បន្ទាយមានជ័យ ៖ កង់បីឥណ្ឌា១គ្រឿងរងការឆាបឆេះនៅពេលយកអោយជាងជួសជុលធុងហ្គាស ធ្វេសប្រហែស ម្ចាស់សុំអោយទិញសងវិញដូចដើម ដែលហេតុការណ៍កើតឡើង នៅថ្ងៃទី២៩ ខែមេសា ឆ្នាំ២០២៥ នៅភូមិប៉ាលិលេយ្យមួយ…
បន្ទាយមានជ័យ ៖ កង់បីឥណ្ឌា១គ្រឿងរងការឆាបឆេះនៅពេលយកអោយជាងជួសជុលធុងហ្គាស ធ្វេសប្រហែស ម្ចាស់សុំអោយទិញសងវិញដូចដើម ដែលហេតុការណ៍កើតឡើង នៅថ្ងៃទី២៩ ខែមេសា ឆ្នាំ២០២៥ នៅភូមិប៉ាលិលេយ្យមួយ សង្កាត់.ក្រុងប៉ោយប៉ែត ។
ម្ចាស់កង់បីឥណ្ឌា បានប្រាប់ថា ៖ នៅពេលគាត់យកកង់បីឥណ្ឌា មកអោយជាងលាងធុងហ្គាស នៅពេលជិះមិនស្រួល ហើយជាងម្នាក់បានដោះធុងហ្គាស់ចេញ ហើយយកដែកកេះហ្គាសកិតលេង បង្កអោយឆាបឆេះ ត្រូវអ្នកជិតខាងយកធុងពន្លត់អគ្គិភ័យបាញ់ពន្លត់បានទាន់ពេល សំណាងមិនបង្កឆាបឆេះដល់ផ្ទះអ្នកជិតខាង ខូចខាតតែកង់បីឥណ្ឌា ។
ម្ចាស់ប្រាប់ថា ៖ កង់បីឥណ្ឌារបស់គាត់ត្រូវបានជាងជួសជុលធ្វេសប្រហែស បង្កអោយឆាបឆេះខូចខាតស្ទើរទាំងស្រុង សុំអោយជាងទិញកង់បីឥណ្ឌាគាត់សងវិញ ព្រោះកង់បីឥណ្ឌាសេរីឆ្នាំ២០២២ គាត់ទិញតម្លៃ៣.០០០ដុល្លារ ដែលគាត់បានខ្ចី និងចងការលុយមកទិញរត់មិនទាន់បានរួចខ្លួនផង ត្រូវបានជាងធ្វើឆាបឆេះខូចខាតអស់ ។
ដោយឡែក ជាងបានបញ្ជាក់ថា ៖ កង់បីឥណ្ឌាដែលគាត់ធ្វើបង្កឆាបឆេះខូចខាតនេះ គាត់ទទួលជួសជុលសងដូចដើមវិញ តែម្ចាស់កង់បីឥណ្ឌាមិនទទួលយក ព្រោះជួសជុលខាតពេលវេលារកស៊ី និងមិនបានដូចដើមវិញ ទើបសុំអោយសង នោះគាត់ពិភាក្សាជាមួយមេជាង និងនិងក្រុមគ្រួសារគាត់សិន ។
សមត្ថកិច្ចជំនាញបានប្រាប់ថា ៖ កង់បីឥណ្ឌា១គ្រឿងដែលរងការឆាបឆេះអស់ស្ទើរទាំងស្រុងនេះ ទុកអោយម្ចាស់កង់បីឥណ្ឌា និងជាងរកដោះស្រាយគ្នា ព្រោះករណីឆាបឆេះបង្កដោយជាងធ្វេសប្រហែសទើបឆាបឆេះឡើងខូចខាត ហើយក៏គ្មានអ្នកណាមានចេតនាដែរត្រូវសម្រួលគ្នាដោះស្រាយបញ្ចប់ ៕
ចែករំលែកព័តមាននេះ