បុរសម្នាក់ដែលមានលុយរហូតដល់ទៅ៧លានដុល្លារ ប៉ុន្តែដោយសារតែសេចក្តីលោ.ភលន់មួយពេល ព្រោះចង់បានលុយគេ២៥លានដុល្លារ ចុងក្រោយបានត្រឹមតែសោកា ។ នេះ គឺជាមេរៀនជីវិតមួយប្រាប់ថា ប្រជាពលរដ្ឋទូទៅថា សូមកុំចង់បានលុយ ឬទ្រព្យដែលមិនបានដោយកម្លាំងញើសឈាមរបស់យើង…
បុរសម្នាក់ដែលមានលុយរហូតដល់ទៅ៧លានដុល្លារ ប៉ុន្តែដោយសារតែសេចក្តីលោ.ភលន់មួយពេល ព្រោះចង់បានលុយគេ២៥លានដុល្លារ ចុងក្រោយបានត្រឹមតែសោកា ។ នេះ គឺជាមេរៀនជីវិតមួយប្រាប់ថា ប្រជាពលរដ្ឋទូទៅថា សូមកុំចង់បានលុយ ឬទ្រព្យដែលមិនបានដោយកម្លាំងញើសឈាមរបស់យើង ។
នេះមិនមែនជាករណីលេងសើចនោះទេ វា គឺជាសេចក្តីពិតនៅក្នុងសង្គមដែលចែករំលែកដោយសមត្ថកិច្ចកំពូលម្នាក់ គឺលោក រ័ត្ន ស្រ៊ាង មេបញ្ជាការរាជអាវុធហត្ថរាជធានីភ្នំពេញ ដែលចែករំលែកតាមបណ្តាញសង្គម ។
តាមប្រភពដដែលជនរងគ្រោះ គឺជាបុរសខ្មែរ ហើយជនបោកប្រាស់នៅក្នុងករណីនេះ គឺជាជនស្បែកខ្មៅចំនួន៥នាក់ ដោយនៅពេលនេះ សមត្ថកិច្ចទើបតែឃាត់ខ្លួនបាន២នាក់ប៉ុណ្ណោះ ខណៈដែល៣នាក់ទៀតមិនដឹងថា បានអោបលុយនេះ ទៅសោយសុខនៅទីណាបាត់ក៏មិនដឹង ។
នៅក្នុងករណីនេះ បុរសដែលរងគ្រោះចា.ញ់បោកពួកគេដោយសារតែក្រុមអ្នកខិលខូចបានប្រើប្រាស់ល្បិចដោយប្រាប់ជនរងគ្រោះថា ពួកគេមានលុយដុល្លារ ប្រឡាក់ទឹកខ្មៅជាច្រើនលាន តែពុំអាចចាយបាន លុះត្រាតែមានប្រាក់ដុល្លារពិតប្រាកដយកមកលាងជាមួយម្សៅ នៅក្នុងម៉ាស៊ីន ដែលពួកគេមាន ។ ពួកគេប្រាប់ទៅជនរងគ្រោះថា បើជនរងគ្រោះមាន ពួកគេនឹងឲ្យផលចំណេញមកជនរងគ្រោះវិញ១ទ្វេជា៣ ឬ១ទ្វេជា៥ ។
ដោយសេចក្តីលោ.ភដំបូងឡើយ ជនរងគ្រោះបានយកប្រាក់ដុល្លារពិតប្រាកដចំនួន២ពាន់ដុល្លារឲ្យក្រុមខិលខូចដាក់ចូលម៉ាស៊ីនមួយគ្រឿងក្រឡុកជាមួយម្ស៉ៅ ហើយពួកគេដាក់លុយដែលប្រឡាក់ទឹកខ្មៅនោះចូល៨ពាន់ដុល្លារ ។
ប៉ុន្តែមុនពេលក្រឡុក ក្រុមជនខិលខូចបានឲ្យជនរងគ្រោះលេបថ្នាំម្យ៉ាង ដោយប្រាប់ថា ដើម្បីការពារការពុលម្សៅគីមីដែលក្រឡុកលុយនោះ ហើយពួកវាក៏លេបឲ្យមើលមុនផងដែរ មួយសន្ទុះក្រោយមកឃើញថា លុយដែលចេញមកវិញចំនួន១ម៉ឺនដុល្លារ សុទ្ធតែជាប្រាក់ដុល្លារពិតប្រាកដ អាចចាយបាន ហើយពួកគេឲ្យទៅជនរងគ្រោះទាំងអស់ ។
ដោយឃើញ ជនរងគ្រោះជឿស្លា.ប់ចិត្ត ពួកគេបានព្យាយាមលួងលោមជនរងគ្រោះឲ្យរកលុយដល់ទៅ៧លានដុល្លារ ដើម្បីយកមកលាងនឹងលុយប្រឡាក់២៨លានដុល្លារ ហើយនៅពេលលាងហើយពួកគេយល់ព្រមឲ្យលុយជនរងគ្រោះ២៥លានដុល្លាររហូតដល់ជនរងគ្រោះជឿទុកចិត្តធ្វើតាម ព្រោះបានលុយមួយចំនួនពិតប្រាកដរួចហើយ ។
