សម្តេចតេជោ ធ្វើដំណើរទៅវៀតណាមប្រកបដោយសុវត្ថិភាព
រាជធានីភ្នំពេញ ៖ ដូចជាការគ្រោងទុក សម្តេចតេជោ ហ៊ុន សែន ប្រធានព្រឹទ្ធសភា កម្ពុជានៅព្រឹកថ្ងៃទី២៩ មេសា ឆ្នាំ២០២៥…
រាជធានីភ្នំពេញ ៖ ដូចជាការគ្រោងទុក សម្តេចតេជោ ហ៊ុន សែន ប្រធានព្រឹទ្ធសភា កម្ពុជានៅព្រឹកថ្ងៃទី២៩ មេសា ឆ្នាំ២០២៥ បានដឹកនាំគណៈប្រតិភូជាន់ខ្ពស់កម្ពុជា អញ្ជើញចូលរួមពិធីអបអរសាទរអនុស្សាវរីយ៍លើកទី៥០ នៃទិវារំដោះភាគខាងត្បូង និងការបង្រួបបង្រួមជាតិរបស់វៀតណាមប្រកបដោយសុវត្ថិភាព ។
នាឱកាសនេះ សម្តេច ម៉ែន សំអន ឧត្តមប្រឹក្សាផ្ទាល់ ព្រះមហាក្សត្រកម្ពុជា អនុប្រធានគណបក្សប្រជាជនកម្ពុជា និងជាប្រធានក្រុមប្រឹក្សាជាតិរណសិរ្ស សាមគ្គីអភិវឌ្ឍន៍ មាតុភូមិកម្ពុជាអមដំណើរសម្តេចផងដែរ ។
នាឱកាសចូលរួមពិធីរំលឹកខួបនេះ សម្តេចតេជោ នឹងមានជំនួបពិភាក្សាការងារដាច់ដោយឡែកពីគ្នាជាមួយថ្នាក់ដឹកនាំវៀតណាម រួមមាន ៖ លោក តូ ឡឹម អគ្គលេខាធិការបក្សកុម្មុយនីស្តវៀតណាម , លោក ជិន ថាញ់មិន ប្រធានរដ្ឋសភាវៀតណាម និងលោក ផាម មិញជិញ នាយករដ្ឋមន្ត្រីវៀតណាម ។
ជាមួយគ្នានេះដែរ សម្តេចតេជោ ក៏គ្រោងនឹងជួបពិភាក្សាការងារជាមួយថ្នាក់ដឹកនាំបរទេសដែលអញ្ជើញចូលរួមពិធីរំលឹកខួបនេះផងដែរ ។
បើតាមអ្នកនាំពាក្យគណបក្សប្រជាជនកម្ពុជាបានឲ្យដឹងថា សម្តេចតេជោ បានអញ្ជើញទៅដល់ប្រទេសវៀតណាមប្រកបដោយសុវត្ថិភាព ៕
ចែករំលែកព័តមាននេះ