នាយករដ្ឋមន្ត្រី កាលពីថ្ងៃទី២៩ ខែមេសា បានព្រមានមន្ត្រីថា កុំអោយមានភាពអាត្មានិយម គិតតែប្រយោជន៍ផ្ទាល់ខ្លួន ហើយភ្លេចគិតដល់ផលប្រយោជន៍ប្រជាជនជាធំ ។ សម្តេចមហាបវរធិបតី ហ៊ុន…
នាយករដ្ឋមន្ត្រី កាលពីថ្ងៃទី២៩ ខែមេសា បានព្រមានមន្ត្រីថា កុំអោយមានភាពអាត្មានិយម គិតតែប្រយោជន៍ផ្ទាល់ខ្លួន ហើយភ្លេចគិតដល់ផលប្រយោជន៍ប្រជាជនជាធំ ។
សម្តេចមហាបវរធិបតី ហ៊ុន ម៉ាណែត បានព្រមានបែបនេះនៅក្នុងពេលសម្ពោធអោយប្រើប្រាស់ផ្លូវជាតិបីខ្សែ តម្លៃ១៨៨លានដុល្លារ ដែលឆ្លងកាត់ខេត្តកណ្តាល កំពង់ស្ពឺ តាកែវ កែប និងកំពត ។
សម្តេចបានមានប្រសាសន៍ថា បើសិនជាមន្ត្រីគិតតែពីប្រយោជន៍ផ្ទាល់ខ្លួននោះ វិនិយោគិននឹងរត់អស់ហើយ ខាតប្រយោជ៍ទាំងអស់គ្នា ។ ដូច្នេះមន្ត្រីមិនត្រូវដាក់គោលដៅប្រយោជន៍ផ្ទាល់ខ្លួនទេ ហើយត្រូវដាក់គោលដៅបម្រើផលប្រយោជន៍ប្រជាជន ។
កន្លងមក មានការរិះគន់ថា មានមន្ត្រីខិលខូចខ្លះមានគំនិតថា «មានគម្រោង មានលុយឬប្រយោជន៍» ។ ដូច្នេះ សង្ឃឹមថាការលើកឡើងរបស់នាយករដ្ឋមន្ត្រីនឹងដាស់តឿន ពួកមន្ត្រីទាំងនោះ អោយឈប់មានគំនិតបែបនេះទៀត ៕
ចែករំលែកព័តមាននេះ