រាជធានីភ្នំពេញ ៖ កម្លាំងនគរបាល បានឃាត់ខ្លួនជនសង្ស័យចំនួន ០៦នាក់ ពាក់ព័ន្ធករណីឆក់ទូរសព្ទរបស់ប្រពលរដ្ឋ និងជនបរទេស នៅក្នុងរាជធានីភ្នំពេញ សរុប០៨ករណី ក្នុងចំណោមនោះ…
រាជធានីភ្នំពេញ ៖ កម្លាំងនគរបាល បានឃាត់ខ្លួនជនសង្ស័យចំនួន ០៦នាក់ ពាក់ព័ន្ធករណីឆក់ទូរសព្ទរបស់ប្រពលរដ្ឋ និងជនបរទេស នៅក្នុងរាជធានីភ្នំពេញ សរុប០៨ករណី ក្នុងចំណោមនោះ មានជនសង្ស័យ០២នាក់ ដែលបានធ្វើសកម្មភាពឆក់កាបូបជនបរទេស ប៉ុន្តែមិនបានសម្រេច នៅខណ្ឌចំការមន ។
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានអោយដឹងនៅថ្ងៃទី៣០ មេសានេះថា ដោយអនុវត្តតាមបញ្ជាផ្ទាល់របស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយសមត្ថកិច្ចអធិការដ្ឋាននគរបាលខណ្ឌទួលគោក ស្រាវជ្រាវឃាត់ខ្លួនបន្តបន្ទាប់ ជនសង្ស័យសរុបចំនួន ០៦នាក់ ពាក់ព័ន្ធប្រព្រឹត្តបទល្មើសចំនួន ០៨ ករណី រួមមាន ៖
ករណីទី១ ៖ អំពើលួចមានស្ថានទម្ងន់ទោស ដោយសារការប្រព្រឹត្តអំពើហិ.ង្សា (ឆក់ទូរសព្ទដៃម៉ាកអាយហ្វូន១៣ប្រូម៉េក បណ្តាលឲ្យជនរងគ្រោះដួលម៉ូតូរងរបួស) ប្រព្រឹត្តនៅចំណុចមុខសាលាវេស្ទើនអន្តរជាតិ ផ្លូវលេខ៣១៥ សង្កាត់បឹងកក់១ ខណ្ឌទួលគោក រាជធានីភ្នំពេញ កាលពីថ្ងៃទី១៨ ខែមេសា ឆ្នាំ២០២៥ វេលាម៉ោង០៨និង១០នាទី ។
ករណីទី២ ៖ អំពើលួចមានស្ថានទម្ងន់ទោស ដោយសារការប្រព្រឹត្តអំពើហិង្សា (ឆក់ទូរសព្ទដៃ ម៉ាកអាយហ្វូន ១៤ប្រូម៉េក) ប្រព្រឹត្តនៅចំណុចមុខផ្សារTK សង្កាត់បឹងកក់១ ខណ្ឌទួលគោក រាជធានីភ្នំពេញ ។
ករណីទី៣ ៖ អំពើលួចមានស្ថានទម្ងន់ទោស ដោយសារការប្រព្រឹត្តអំពើហិ.ង្សា (ឆក់ទូរសព្ទដៃម៉ាក REALME ពណ៌ខ្មៅ) ប្រព្រឹត្តនៅចំណុចផ្លូវលេខ៥២៨ សង្កាត់បឹងកក់១ ខណ្ឌទួលគោក រាជធានីភ្នំពេញ ។
ករណីទី៤ ៖ អំពើលួចមានស្ថានទម្ងន់ទោស ដោយសារការប្រព្រឹត្តអំពើហិ.ង្សា (ឆក់ទូរសព្ទដៃម៉ាកអាយហ្វូន ១២ប្រូម៉េក) ប្រព្រឹត្តនៅចំណុចផ្លូវលេខ២៨៩ សង្កាត់ទឹកល្អក់១ ខណ្ឌទួលគោក រាជធានីភ្នំពេញ ។
