រាជធានីភ្នំពេញ ៖ កម្លាំងសមត្ថកិច្ចខណ្ឌច្បារអំពៅ ស្រាវជ្រាវបង្ក្រាបចាប់ខ្លួនអ្នកជួញដូរគ្រឿងញៀន យកបានក្រាមសថ្លា ១៤កញ្ចប់ តូចធំ។ ការចាប់ខ្លួននេះដែរ បានធ្វើឡើងកាលពីវេលា០៦និង៣០នាទីល្ងាចថ្ងៃទី២៨ ខែមេសា…
រាជធានីភ្នំពេញ ៖ កម្លាំងសមត្ថកិច្ចខណ្ឌច្បារអំពៅ ស្រាវជ្រាវបង្ក្រាបចាប់ខ្លួនអ្នកជួញដូរគ្រឿងញៀន យកបានក្រាមសថ្លា ១៤កញ្ចប់ តូចធំ។ ការចាប់ខ្លួននេះដែរ បានធ្វើឡើងកាលពីវេលា០៦និង៣០នាទីល្ងាចថ្ងៃទី២៨ ខែមេសា ឆ្នាំ២០២៥ ចំណុចមុខដីឡូត៏គ្មានលេខ តាមបណ្តោយផ្លូវលំ ភូមិព្រែកតាពៅ(ភូមិចាម) សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ។
ជនសង្ស័យឈ្មោះ នួន សុភក្រភក្តី ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នស្នាក់នៅភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ។
បើតាមការបញ្ជាក់ពីសមត្ថកិច្ច បានប្រាប់អោយដឹងថា ដោយអនុវត្តន៍តាមបទបញ្ជារបស់ឧត្តមសេនីយ៍ឯក ជួន ណារិន្ទ ស្នងការរាជធានី, លោកវរសេនីយ៍ឯក ម៉ៅ សឿត បានដាក់កម្លាំងនគរបាលខណ្ឌច្បារអំពៅ សហការជាមួយ ប៉ុស្តិ៍ព្រែកប្រា រួមជាមួយកម្លាំងការិយាល័យប្រឆាំងគ្រឿងញៀន ស្រាវជ្រាវអស់រយៈពេលជាច្រើនថ្ងៃ រហូតដល់កំណត់បានទីតាំងពួនសំងំលាក់ខ្លួនរបស់ជនសង្ស័យ នៅចំណុចផ្ទះគ្មានលេខ ដីឡូតិ៍មួយកន្លែង ដែលស្ថិតក្នុងសង្កាត់ព្រែកប្រា ឃាត់បានភ្លាមៗ រួមនឹងដកហូតបានវត្ថុតាង មួយចំនួនដូចជា ៖ ក្រាមពណ៍សថ្លា ១៤កញ្ចប់ (០៣កញ្ចប់ថង់ធំល្មម និង ១១កញ្ចប់ថង់តូច) ទូរសព្ទ០១គ្រឿងម៉ាក IPHONE 7PLUS ពណ៍ទឹកមាស និងឧបករណ៍សម្រាប់ជក់គ្រឿងញៀន មួយចំនួន ។
បច្ចុប្បន្ន ជនសង្ស័យខាងលើ រួមនឹងវត្ថុតាង ត្រូវបានកម្លាំងនគរបាលខណ្ឌច្បារអំពៅ ក៏សាងសំណុំរឿងបញ្ជូនទៅសាលដំបូងរាជធានីភ្នំពេញ ដើម្បីចាត់តាមនីតិវិធីច្បាប់ ៕
ចែករំលែកព័តមាននេះ