ខេត្តកណ្តាល ៖ ជនសង្ស័យម្នាក់ ជាមុខសញ្ញាលួច យ៉ាងសកម្ម ក្នុងវត្តស្វាយជ្រំ ត្រូវគណៈកម្មការវត្ត ចាប់បានប្រគល់ជូនសមត្ថកិច្ច ។ ហេតុការណ៍នេះដែលបានកើតឡើងកាលពីវេលាម៉ោង…
ខេត្តកណ្តាល ៖ ជនសង្ស័យម្នាក់ ជាមុខសញ្ញាលួច យ៉ាងសកម្ម ក្នុងវត្តស្វាយជ្រំ ត្រូវគណៈកម្មការវត្ត ចាប់បានប្រគល់ជូនសមត្ថកិច្ច ។ ហេតុការណ៍នេះដែលបានកើតឡើងកាលពីវេលាម៉ោង ០១ នឹង ៣០នាទីរំលងអាធ្រាតឈានចូលថ្ងៃទី០២ ខែឧសភា ឆ្នាំ២០២៥ ចំណុចក្នុងវត្ដស្វាយជ្រំស្ថិត នៅភូមិស្វាយជ្រំ សង្កាត់ស្វាយជ្រំ ក្រុងអរិយក្សត្រ ខេត្តកណ្ដាល ។
សមត្ថកិច្ចឱ្យដឹងថាជនសង្ស័យមានឈ្មោះ អ៊ុន ឌីម ភេទប្រុស អាយុ ៣៥ឆ្នាំ មុខរបរ មិនពិតប្រាកដ ស្នាក់នៅក្នុងមូលដ្ឋាន ខណ្ឌដូនពេញ រាជធានីភ្នំពេញ ។ ជាមួយគ្នានោះសមត្ថកិច្ចបានដកហូតវត្ថុតាងចាប់យករួមមាន៖ ខ្សែរភ្លើង ចំនួន០១ ដុំតូច , ដង្កាប់ ចំនួន០១ , កូនកាំបិតមុខស្រួច ចំនួន០១ , កូនសោលេខដប់ ចំនួន០១ , កាំបិតហូតមុខឡាម ចំនួន០១នឹង ស្បែកជើងចំនួន០២គូ ។
បើយោងតាមប្រភពពីជនរងគ្រោះតំណាងឱ្យវត្ដស្វាយជ្រំ បានឱ្យដឹងថា ចាប់តាំងពីខែធ្នូ ឆ្នាំ២០២៤ មកសម្ភារៈនៅក្នុងវត្ត ដូចជាខ្សែភ្លើង ម៉ូទ័រកាត់ឈើ ទូរស័ព្ទ ស្បែកជើង ខ្សែតជាមួយដុំwifi និងសម្ភារៈផ្សេងៗទៀត ភាគច្រើនសម្ភារៈបាត់កំឡុងពេលយប់ជ្រៅតែម្តង ។ ក្រោយបាត់សម្ភារៈជាញឹកញាន់ គណៈកម្មការវត្ត បានចាប់ផ្តើម ដាក់វេនគ្នា ប្រចាំការនៅក្នុងវត្ដ រៀងរាលពេលយប់ ។ រហូតដល់មកដល់ថ្ងៃទី ០២ ខែឧសភា ឆ្នាំ២០២៥ វេលាម៉ោង ០១ នឹង ៣០នាទីយប់ ជនរងគ្រោះកំពុងឃ្លាំមើលក្នុងបរិវេណវត្ដ ក៏ស្រាប់តែឃើញជនសង្ស័យ បានដើរចូលមកធ្វើសកម្មភាពលួចសម្ភារៈក្នុងវត្ដម្តងទៀត ។
ស្របពេលនោះជនរងគ្រោះបានស្រែកហៅជនសង្ស័យនោះដើម្បីសួរនាំ ស្របពេលនោះ ជនសង្ស័យបម្រុងរត់គេច តែក៏ត្រូវ កម្លាំងរបស់គណៈកម្មការវត្ត ចាប់បាន រួចធ្វើការសាកសួរ ជនសង្ស័យបានសារភាពថា « ខ្លួនមកពីភ្នំពេញ ដើរលួចសម្ភារៈក្នុងវត្ដជាច្រើនលើកមកហើយ » ភ្លាមៗគាត់ក៏រាយការណ៍ជូនសមត្ថកិច្ចដើម្បីសួរនាំបន្ដ ។
បច្ចុប្បន្ន ជនសង្ស័យខាងលើបាននាំខ្លួនមកកាន់អធិការដ្ឋាននគរបាលក្រុងអរិយក្សត្រ ដើម្បីបន្តចាត់ការតាមនីតិវិធី ៕
ចែករំលែកព័តមាននេះ