថ្ងៃទី២៦ ខែមេសានោះមានសារៈសំខាន់ជាប្រវត្តិសាស្ត្រ។ ប្រភពខ្លះឱ្យដឹងថានៅក្នុងកិច្ចជំនួបរយៈពេល១៥នាទីនោះ លោកហ្សេឡិនស្គីបានជំរុញឱ្យលោកត្រាំងាកថយក្រោយទៅរកសំណើនៃបទឈប់បាញ់រយៈពេល៣០ថ្ងៃកាលពីលើកទី១ដែលអ៊ុយក្រែនប្រកាសទទួលយកទុកជាមុន។ ប៉ុន្តែនៅពេលលោកត្រាំបញ្ជូនសំណើនោះទៅទីក្រុងម៉ូស្គូត្រូវលោកពូទីនបដិសេធ។
លោកហ្សេឡិនស្គីថ្លែងថាកិច្ចព្រមព្រៀងធ្វើអាជីវកម្មរ៉ែកម្រនេះបានកែសម្រួលកាន់តែល្អប្រសើរជាងមុនឆ្ងាយណាស់តាមរយៈការចរចាគ្នារយៈពេលជាច្រើនខែកន្លងទៅនេះ។លោកថានេះជាកិច្ចព្រមព្រៀងដ៏មានយុត្តិធម៌យ៉ាងពិតប្រាកដ។ នេះជាការត្រៀមបើកទ្វារដ៏ធំដើម្បីទទួលការវិនិយោគរួមគ្នា ហើយនឹងការធ្វើទំនើបកម្មនៅក្នុងវិស័យផលិតកម្មរបស់អ៊ុយក្រែន។
កិច្ចព្រមព្រៀងដែលចុះហត្ថលេខាកាលពីថ្ងៃទី៣០ ខែមេសានោះបានបង្កើតមូលនិធិដែលផ្ដោតសំខាន់ទៅលើការកសាងជាតិឡើងវិញ និងប្រតិបត្តិការដោយភាពជាដៃគូចម្រុះរវាងអាមេរិក និងអ៊ុយក្រែន។ គេដឹងថានៅក្នុងកិច្ចព្រមព្រៀងរ៉ែកម្រដែលរង់ចាំការបោះឆ្នោតអនុម័តពីរដ្ឋសភាអ៊ុយក្រែននោះក៏បានបញ្ចូលការធ្វើអាជីវកម្មធនធានធម្មជាតិ៥៧មុខរបស់អ៊ុយក្រែនផងដែរ។
ម៉្យាងទៀតលក្ខខណ្ឌនៃកិច្ចព្រមព្រៀងត្រូវស្របទៅតាមច្បាប់របស់អ៊ុយក្រែន និងសហភាពអឺរ៉ុបដើម្បីឆ្លើយតបទៅនឹងកង្វល់ពាក់ព័ន្ធនឹងអធិបតេយ្យភាពជាតិ និងទំនាស់ផលប្រយោជន៍របស់រដ្ឋជាសមាជិកអឺរ៉ុប។ តាមរយៈកិច្ចព្រមព្រៀងនេះ រាល់ការផ្ដល់ជំនួយយោធារបស់អាមេរិកចំពោះអ៊ុយក្រែនមិនថាពីអតីតកាលតទៅអនាគតកាលនោះទេនឹងមិនត្រូវអាមេរិកទាមទារយកមកវិញឡើយ៕
ទីក្រុងកៀវ៖ ប្រមុខដឹកនាំអ៊ុយក្រែន លោកហ្សេឡិនស្គី អបអរសាទរការសម្រេចបានកិច្ចព្រមព្រៀងធ្វើអាជីវកម្មរ៉ែកម្រដែលទើបតែចុះហត្ថលេខានៅទីក្រុងវ៉ាស៊ីនតោនកាលពីពេលថ្មីៗនេះដោយឧបនាយករដ្ឋមន្ត្រីអ៊ុយក្រែន លោកស្រីយូលីយ៉ា (Yulia) និងរដ្ឋមន្ត្រីក្រសួងរតឌជូនាគារជាតិអាមេរិក។ លោកហ្សេឡិនស្គីថ្លែងថានេះជាផ្នែក១នៃលទ្ធផលជួបគ្នារវាងលោក និងលោកត្រាំនៅទីក្រុងរ៉ូម។
