ខេត្តកណ្តាល ៖ យ៉ាងហោចណាស់ ផ្ទះប្រជាពលរដ្ឋ ចំនួន០១ខ្នង រងការខូចខាត ដោយគ្រោះធម្មជាតិខ្យល់កន្ត្រាក់ ។ ហេតុការណ៍បង្កការភ្ញាក់ផ្អើលទ្បើងកាលពីវេលាម៉ោង០៥ល្ងាចថ្ងៃទី២៤ ខែមេសា…
ខេត្តកណ្តាល ៖ យ៉ាងហោចណាស់ ផ្ទះប្រជាពលរដ្ឋ ចំនួន០១ខ្នង រងការខូចខាត ដោយគ្រោះធម្មជាតិខ្យល់កន្ត្រាក់ ។ ហេតុការណ៍បង្កការភ្ញាក់ផ្អើលទ្បើងកាលពីវេលាម៉ោង០៥ល្ងាចថ្ងៃទី២៤ ខែមេសា ឆ្នាំ២០២៥ ស្ថិតនៅភូមិតាគោ ឃុំជ្រៃលាស់ ស្រុកពញាឮ ខេត្តកណ្តាល ។
អាជ្ញាធរមូលដ្ឋានស្រុកពញាឮ បានឱ្យដឹងថា នៅវេលាម៉ោង០៥ល្ងាចថ្ងៃទី២៤ ខែមេសា ឆ្នាំ២០២៥ គឺមានភ្លៀងធ្លាក់លាយឡំជាមួយខ្យល់កន្ត្រាក់ ដែលបានបោកបក់យ៉ាងខ្លាំង មកចំលើផ្ទះប្រជាពលរដ្ឋចំនួន០១ខ្នង បណ្តាលធ្វើឱ្យខូចខាត របើកដំបូលផ្ទះ ប្រក់ស័ង្កសី ចំនួន០៥សន្លឹក ប៉ុន្តែសំណាងល្អក្នុងករណីខាងលើនេះ មិនមានអ្នកណារងរបួសទ្បើយ ។
ហេតុការណ៍ខ្យល់កន្ត្រាក់នេះ អាជ្ញាធរមូលដ្ឋានស្រុកពញាឮ ក៏បានក្រើនរំលឹកដល់បងប្អូនប្រជាពលរដ្ឋទាំងអស់ សូមបង្កើនការប្រុងប្រយ័ត្នខ្ពស់ ចំពោះគ្រោះធម្មជាតិនេះ ដោយក្នុងនោះ អាជ្ញាធរបានលើកឡើងថា ភ្លៀងនឹងចាប់ធ្លាក់រាយប៉ាយនៅគ្រប់ភូមិ ស្រុក ដោយលាយឡំជាមួយខ្យល់កន្ត្រាក់ ផ្គរ រន្ទះ ដែលងាយនឹងបង្កជាហានិភ័យ ជាយថាហេតុ ពិសេសបង្កឱ្យមានគ្រោះថ្នាក់ដល់អាយុជីវិតមនុស្ស និងសត្វ ៕
ចែករំលែកព័តមាននេះ