រាជធានីភ្នំពេញ ៖ បុរសម្នាក់បានឆាតលាបងស្រីរួចជិះម៉ូតូទៅលោតទឹកសម្លាប់ខ្លួនពីលើស្ពានជ្រោយចង្វារបន្សល់ទុកម៉ូតូស្បែកជើង,ទូរស័ព្ទដៃ និងកាបូប ។ ហេតុការណ៍នេះ បង្កឲ្យមានការភ្ញាក់ផ្អើល កាលពីវេលាម៉ោង២២និង៥០នាទីនៅចំណុចលើស្ពានជ្រោយចង្វារកម្ពុជា-ជប៉ុន ស្ថិតនៅភូមិ១៦ សង្កាត់ស្រះចក…
រាជធានីភ្នំពេញ ៖ បុរសម្នាក់បានឆាតលាបងស្រីរួចជិះម៉ូតូទៅលោតទឹកសម្លាប់ខ្លួនពីលើស្ពានជ្រោយចង្វារបន្សល់ទុកម៉ូតូស្បែកជើង,ទូរស័ព្ទដៃ និងកាបូប ។ ហេតុការណ៍នេះ បង្កឲ្យមានការភ្ញាក់ផ្អើល កាលពីវេលាម៉ោង២២និង៥០នាទីនៅចំណុចលើស្ពានជ្រោយចង្វារកម្ពុជា-ជប៉ុន ស្ថិតនៅភូមិ១៦ សង្កាត់ស្រះចក ខណ្ឌដូនពេញ រាជធានីភ្នំពេញ ។ បុរសដែលគិតខ្លីត្រូវក្រុមគ្រួសារអោយដឹងថាឈ្មោះនាង ណារាអាយុជាង២០ឆ្នាំជាកម្មកររោងចក្រ។
តាមព័ត៌មានអោយដឹងថា នៅវេលាយប់ថ្ងៃកើតហេតុប្រជាពលរដ្ឋដែលធ្វើដំណើរនៅលើស្ពានជ្រោយចង្វារ ក៏បានប្រទះឃើញម៉ូតូមួយគ្រឿង និងសម្ភារកាបូបទូរស័ព្ទដៃចំនួន២គ្រឿង និងស្បែកជើងរួចក៏បានរាយការណ៍ទៅសមត្ថកិច្ចបង្កឲ្យមានការភ្ញាក់ផ្អើលតែម្ដង ។
បន្ទាប់ពីមានការភ្ញាក់ផ្អើល គេឃើញបងស្រីនិងបងប្រុសរបស់បុរសរូបនោះក៏ធ្វើដំណើរទៅលើស្ពានជ្រោយចង្វារ ។ តាមបងស្រីបានឱ្យដឹងថា មុនពេលដែលប្អូនប្រុសធ្វើដំណើរមកលោតទឹកសម្លាប់ខ្លួនពីលើស្ពានជ្រោយចង្វារដោយឆាតប្រាប់ថា ប្អូនពិបាកចិត្តណាស់លាហើយចែចាំយកសពប្អូនផង។
ទោះបីជាយ៉ាងណា ក្រុមការងារព័ត៌មាននិងប្រតិកម្មរហ័សនៃស្នងការនគបាលរាជធានីភ្នំពេញបានបង្ហោះនៅរសៀលថ្ងៃទី០២ខែឧសភាថា បុរសដែលគិតខ្លីមិនស្គាល់អត្តសញ្ញាណនោះឡើយ។
តាមក្រុមការងារព័ត៌មាននិងប្រតិកម្មរហ័សបានអោយដឹងថា នៅយប់ថ្ងៃទី០១ ខែមេសា ឆ្នាំ២០២៥ វេលាម៉ោង២២ និង៥០នាទី មានបុរសម្នាក់មិនស្គាល់អត្តសញ្ញាណបានធ្វើអត្តឃាត(ដោយលោតទឹកសម្លាប់ខ្លួនឯង) នៅចំណុចលើស្ពានជ្រោយចង្វារ កម្ពុជា-ជប៉ុន ស្ថិតនៅភូមិ១៦ សង្កាត់ស្រះចក ខណ្ឌដូនពេញ ដោយបន្សល់ទុកម៉ូតូមួយគ្រឿងម៉ាកសេ១២៥ ពណ៌ខ្មៅ ពាក់ផ្លាកលេខ កំពត 1A-8573, ស្បែកជើងមួយគូរ និងទូរស័ព្ទដៃពីរគ្រឿង។បច្ចុប្បន្នសម្ភារៈខាងលើ សមត្ថកិច្ចបានយកមករក្សាទុកនៅប៉ុស្តិ៍នគរបាលរដ្ឋបាលស្រះចក ។ សមត្ថកិច្ចកំពុងស្វែងរកអត្តសញ្ញាណជនរងគ្រោះ។
សមត្ថកិច្ចក៏បានអំពាវនាវដល់ប្រជាពលរដ្ឋបើសិន សមាជិកគ្រួសារបានស្គាល់ម៉ូតូខាងលើ សូមទំនាក់ទំនងមកប៉ុស្តិ៍នគរបាលរដ្ឋបាលស្រះចក៕
ចែករំលែកព័តមាននេះ