ក្រោយមកពួកគេបានអោយលុយក្រឡុកនោះទាំងបាច់ ប៉ុន្តែខ្ចប់រុំស្កុតហើយមិនអោយជនរងគ្រោះបើកទេ ត្រូវទុកច្រើនខែសិន ប៉ុន្តែបាន១ខែ ជនរងគ្រោះហែកមើលក៏ឃើញថា សុទ្ធតែជាប្រាក់ដុល្លារសែនខ្មោច និងក្រដាស់សសុទ្ធទាំងអស់ ទើបដឹងថាចា.ញ់បោកគេ ។
នៅក្នុងរយៈពេល១ខែនេះ ជនសង្ស័យ អាចនឹងមានពេលចាត់ចែងលុយ៧លានដុល្លារដែលបានពីជនរងគ្រោះយ៉ាងស្រួល ហើយអាចគេចខ្លួនចេញពីប្រទេសបានថែមទៀត ប៉ុន្តែសមត្ថកិច្ចអាចឃាត់ចាប់ខ្លួនបាន២ នាក់ ឯ៣នាក់ទៀតមិនដឹងជា ទៅដល់ទីណានៅឡើយទេ ។
នេះ គឺជារូបភាពបោកប្រាស់ថ្មីមួយរបស់ក្រុមជនខិលខូច ខណៈដែលកន្លងមកក៏ធ្លាប់មានអ្នកចាញ់បោក និងក៏ធ្លាប់មានអ្នកបានផលបានលុយចាយមួយចំនួនរួចមកហើយតាមវិធីសាស្ត្រទម្លាក់លុយមុនជាធ្នាក់ ហើយទារប្រាក់ពីជនរងគ្រោះជាក្រោយតាមរូបភាពផ្សេងៗ ។
ករណីដែលពលរដ្ឋបានជួបពីមុនៗមក គឺថាមានក្រុមជនខិលខូចបានទាក់ទងតាមអ៊ីម៉ែល ឬតាមទូរស័ព្ទ មកជនរងគ្រោះដោយខ្លះគេថា គេមានលុយគេចង់មករកស៊ីនៅកម្ពុជា ហើយខ្លះទៀតគេថា គេមានលុយគេចង់មកធ្វើកម្មវិធីមនុស្សធម៌ ហើយចង់រកដៃគូសហការ។ល។ នៅពេលដែលមានការយល់ព្រម ដំបូងពួកគេក៏បានផ្ញើលុយ ឬវេលុយមកនៅក្នុងចំនួនមួយពិតប្រាកដមែន ដើម្បីទំនុកចិត្ត ។
បន្ទាប់មកពួកគេក៏ចាប់ផ្តើមប្រើប្រាស់រូបភាពយ៉ាងណាទាមទារឲ្យជនគោលដៅ ដែលគេចង់បោកប្រាស់នោះធ្វើយ៉ាងណា វេលុយនៅក្នុងបរិមាណណាមួយដែលលើសពីលុយដែលពួកគេទម្លាក់ឲ្យជនគោលដៅ ។ នៅក្នុងករណីនេះ ប្រសិនបើយើងជាគោលដៅឆ្លាតមិនផ្ញើទៅ គឺគេបានលុយដែលពួកគេផ្ញើរនោះចាយ ប៉ុន្តែបើជ្រុលខ្លួនផ្ញើលុយខ្លួនទៅពួកគេទៅ គឺច្បាស់ជាអស់អសារបង់ហើយ ។
សរុបមកវិញ រឿងលោ.ភៈចង់មានចង់បាន គឺជាធម្មជាតិរបស់មនុស្ស ប៉ុន្តែសូមប្រើសតិ និងមនសិការក៏ដូចជា ចំណេះដឹងជាមូលដ្ឋានរិះគិត ។ ជាទូទៅ ជនខិលខូច ដឹងចំណុចនេះ ហើយតែងតែប្រើចំណុចនេះ ដើម្បីលាភសក្ការៈគ្រាន់តែគេអាចប្រើប្រាស់រូបភាពផ្សេងៗ ។ ប៉ុន្តែទោះជាគេប្រើប្រាស់រូបភាពណាក៏ដោយអោយតែឃើញថា លុយដែលយើងស្រែកឃ្លាននោះ វាងាយស្រួលពេក កុំពាក់ព័ន្ធ ហើយកុំចង់បាន ។ យើងទាំងអស់គ្នាត្រូវចាំថា ទម្រាំបានលុយតាមរយៈជាប្រាក់ខែក្តី ពីអាជីវកម្មនានាក្តី បាន១កាក់១សេន គឺយើងត្រូវហត់នឿយប៉ុណ្ណា រឿងហេតុអីគេមានគេយកមកចែកយើងស្រួលៗដោយមិនអស់កម្លាំងបែបនេះ ៕
ចែករំលែកព័តមាននេះ