អ្នកប្រើប្រាស់គ្រឿងស្រវឹងមានច្រើន ដោយមានអ្នកនិយមទទួលទានស្រាបៀរ និងអ្នកនិយមទទួលទានស្រា ។ ប៉ុន្តែទាំងស្រា និងស្រាបៀរ គឺសុទ្ធតែបង្កគ្រោះថ្នាក់ដល់សុខភាពដល់មនុស្សទាំងអស់មិនថា អ្នកក្រ ឬអ្នកមាននោះទេ ។…
អ្នកប្រើប្រាស់គ្រឿងស្រវឹងមានច្រើន ដោយមានអ្នកនិយមទទួលទានស្រាបៀរ និងអ្នកនិយមទទួលទានស្រា ។ ប៉ុន្តែទាំងស្រា និងស្រាបៀរ គឺសុទ្ធតែបង្កគ្រោះថ្នាក់ដល់សុខភាពដល់មនុស្សទាំងអស់មិនថា អ្នកក្រ ឬអ្នកមាននោះទេ ។
ជាទូទៅ ភេសជ្ជៈទាំងពីរនេះ ពោល គឺស្រា និងសាបៀរវាសុទ្ធតែជះឥទ្ធិពលអាក្រក់ដល់ថ្លើម បេះដូង មហារីក ការញៀ.ន និងប៉ះពាល់ដល់ខួរក្បាលដូចតែគ្នា បើយើងទទួលទានវាហួសប្រមាណ ។ មកដល់ពេលនេះ អ្វីដែលគេដឹង គឺថាជាទូទៅបុរសដែលទទួលទានស្រាលើសពី៣០០មីលីលីត្រ ហើយស្រាបៀរលើសពី៧០០មីលីលីត្រ ហើយសម្រាប់ស្ត្រីស្រាប្រមាណជា១៥០មីលីលីត្រ ហើយស្រាបៀរ៣៥០មីលីលីត្រ នៅក្នុងមួយថ្ងៃ គឺប្រឈមមុខនឹងបញ្ហាសុខភាពហើយ ។
តាមការស្រាវជ្រាវរវាងស្រា និងស្រាបៀរ ផលិតផលដែលធ្វើឲ្យមនុស្សមានបញ្ហាប្រឈមមុខនឹងសុខភាពច្រើន គឺគេអះអាងថា ស្រាបៀរមានច្រើនជាងស្រាបន្តិច ។ ដូច្នេះហើយបានជាមានមនុស្សជាច្រើន ជាពិសេសអ្នកមានឋានៈនៅក្នុងសង្គមនិយមទទួលទានស្រា។
ដោយសារតែសមាសភាពផ្សំផលិតស្រាភាគច្រើនបានមកពីធម្មជាតិច្រើន ហើយដំណើរការផលិត ប្រសិនបើត្រឹមត្រូវក៏ផលិតតាមដំណាក់កាលមួយមានសុវត្ថិភាព ។ ប៉ុន្តែសម្រាប់ស្រាបៀរ គឺវាត្រូវប្រើប្រាស់សាមាសសធាតុគីមីច្រើនរួមផ្សំរាប់តាំងពីការផលិតរហូតដល់ការវេចខ្ចប់ និងដើម្បីរក្សាគុណភាពទុកបានយូរ ។
ប្រហែលជាដោយសារតែបែបនេះហើយបានជាអ្នកមានធនធាន មានបុណ្យសក្តិ មានសក្តិយសធំៗទាំងនៅបរទេសជាពិសេសនៅក្នុងស្រុកយើងឃើញថា ក៏និយមទទួលទានស្រាច្រើនជាងស្រាបៀរ ។ សម្រាប់អ្នកមានជីវភាពមធ្យម ពិសេសយុវវ័យចូលចិត្តផឹកស្រាបៀរ ។
ខណៈដែលតម្រូវការគ្រឿងស្រវឹងមានកំណើន ហើយស្រាថ្លៃៗត្រូវបានគេទិញធ្វើការដូ ជូនគ្នាទៅវិញទៅមក នាឱកាសបុណ្យចូលឆ្នាំថ្មីប្រពៃណីជាតិថ្មីៗនេះ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំបានរកឃើញផលិតផលស្រាក្លែងក្លាយចូលជាង៤ពាន់ដប ។
ប្រភពដដែល បានអះអាងកាលពីមុនពិធីសង្ក្រាន្តថ្នាំថ្មីថា មន្ត្រីជំនាញនេះបានសហការជាមួយនគរបាលប្រឆាំងបទល្មើសសេដ្ឋកិច្ចរាជធានីភ្នំពេញ និងក្រោមការដឹកនាំសម្របសម្រួល ដោយព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញម្នាក់បានចុះត្រួតពិនិត្យ និងឆែកឆេរទីតាំងផលិតស្រាក្លែងក្លាយស្ថិតនៅឃ្លាំងគ្មានលេខ ផ្លូវបេតុង សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
ក្រោយពីការត្រួតពិនិត្យបានរកឃើញមានផលិតផលស្រាក្លែងក្លាយជាច្រើនប្រភេទ រួមឧបករណ៍សម្ភារៈ ស្រា សម្រាប់លាយ និងសំបកដបកេសទទេ សម្រាប់ច្រកចូលទៅតាមប្រភេទដបស្រា មានម៉ាកល្បីរបស់ក្រុមហ៊ុននានា ដែលរួមមានស្រាសម្រាប់លាយ ២៨៩កេសស្មើនឹង៣.៣៩៦ដប ស្រាក្លែងក្លាយចំនួន៨០កេសស្មើនឹង៩១៦ដប ឧបរកណ៍កែច្នៃ សំបកដប និងកេសទទេមួយចំនួនទៀត ។
នេះ គឺជាករណីដែលសមត្ថកិច្ចរកឃើញ ចុះតើនៅលើទីផ្សារផលិតផលក្លែងបន្លំនេះប៉ុន្មានទៅ? ដូច្នេះតើអ្នកទទួលទាននឹងកាន់តែប្រឈមមុខនឹងបញ្ហាសុខភាពយ៉ាងណាទៅ?
សរុបទៅ វាពិតជាពិបាកពិពណ៌នាណាស់អំពីផលប៉ះពាល់សុខភាពនៃការប្រើប្រាស់គ្រឿងស្រវឹងនៅកម្ពុជា ។ នៅក្នុងករណីរបស់ដែលសុទ្ធ គឺវាប៉ះពាល់ដល់សុខភាពទៅហើយចុះទម្រាំរបស់ក្លែងក្លាយ ឬក្លែងបន្លំដែលផលិតខុសគោលការណ៍បច្ចេកទេស និងខុសមូលដ្ឋានផលិតកម្មគោល តើវាបន្សល់ទុកនូវផលប៉ះពាល់ដល់សុខភាពយើងទាំងអស់គ្នាយ៉ាងណាទៅ ។ ដើម្បីសុខភាពគួរតែកាត់បន្ថយ ហើយបន្ទាប់ពីកាត់បន្ថយ គួរតែបញ្ឈប់ប្រយោជន៍ គឺដើម្បីយើងខ្លួនឯង គ្រួសារយើង និងសហគមន៍យើង ៕
ចែករំលែកព័តមាននេះ