សម្តេចតេជោ បានប្រកាស ៖ ថ្ងៃនេះបានជួបចៅតី និងក្រុមគ្រួសាររួចហើយ
- ភ្នំពេញ
រាជធានីភ្នំពេញ ៖ ថ្ងៃនេះបានជួបចៅតី និងក្រុមគ្រួសាររួចហើយ ។ ចៅតី បានយកផ្កា៥កម្រងមកលក់ឲ្យខ្ញុំ ដែល១កម្រង៥ពាន់រៀល សុំចុះ៤ពាន់រៀល មិនព្រម…
រាជធានីភ្នំពេញ ៖ ថ្ងៃនេះបានជួបចៅតី និងក្រុមគ្រួសាររួចហើយ ។ ចៅតី បានយកផ្កា៥កម្រងមកលក់ឲ្យខ្ញុំ ដែល១កម្រង៥ពាន់រៀល សុំចុះ៤ពាន់រៀល មិនព្រម ជូន៦ពាន់រៀលក៏មិនព្រម គឺដឹងតែ៥ពាន់រៀល សុំទិញជំពាក់លុយសិនក៏មិនព្រម ។ នៅពេលឲ្យលុយ៥ម៉ឺនរៀលចៅថា រួចគ្នា ។ ប្រាប់ថា ជំពាក់តា៥កម្រង ត្រូវយកមកឲ្យតាទៀត ចៅឆ្លើយថ្ងៃក្រោយយកមកលក់លើកក្រោយគិតលុយទៀត ។ នេះបើយោងតាមផេកសម្តេចតេជោ បានបង្ហោះនាយប់ថ្ងៃទី២៧ ខែមេសានេះ ។
សម្តេចតេជោ បាន បានបន្តថា សម្តីចាក់ទឹកមិនលិចគួរឲ្យស្រឡាញ់ ។ ឪពុកម្តាយប្រាប់ថា មិនបានបង្ខំចៅឲ្យទៅលក់ផ្កាទេ តែចៅតី ទាមទារឲ្យឪពុកម្តាយធ្វើផ្កា ដើម្បីយកទៅលក់ ដែលត្រូវកាត់យកពីម្តាយ៥០០រៀលក្នុង១កម្រង ។
ខ្ញុំសួរចៅតីថា ចង់ធ្វើអីនៅពេលខាងមុខ?ចៅតី ឆ្លើយថា(ចង់រៀន) ជាចម្លើយដែលធ្វើឲ្យខ្ញុំពេញចិត្តបំផុត ។ ខ្ញុំបានរៀបចំ ដើម្បីបង្កើតមុខរបរសម្រាប់ក្រុមគ្រួសារ គឺការលក់ដូរ និងកសិកម្មដែល នឹងចាត់ចែងនាពេលខាងមុខ ។
សូមបញ្ជាក់ថា ៖ សម្តេចតេជោ ហ៊ុន សែន ប្រធានព្រឹទ្ធសភាបានប្រកាសស្វែងរកកុមារីម្នាក់ ដែលគួរឲ្យអាណិតដើរលក់កម្រងផ្កា នៅតំបន់ទេសចរណ៍មួយកន្លែង ។
សម្តេចតេជោ នៅថ្ងៃទី២៣ មេសា ឆ្នាំ២០២៥ សម្តេចបានសរសេរដោយមានខ្លឹមសារទាំងស្រុងយ៉ាងដូច្នេះថា៖« ពិតជាគួរឲ្យអាណិត និងស្រឡាញ់ចៅណាស់ តែក៏ចង់ដឹងពីរឿងចាត់ចែងរបស់ឪពុកម្តាយផងដែរ ។ ពេលនេះ ខ្ញុំកំពុងស្វែងរកចៅស្រីដែលគួរឲ្យស្រឡាញ់នេះ សូមមេត្តាជួយ ប្រាប់ផង» ៕
ចែករំលែកព័តមាននេះ