រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីបានស្នើឲ្យសហជីពទាំងអស់ត្រូវធ្វើការឲ្យស្ថិតនៅក្នុងវិជ្ជាជីវៈ និងរួមគ្នាដោះស្រាយបញ្ហាតាមច្បាប់ ដោយកុំជឿការញុះញង់ពីខាងក្រៅ ។ សម្តេចមហាបវរធិបតី…
រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីបានស្នើឲ្យសហជីពទាំងអស់ត្រូវធ្វើការឲ្យស្ថិតនៅក្នុងវិជ្ជាជីវៈ និងរួមគ្នាដោះស្រាយបញ្ហាតាមច្បាប់ ដោយកុំជឿការញុះញង់ពីខាងក្រៅ ។
សម្តេចមហាបវរធិបតី ហ៊ុន ម៉ាណែត បានថ្លែងក្នុងពិធីសំណេះសំណាលជាមួយថ្នាក់ដឹកនាំអង្គការវិជ្ជាជីវៈក្នុងឱកាសខួបអនុស្សាវរីយ៍លើកទី១៣៩ ទិវាពលកម្មអន្តរជាតិ ១ ឧសភានា ព្រឹកថ្ងៃទី២៧ ខែមេសា ឆ្នាំ២០២៥នៅ មជ្ឈមណ្ឌលពិព័រណ៍អន្តរជាតិជ្រោយចង្វារថា កាលពីឆ្នាំទៅមានក្រុមហ៊ុនមួយបានបិទទ្វារកម្មករធ្វើការបិទផ្លូវ អីញ្ចឹងជានីតិវិធីត្រូវធ្វើការលក់ឡាយឡុង ដើម្បីយកមកធ្វើការប៉ះប៉ូវ ហើយពេលនេះបងប្អូនសហជីពគាត់ធ្វើការត្រឹមត្រូវ ប៉ុន្តែ មានអ្នកទី៣ ជ្រកក្រោមអង្គការមួយញុះញ៉ង់ថា ត្រូវតែធ្វើបាតុកម្មកុំចាំពេលនោះកម្មករចេញធ្វើបាតុកម្ម ពេលនោះរដ្ឋាភិបាលខិតខំដោះស្រាយជាមួយក្រុមហ៊ុនឲ្យចប់តែអ្នកទី៣ បានញុះញង់ឲ្យទាមទារបន្ថែមទៀតលើសពីច្បាប់ អីញ្ចឹងចំណុចដោះម៉េចចេញ ។
សម្តេចបវរធិបតីបានបញ្ជាក់ថា ៖« អីញ្ចឹងខ្ញុំស្នើឲ្យបងប្អូនដែលជាតំណាងសហជីពជាអង្គការវិជ្ជាជីវៈពិតប្រាកដ ត្រូវធ្វើការស្ថិតក្នុងក្របខណ្ឌវិជ្ជាជីវៈឲ្យបានច្បាស់លាស់ ហើយអនុលោមតាមច្បាប់ទើបយើងដោះស្រាយបាន ។ ផ្ទុយទៅវិញ បើយើងទាមទារហួសច្បាប់បញ្ញាត្តិនោះយើងមិនអាចដោះស្រាយបាននោះទេ» ។
សម្តេចមហាបវរធិបតី បានលើកឡើងបន្តថា នៅពេលសហជីព ឬកម្មករធ្វើតាមការញុះញង់ពីអ្នកទី៣នោះអាចនឹងចូលអន្ទាក់នយោបាយរបស់ក្រុមណាមួយនោះហើយវាមិនអាចដោះស្រាយចេញនោះទេ ។
សម្តេចក៏បានស្នើឲ្យសហជីពទាំងអស់ថា រាជរដ្ឋាភិបាលបានខិតខំដោះស្រាយ នៅក្នុងក្របខណ្ឌដែលច្បាប់បានអនុញ្ញាតដោយប្រសិទ្ធិភាពគ្មានលំម្អៀង ។ ចំណុចនេះ គឺជាអ្វីដែលយើងត្រូវធ្វើការរួមគ្នាបើមិនដូច្នេះទេ គឺចប់ហើយ ។
សម្តេចបានបន្ថែមថា បើសិនមានការធ្វើតាមការញុះញង់ពីអ្នកទី៣ នោះការដោះស្រាយតាមច្បាប់មិនអាចដោះស្រាយបាននោះទេ ហើយអ្នកមានបញ្ហា គឺកម្មករ ។ កុំបញ្ហាផ្សេងមកឡូកឡំគ្នា នោះនឹងកាន់តែពិបាកដោះស្រាយមិនចេញ ។
សម្តេចមហាបវរធិបតី បានលើកឡើងទៀតថា រាជរដ្ឋាភិបាល និងសហជីព មិនមែនជាសត្រូវនោះទេ ។ យើងរួមគ្នាដោះស្រាយការងារ ដើម្បីរកអត្ថប្រយោជន៍ដល់កម្មករនិយោជិក និងនិយោជក់ ដែលភាគីទាំងពីរ គឺជាកូនយើងដូចគ្នា។
ជាមួយគ្នានោះដែរ សម្តេចមហាបវរធិបតី បានស្នើឲ្យសហជីពកុំស្តាប់ការញុះញង់ឲ្យធ្វើអ្វីដែលច្បាប់មិនអនុញ្ញាតឲ្យសោះព្រោះថា វាមិនអាចដោះស្រាយបាននោះទេ៕
ចែករំលែកព័តមាននេះ