រាជធានីភ្នំពេញ ៖ ស្ថានឯកអគ្គរាជទូតកម្ពុជា ប្រចាំសាធារណរដ្ឋអ៊ីស្លាមអ៊ីរ៉ង់ បានអំពាវនាវដល់ពលរដ្ឋខ្មែរ បង្កើនការប្រុងប្រយ័ត្នអំពីសុវត្ថិភាពផ្ទាល់ខ្លួន។ ការអំពាវនាវនេះ ខណៈពេលដែលសង្គ្រាមអ៊ីរ៉ង់ និងប្រទេសអ៊ីស្រាអែល បានកំពុងតែធ្វើការបាញ់វាយប្រហារគ្នា…
រាជធានីភ្នំពេញ ៖ ស្ថានឯកអគ្គរាជទូតកម្ពុជា ប្រចាំសាធារណរដ្ឋអ៊ីស្លាមអ៊ីរ៉ង់ បានអំពាវនាវដល់ពលរដ្ឋខ្មែរ បង្កើនការប្រុងប្រយ័ត្នអំពីសុវត្ថិភាពផ្ទាល់ខ្លួន។ ការអំពាវនាវនេះ ខណៈពេលដែលសង្គ្រាមអ៊ីរ៉ង់ និងប្រទេសអ៊ីស្រាអែល បានកំពុងតែធ្វើការបាញ់វាយប្រហារគ្នា ។
យោងតាមសេចក្តីអំពាវនាវរបស់ស្ថានឯកអគ្គរាជទូតកម្ពុជា ប្រចាំសាធារណរដ្ឋអ៊ីស្លាមអ៊ីរ៉ង់ ដែលមាននិវេសនដ្ឋាន នៅទីក្រុងញូវដែលី សាធារណរដ្ឋឥណ្ឌា នៅថ្ងៃទី១៩ មិថុនា ឆ្នាំ២០១៥ បានជម្រាបជូនពលរដ្ឋខ្មែរទាំងអស់ នៅក្នុងប្រទេសអ៊ីរ៉ង់ មេត្តាជ្រាបថា ផ្អែកលើស្ថានការណ៍កំពុងវិវត្តន៍ នៃជម្លោះប្រដាប់អាវុធទ្រង់ទ្រាយធំរវាង អ៊ីរ៉ង់ និងអ៊ីស្រាអែល ប្រកបដោយភាពតានតឹង និងគ្រោះថ្នាក់ខ្លាំងពិបាកប៉ាន់ស្មាននោះ ស្ថានទូតសូមអំពាវនាវដល់ពលរដ្ឋខ្មែរទាំងអស់ នៅក្នុងប្រទេសអ៊ីរ៉ង់ សូមបង្កើនការប្រុងប្រយ័ត្នអំពីសុវត្ថិភាពផ្ទាល់ខ្លួន និងចូលរួមសហការអនុវត្តន៍ឱ្យបានម៉ឺងម៉ាត់តាមការណែនាំរបស់អាជ្ញាធរពាក់ព័ន្ធរបស់អ៊ីរ៉ង់ ដើម្បីជៀសវាងឧប្បត្តិហេតុជាយថាហេតុណាមួយ ។
ជាមួយគ្នានោះដែរស្ថានទូត ក៏បានលើកឡើងថា ក្នុងករណីចាំបាច់ត្រូវការជំនួយផ្សេងៗ សូមទំនាក់ទំនងជាមួយមន្ត្រីស្ថានទូតកម្ពុជា នៅទីក្រុងញូវដែលី ដូចខាងក្រោម ៖
-លោក ហួន សុផាណារ៉ា លេខាធិការទី១ ទូរសព្ទលេខ ៖ +91 88 60 899 106 /+855 10 998 654 (WhatsApp/Telegram)។
-លោក គឹម គង់ លេខាធិការទី១ ទូរសព្ទលេខ ៖ +91 96 54 737 536 /+855 88 700 4904 (WhatsApp/Telegram)។
ស្ថានទូតនឹងជម្រាបជូនប្រជាពលរដ្ឋខ្មែរទាំងអស់ នៅក្នុងប្រទេសអ៊ីរ៉ង់ អំពីការចាត់ វិធានការសមស្របណាមួយ តាមកាលៈទេសៈចាំបាច់ នៃសភាពការណ៍វិវត្តន៍ជាក់ស្តែង ៕
ចែករំលែកព័តមាននេះ