ចាប់ពីពេលនេះតទៅ អ្នករកស៊ីឃោសនាបោកប្រាស់ដូចជា ប្រើពាក្យកោសឈ្នះៗ ឬបើកឈ្នះៗជាដើមនឹងត្រូវទទួលរងវិន័យផ្នែកច្បាប់ ដើម្បីការពារដល់ផលប្រយោជន៍អតិថិជន ។ នេះបើតាមសេចក្តីប្រកាសរបស់ក្រសួងពាណិជ្ជកម្ម នៅក្នុងខែមេសានេះ ដើម្បីប្រឆាំងនឹងការរកស៊ីមិនសុចរិតភាព ។…
ចាប់ពីពេលនេះតទៅ អ្នករកស៊ីឃោសនាបោកប្រាស់ដូចជា ប្រើពាក្យកោសឈ្នះៗ ឬបើកឈ្នះៗជាដើមនឹងត្រូវទទួលរងវិន័យផ្នែកច្បាប់ ដើម្បីការពារដល់ផលប្រយោជន៍អតិថិជន ។ នេះបើតាមសេចក្តីប្រកាសរបស់ក្រសួងពាណិជ្ជកម្ម នៅក្នុងខែមេសានេះ ដើម្បីប្រឆាំងនឹងការរកស៊ីមិនសុចរិតភាព ។
សេចក្តីប្រកាសនោះ របស់ក្រសួងបានអោយដឹងថា ក្រសួងហាមឃាត់ការផ្សព្វផ្សាយ ដើម្បីលក់ផលិតផលទំនិញ និងសេវា ដោយប្រើពាក្យមិនពិតដូចជា កោសឈ្នះៗ បើកឈ្នះៗ កោសច្រើនឈ្នះច្រើនទិញឈ្នះៗជាដើម ។
គួរបញ្ជាក់ថា កន្លងមកមានការផ្សព្វផ្សាយពាណិជ្ជកម្មជាច្រើនដែលមិនមានសុចរិតភាពដូចជា ការឃោសនាផ្តល់រង្វាន់ហួសពីការពិតជាដើម ។
ចំណែកប្រជាជនកម្ពុជាក៏មិនតិចដែរដែលលង់ខ្លួនចាញ់បោកការឃោសនាបោកប្រាស់តាមរូបភាពផ្តល់រង្វាន់នេះ។ ដូច្នេះ ចំណាត់ការរបស់ក្រសួងពាណិជ្ជកម្មទាក់ទងនឹងនឹងការផ្តល់រង្វាន់មិនពិតប្រាកដនេះ នឹងក្លាយជាវិធានការមួយការពារដល់ដល់អ្នកប្រើប្រាស់ ឬប្រជាជនកម្ពុជា៕
ចែករំលែកព័តមាននេះ