ខេត្តព្រៃវែង ៖ ស្ត្រីពោះធំម្នាក់ត្រូវបានប្ដីដឹកតាមម៉ូតូសំដៅទៅកាន់មន្ទីរពេទ្យបង្អែក តែដល់ពាក់ កណ្ដាលផ្លូវ ក៏ឈឺពោះនិងឆ្លងទន្លេនៅចិញ្ចើមផ្លូវ បង្កការភ្ញាក់ផ្អើលដល់អ្នកដំណើរនាំគ្នារាយការណ៍ទៅសមត្ថកិច្ច ជួយអន្តរាគមន៍ដឹកយកទៅសង្គ្រោះនៅមន្ទីរពេទ្យបង្អែកអ្នកលឿងភ្លាមៗ។ ហេតុការណ៍នេះ បានកើតឡើងកាលពីវេលាម៉ោង4…
ខេត្តព្រៃវែង ៖ ស្ត្រីពោះធំម្នាក់ត្រូវបានប្ដីដឹកតាមម៉ូតូសំដៅទៅកាន់មន្ទីរពេទ្យបង្អែក តែដល់ពាក់ កណ្ដាលផ្លូវ ក៏ឈឺពោះនិងឆ្លងទន្លេនៅចិញ្ចើមផ្លូវ បង្កការភ្ញាក់ផ្អើលដល់អ្នកដំណើរនាំគ្នារាយការណ៍ទៅសមត្ថកិច្ច ជួយអន្តរាគមន៍ដឹកយកទៅសង្គ្រោះនៅមន្ទីរពេទ្យបង្អែកអ្នកលឿងភ្លាមៗ។
ហេតុការណ៍នេះ បានកើតឡើងកាលពីវេលាម៉ោង4 និង45នាទីល្ងាចថ្ងៃទី28 មេសា នៅតាម
បណ្ដោយផ្លូវជាតិលេខ១ ត្រង់ចំណុចក្បែរគល់ស្ពានអ្នកលឿន ក្នុងភូមិជ័យឧត្តម ឃុំព្រែកខ្សាយ
(ក) ស្រុកពាមរក៍ ខេត្តព្រៃវែង ។
ស្ត្រីដែលឈឺពោះឆ្លងទន្លេនៅតាមចិញ្ចើមផ្លូវនេះ មានឈ្មោះ ឌី ចន្ធូ អាយុ28 ឆ្នាំ មានប្ដីឈ្មោះ ហឿន រ៉ាវី អាយុ34ឆ្នាំ អ្នកទាំងពីរមានទីលំនៅក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្ដាល ។
តាមការរៀបរាប់របស់ប្ដីស្ត្រីខាងលើបានឲ្យដឹងថា ប្រពន្ធរបស់គាត់បានឈឺពោះបំរ៉ុងឆ្លងទន្លេ ទើបគាត់បានដឹកតែម៉ូតូ ក្នុងបំណងទៅឆ្លងនៅក្នុងមន្ទីរពេទ្យបង្អែកអ្នកលឿង តែពេលមកដល់កណ្ដាលផ្លូវ ត្រង់ចំណុចកើតហេតុ ប្រពន្ធរបស់គាត់បានប្រាប់ថាឈឺពោះខ្លាំងហើយទៅមិនដល់ទេ ឱ្យគាត់ឈប់ម៉ូតូដាក់ចុះ រួចក៏កើតកូនចេញនៅហ្នឹងចិញ្ចើមផ្លូវតែម្ដង។
ដោយឡែក ខាងសមត្ថកិច្ចបានឲ្យដឹងថា ពេលដែលកំពុងប្រចាំការនៅតាមដងផ្លូវ ត្រង់ចំណុចរង្វង់មូលត្រីកោណ ស្រាប់តែមានអ្នកដំណើរមកប្រាប់ថា មានគេឆ្លងទន្លេនៅក្បែរគល់ស្ពាន ទើបលោក សេង ពន្លក អធិការនគរបាលស្រុកពាមរក៍ បានដឹកនាំកម្លាំងចុះទៅកន្លែងកើតហេតុ និងបានជួយអន្តរាគមន៍ដឹកយកទាំងម្ដាយនិងកូន ទៅសង្គ្រោះបន្តនៅមន្ទីរពេទ្យបង្អែកអ្នកលឿងភ្លាមៗតែម្ដង។
បច្ចុប្បន្ន ស្ត្រីខាងលើព្រមទាំងកូន មានសុវត្ថិភាពហើយ និងកំពុងសម្រាកនៅមន្ទីរពេទ្យបង្អែកអ្នកលឿង។
ចែករំលែកព័តមាននេះ