ករណីទី៥ ៖ អំពើលួចមានស្ថានទម្ងន់ទោស ដោយសារការប្រព្រឹត្តអំពើហិ.ង្សា (ឆក់ទូរសព្ទដៃម៉ាកអាយហ្វូន ១៣ប្រូម៉េក) ប្រព្រឹត្តនៅចំណុចមុខផ្សារTK សង្កាត់បឹងកក់១ ខណ្ឌទួលគោក រាជធានីភ្នំពេញ ។
ករណីទី៦ ៖ អំពើលួចមានស្ថានទម្ងន់ ទោសដោយសារការប្រព្រឹត្តអំពើហិ.ង្សា (ឆក់ទូរសព្ទដៃម៉ាកអាយហ្វូន ១៣) ប្រព្រឹត្តនៅចំណុចមុខស្តាតអូរឡាំពិក សង្កាត់វាលវង់ ខណ្ឌ៧មករា រាជធានីភ្នំពេញ ។
ករណីទី៧ ៖ អំពើលួចមានស្ថានទម្ងន់ ទោសដោយសារការប្រព្រឹត្តអំពើហិ.ង្សា (ឆក់កាបូប ជនបរទេស មិនបានសម្រេច) និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចមុខផ្ទះលេខ១១អា ផ្លូវលេខ២១ ក្រុម២៩ ភូមិ៥សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី២៦ ខែមេសា ឆ្នាំ២០២៥ វេលាម៉ោង ០៦ និង ៣១នាទី (ព្រហ្មទណ្ឌកម្រិតស្រាលឃាត់បាន) ។
ករណីទី៨ ៖ អំពើលួចមានស្ថានទម្ងន់ទោស ដោយសារការប្រព្រឹត្តអំពើហិ.ង្សា (ឆក់ទូរសព្ទដៃ០១គ្រឿងម៉ាកអាយហ្វូន១៣ប្រូម៉េក) ប្រព្រឹត្តបទនៅចំណុចមុខផ្ទះលេខ០៥ ផ្លូវលេខ៥៩០ ក្រុមទី៦៤ ភូមិ១៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ កាលពីថ្ងៃទី២៤ ខែមេសា ឆ្នាំ២០២៥ វេលាម៉ោងប្រហែល០៦ និង៤៨នាទី ។
ជនសង្ស័យទាំង៦នាក់ រួមមាន ៖
១-ឈ្មោះ ហេង សុនី ហៅ ធី ភេទ ប្រុស អាយុ ២០ ឆ្នាំ
២-ឈ្មោះ សារុន វីរៈ ភេទ ប្រុស អាយុ ១៨ ឆ្នាំ ជនជាតិ ខ្មែរ
៣-ឈ្មោះ អ៊ុំ ប៊ុនហ៊ាង ហៅ អាហ៊ាងតូច ភេទប្រុស អាយុ១៨ឆ្នាំ ជនជាតិខ្មែរ
៤-ឈ្មោះ ដា រ៉ា ភេទប្រុស អាយុ១៨ឆ្នាំ ជនជាតិខ្មែរ
៥-ឈ្មោះ កែវ រ៉ាហ៊ាង ហៅ អាហ៊ាងធំ ភេទប្រុស អាយុ១៨ឆ្នាំ ជនជាតិខ្មែរ
និង៦-ឈ្មោះ បូរ ស័ក្កករុណា ហៅ ម៉ាប់ ភេទប្រុស អាយុ១៥ឆ្នាំ ជនជាតិខ្មែរ ។
វត្ថុតាងចាប់យក រួមមាន៖
១-ម៉ូតូម៉ាក Honda C១២៥ ស៊េរី២០១៤ ឡើងតែម២០២២ ពណ៍ខ្មៅ ពាក់ផ្លាកលេខ ភ្នំពេញ ១CS-៤៣៧៩ ។
២-ម៉ូតូម៉ាក Honda Scoopy ពណ៍ក្រហម ពាក់ផ្លាកលេខ ភ្នំពេញ ១HX-២០៧៤ ។
៤-ម៉ូតូ០១គ្រឿងម៉ាក Honda C១២៥ស៊េរី២០២២ ពណ៍ខ្មៅ ពាក់ផ្លាកលេខ ភ្នំពេញ ១DP-០៣២០ ។
បច្ចុប្បន្នជនសង្ស័យ និងវត្ថុតាងកំពុងកសាងសំណុំរឿងដើម្បីចាត់ការតាមនិតិវិធី ៕
ចែករំលែកព័តមាននេះ