លោកចាត់ទុកថាកិច្ចព្រមព្រៀងកាលពីថ្ងៃទី២៦ ខែមេសានោះមានសារៈសំខាន់ជាប្រវត្តិសាស្ត្រ។ ប្រភពខ្លះឱ្យដឹងថានៅក្នុងកិច្ចជំនួបរយៈពេល១៥នាទីនោះ លោកហ្សេឡិនស្គីបានជំរុញឱ្យលោកត្រាំងាកថយក្រោយទៅរកសំណើនៃបទឈប់បាញ់រយៈពេល៣០ថ្ងៃកាលពីលើកទី១ដែលអ៊ុយក្រែនប្រកាសទទួលយកទុកជាមុន។ ប៉ុន្តែនៅពេលលោកត្រាំបញ្ជូនសំណើនោះទៅទីក្រុងម៉ូស្គូត្រូវលោកពូទីនបដិសេធ។
លោកហ្សេឡិនស្គីថ្លែងថាកិច្ចព្រមព្រៀងធ្វើអាជីវកម្មរ៉ែកម្រនេះបានកែសម្រួលកាន់តែល្អប្រសើរជាងមុនឆ្ងាយណាស់តាមរយៈការចរចាគ្នារយៈពេលជាច្រើនខែកន្លងទៅនេះ។លោកថានេះជាកិច្ចព្រមព្រៀងដ៏មានយុត្តិធម៌យ៉ាងពិតប្រាកដ។ នេះជាការត្រៀមបើកទ្វារដ៏ធំដើម្បីទទួលការវិនិយោគរួមគ្នា ហើយនឹងការធ្វើទំនើបកម្មនៅក្នុងវិស័យផលិតកម្មរបស់អ៊ុយក្រែន។
កិច្ចព្រមព្រៀងដែលចុះហត្ថលេខាកាលពីថ្ងៃទី៣០ ខែមេសានោះបានបង្កើតមូលនិធិដែលផ្ដោតសំខាន់ទៅលើការកសាងជាតិឡើងវិញ និងប្រតិបត្តិការដោយភាពជាដៃគូចម្រុះរវាងអាមេរិក និងអ៊ុយក្រែន។ គេដឹងថានៅក្នុងកិច្ចព្រមព្រៀងរ៉ែកម្រដែលរង់ចាំការបោះឆ្នោតអនុម័តពីរដ្ឋសភាអ៊ុយក្រែននោះក៏បានបញ្ចូលការធ្វើអាជីវកម្មធនធានធម្មជាតិ៥៧មុខរបស់អ៊ុយក្រែនផងដែរ។
ម៉្យាងទៀតលក្ខខណ្ឌនៃកិច្ចព្រមព្រៀងត្រូវស្របទៅតាមច្បាប់របស់អ៊ុយក្រែន និងសហភាពអឺរ៉ុបដើម្បីឆ្លើយតបទៅនឹងកង្វល់ពាក់ព័ន្ធនឹងអធិបតេយ្យភាពជាតិ និងទំនាស់ផលប្រយោជន៍របស់រដ្ឋជាសមាជិកអឺរ៉ុប។ តាមរយៈកិច្ចព្រមព្រៀងនេះ រាល់ការផ្ដល់ជំនួយយោធារបស់អាមេរិកចំពោះអ៊ុយក្រែនមិនថាពីអតីតកាលតទៅអនាគតកាលនោះទេនឹងមិនត្រូវអាមេរិកទាមទារយកមកវិញឡើយ៕
ចែករំលែកព័តមាននេះ