រាជធានីភ្នំពេញ ៖ ថ្នាក់ដឹកនាំនិងបុគ្គលិក មជ្ឈមណ្ឌលបណ្ដុះបណ្ដាល អេស.ភី យូហាក់ចំនួន ៦នាក់ ត្រូវបានកម្លាំងនគរបាលខណ្ឌឬស្សកែវឃាត់ខ្លួនបន្ទាប់ពីប្រជាពលរដ្ឋរងគ្រោះប្រមាណជាង ៣០នាក់បានផ្ទុះការតវ៉ាទាមទារប្រាក់ត្រឡប់មកវិញបន្ទាប់ពីពួកគេបង់ប្រាក់ទៅឲ្យមជ្ឈមណ្ឌលម្នាក់ចំនួន៦០០ដុល្លារដើម្បីចូលសិក្សានិងរត់ការនាំពួកគាត់ទៅធ្វើការនៅប្រទេសកូរ៉េតែរយះពេល៧ខែហើយមិនបាន។
ការឃាត់ខ្លួនជនឆបោករូបនេះបានធ្វើឡើងកាលពីវេលាម៉ោង១១យប់ថ្ងៃទីថ្ងៃ ២៥ ខែ មេសា ឆ្នាំ ២០២៥ បន្ទាប់ពីប្រជាពលរដ្ឋដែលរងគ្រោះផ្ទុះការតវ៉ាទាមទារប្រាក់ត្រឡប់មកវិញនៅមុខស្នាក់ការមជ្ឈមណ្ឌលបណ្ដុះបណ្ដាល អេស.ភី យូហាក់ដែលស្ថិតនៅផ្ទះលេខ៧៥Eoផ្លូវ១០៥ (ផ្លូវបុប្ផាររាជធានី)ភូមិបាក់ទូកសង្កាត់ទួលសង្កែទី១ ខណ្ឌឬស្សីកែវ រារាជធានភ្នំពេញ។
តាមប្រជាពលរដ្ឋដែលរងគ្រោះបានឲ្យដឹងថា ដោយសារតែចង់រកការងារធ្វើនៅប្រទេសកូរ៉េ គាត់បានមកទំនាក់ទំនងចូលរៀននៅមជ្ឈមណ្ឌលបណ្ដុះបណ្ដាល អេស.ភី យូហាក់នេះដោយបង់ថ្លៃសិក្សាម្នាម្នាក់ចំនួន ៦០០ ដុល្លារដើម្បីចូលសិក្សានិងរត់ការបានទៅធ្វើការនៅប្រទេសកូរ៉េដោយខាងមជ្ឈមណ្ឌលសន្យាថា រយៈពេល ៣ ខែ។
តាមប្រជាពលរដ្ឋដែលផ្ទុះការតវ៉ាបានឲ្យដឹងទៀតថា បន្ទាប់ពីបង់លុយហើយមជ្ឈមណ្ឌលពុំបានបណ្ដុះបណ្ដាលនិងបង្រៀនអ្វីជាដុំកំភួននោះទេ គ្រាន់តែថត មេរៀន ដាក់ក្នុងគ្រប់តេឡេក្រាមដោយមិនពន្យល់អ្វីទាំងអស់។បន្ទាប់ពីបង់លុយរួចរយៈពេល ៧ខែមកហើយមជ្ឈមណ្ឌលមិនបានបង្រៀនទើបដឹងថាបោកប្រាស់ទើបពួកគាត់នាំគ្នាជួបប្រមូលផ្ដុំគ្នានៅស្នាក់ការមជ្ឈមណ្ឌលតាំងពីព្រឹកថ្ងៃទី 25 ខែមេសានេះដើម្បីទាមទារប្រាក់និងដកឯកសារត្រឡប់មកវិញហើយពុំត្រូវមជ្ឈមណ្ឌលប្រគល់ឯកសារនិងប្រគល់ប្រាក់គ្រប់ចំនួននោះឡើយដោយឲ្យតែ ៣០០ ដុល្លារតែពួកគាត់មិនព្រមទាមទារចំនួន ៤០០ដុល្លារព្រោះលុយទាំងនោះពួកគាត់បានចងការគេដើម្បីមកបង់ថ្លៃការសិក្សាដើម្បីរកការងារធ្វើនៅប្រទេសកូរ៉េ។
តាមព័ត៌មានឱ្យដឹងទៀតថា បន្ទាប់ពីតវ៉ាហើយចរចារហូតដល់យប់ជ្រៅមិនត្រូវគ្នាលោក ជិន ប៊ុនធឿន អភិបាលនៃគណៈអភិបាលខណ្ឌឬស្សីកែវ បានដឹកនាំកំលាំង ចុះទៅសម្របសម្រួល និងឃាត់ខ្លួនបុគ្គលិកដែលបម្រើការនៅ មជ្ឈមណ្ឌលបណ្ដុះបណ្ដាល អេស.ភី យយូហាក់តែម្តង។
លោកវរសេនីយ៍ឯកហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា បុគ្គលិក មជ្ឈមណ្ឌលបណ្ដុះបណ្ដាល អេស.ភី យយូហាក់ចំនួន ៦នាក់ត្រូវបានតុលាការបញ្ជាឲ្យឃាត់ខ្លួននិងកំពុងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញដើម្បីចាត់ការតាមច្បាប់៕
ចែករំលែកព័តមាននេះ