ខេត្តកំពង់ចាម ៖ ពិតជាគួរឱ្យអាណោចអាធ័មជាទីបំផុត លោកយាយម្នាក់អាយុ៨៩ឆ្នាំ ខ្វិនជើងដើរមិនរួចបានស្លាប់បាត់បង់ជីវិតក្នុងហេតុការណ៍ភ្លើងឆេះផ្ទះឈើ១ខ្នង កាលពីថ្ងៃទី២៥ ខែមេសា ឆ្នាំ២០២៥ វេលាម៉ោង១១និង១០នាទីព្រឹក នៅឃុំស្វាយទាប…
ខេត្តកំពង់ចាម ៖ ពិតជាគួរឱ្យអាណោចអាធ័មជាទីបំផុត លោកយាយម្នាក់អាយុ៨៩ឆ្នាំ ខ្វិនជើងដើរមិនរួចបានស្លាប់បាត់បង់ជីវិតក្នុងហេតុការណ៍ភ្លើងឆេះផ្ទះឈើ១ខ្នង កាលពីថ្ងៃទី២៥ ខែមេសា ឆ្នាំ២០២៥ វេលាម៉ោង១១និង១០នាទីព្រឹក នៅឃុំស្វាយទាប ស្រុកចំការលើ ខេត្តកំពង់ចាម ។ ភ្លាមៗនោះត្រូវបានរថយន្តពន្លត់អគ្គីភ័យចំនួន២ គ្រឿងចេញមកអន្តរាគមន៍បាញ់ទឹកពន្លត់កុំឲ្យរាលដាលឆេះដល់ផ្ទះអ្នកផ្សេងនៅក្បែរនោះ។
បើតាមលោកវរៈសេនីយ៍ឯកកែវស៊ាង ហាន់ អធិការនគរបាលស្រុកចំការលើបានប្រាប់ឲ្យដឹងថា: អនុវត្តតាមបទបញ្ជាលោកឧត្តមសេនីយ៍ទោហេងវុទ្ធីស្នងការនគរបាលខេត្តគឺរថយន្តពន្លត់តាគីភ័យប្រចាំការ២៤ម៉ោងលើ២៤ម៉ោង ដើម្បីងាយស្រួលអន្តរាគមន៍ចុះជួយដល់ប្រជាពលរដ្ឋដែលកើតហេតុនៅតំបន់ណាមួយ។
អធិការនគរបាលស្រុកចំការលើប្រាប់ឲ្យដឹងទៀតថា ក្រោយពីបានទទួលពត៌មានពីប្រជាពលរដ្ឋ រាយការណ៍ថាមានករណីអគ្គីភ័យ ០១ករណី (ភ្លើងឆេះផ្ទះពលរដ្ឋ)នៅភូមិថ្នល់បត់ ឃុំស្វាយទាប ស្រុកចំការលើ ខេត្តកំពង់ចាម ក្រោយពីទទួលពត៌មានរូបលោកបានដឹកនាំកម្លាំងជំនាញអធិការដ្ឋាននគរបាលស្រុកនិងកម្លាំងប៉ុស្តិ៍នគរបាលរដ្ឋបាលស្វាយទាប និងកម្លាំងប្រជាការពារ ចុះទៅដល់កន្លែងកើតហេតុជួយពន្លត់ ជាមួយពលរដ្ឋនៅក្បែរនោះ ។
ម្ចាស់ផ្ទះឈ្មោះជា សុខុន ភេទស្រី អាយុ ៦២ឆ្នាំ ជាតិខ្មែរ នៅចំណុចភូមិថ្នល់បត់ ឃុំស្វាយទាប ស្រុកចំការលើ ផ្ទះមានទំហំ៦មx១២ម សង់អំពីឈឺប្រក់ក្បឿង ជញ្ជាំងក្តារ ។
-ការខូចខាត: ផ្ទះទាំងស្រង់ និងសម្ភារះមួយចំនួន ។
ករណីខាងលើនេះបណ្ដាលអោយស្លាប់លោកយាយម្នាក់ឈ្មោះ ហម ស៊ន់ អាយុ៨៩ឆ្នាំ ខ្វិនជើងដើរមិនរួច ត្រូវជាម្ដាយម្ចាស់ផ្ទះ ។
មូលហេតុនៃការឆាបឆេះខាងលើបណ្តាលមកពីឆ្លងចរន្តអគ្គីសនី ។ អគ្គីភ័យរលត់១០០% នៅវេលាម៉ោង១១:៣០នាទី ។
ក្នុងកិច្ចប្រតិបត្តិការនេះ ប្រើប្រើប្រាស់ រថយន្តអគ្គីសភ័យរបស់អធិការដ្ឋានស្រុកចំការលើ០១គ្រឿងអស់ទឹក០២ឡាន។ ជាមួយនោះរូបលោកសំណូមពរដល់បងប្អូនប្រជាពលរដ្ឋក្នុងរដូវប្រាំង ត្រូវបង្កើនការប្រុងប្រយ័ត្នកុំធ្វើប្រហែសជៀសវាងកុំឲ្យអគ្គីភ័យកើតឡើងដូចជាករណីនេះជាដើមហើយបាត់បង់ម្ដាយគួរឱ្យជាទីស្រឡាញ់ក្នុងនាមកម្លាំងសមត្ថកិច្ចសូមជួយរំលែកទុក្ខដល់ក្រុមគ្រួសារនៃសពផងដែរ៕
ចែករំលែកព័តមាននេះ