ខេត្តសៀមរាប ៖ កាលពីវេលាម៉ោង១៦ និង៣០នាទីរសៀលថ្ងៃទី២៦ មេសា ឆ្នាំ២០២៥ នេះ នៅក្នុងភូមិសាស្ត្រក្រុងសៀមរាប មានករណីភ្លៀងធ្លាក់លាយកូនដុំទឹកកក និងខ្យល់កន្ត្រាក់…
ខេត្តសៀមរាប ៖ កាលពីវេលាម៉ោង១៦ និង៣០នាទីរសៀលថ្ងៃទី២៦ មេសា ឆ្នាំ២០២៥ នេះ នៅក្នុងភូមិសាស្ត្រក្រុងសៀមរាប មានករណីភ្លៀងធ្លាក់លាយកូនដុំទឹកកក និងខ្យល់កន្ត្រាក់ ផ្គរ រន្ទះ បណ្តាលឱ្យស្លាប់មនុស្សម្នាក់ របួសធ្ងន់ម្នាក់ រលំបាក់ដើមឈើ ព្រមទាំងប៉ើងដំបូល និងរំលំដល់ដី ក្នុងនោះ មានការខូចខាតនៅតាមបណ្តាសង្កាត់ចំនួន៥ផងដែរ ។
បើតាមលោកហាត យ៉ង់ អភិបាលរងក្រុងសៀមរាបបានកោះសន្តិភាព នៅរសៀលថ្ងៃទី២៨ មេសា ឆ្នាំ២០២៥ នេះថា ករណីភ្លៀងធ្លាក់លាយកូនដុំទឹកកក និងខ្យល់កន្ត្រាក់ ផ្គរ រន្ទះ បណ្តាលឱ្យស្លាប់មនុស្សម្នាក់ របួសធ្ងន់ម្នាក់ និងមានការខូចខាតនៅតាមបណ្តាសង្កាត់ចំនួន៥ដូចខាងក្រោម៖ សង្កាត់គោកចក-សង្កាត់ ស្លក្រាម សង្កាត់ជ្រាវ , សង្កាត់ទឹកវិល និងសង្កាត់នគរធំ ក្នុងក្រុងសៀមរាប ។
លោកបានបន្ថែមថា ជនរងគ្រោះមានឈ្មោះ ញៀន រិន ភេទប្រុស អាយុ៤៥ឆ្នាំ ជាជាងសំណង់ រស់នៅភូមិខ្វៀន សង្កាត់គោកចក ក្រុងសៀមរាប ខេត្តសៀមរាប ដែលស្លាប់ដោយដោយសារបាក់មែកឈើធ្លាក់ ខណៈដែលកំពុងសាងសង់សាលាឆាន់ក្នុងវត្តគងជុំ (ហៅព្រះអង្គខ្មៅ) ត្រូវចំក្បាលបណ្ដាលឱ្យស្លាប់ ភ្លាមៗ និងជនរងគ្រោះធ្ងន់០១នាក់ ឈ្មោះនិន ខាន្នី ភេទប្រុស ជាបុគ្គលិកគ្រឹះស្ថានអង្គរ រស់នៅក្នុងក្រុងសៀមរាប ។
លោកបញ្ជាក់ទៀតថា ករណីគ្រោះធម្មជាតិ នៅក្នុងសង្កាត់គោកចកនោះបានបណ្តាលឱ្យរលំផ្ទះ ចំនួន ០៧ខ្នង ដើមឈើបាក់សង្កត់ផ្ទះ០១ខ្នង របើកដំបូល២៣ខ្នង បាក់ដើមឈើ០៨ដើម ស្លាកគណបក្សប្រជាជនចំនួន០២ និងភ្លើងទៀន០១ស្លាក ។ សង្កាត់ជ្រាវ-បាក់ដំបូលយានដ្ឋានជួសជុលរថយន្ត យីហោ លី ហាក់ ចំនួន០១ ខ្នង និងសង្កាត់ស្លក្រាម របើកដំបូល០៥ខ្នងបាក់ដើមស្វាយ០១ដើម។ សង្កាត់នគរធំរលំ ០១ខ្នង របើកដំបូល និងបាក់សំយាប០៧ខ្នង បាក់ដើមឈើ០១ដើម ។ សង្កាត់ទឹកវិល បាក់ដើមឈើ ០១ ដើម ។
ចែករំលែកព័តមាននេះ