ADផ្ទាំងផ្សព្វផ្សាយពាណិជ្ជកម្ម

Picture

លោក ​ឃួ​ង ស្រេង អមដំណើរសម្តេច​មហាមន្ត្រី គុយ សុផល ចុះ​ពិនិត្យ​ទីតាំង​ពហុ​កីឡាដ្ឋានមរ​ត​ជាតិ​តេ​ជោ ត្រៀម​​ព្រះរាជ​ពិធី​ទិវា​បរិស្ថាន​ជាតិ និង​បរិស្ថាន​ពិភពលោក

1 ថ្ងៃ មុន

រាជធានីភ្នំពេញ​ ៖ លោក ​ឃួ​ង ស្រេង អភិបាល ​នៃ​គណៈ​អភិបាល​រាជធានី​ភ្នំពេញ​ នា​រសៀល​ថ្ងៃ​ទី​០៤ មិថុនា​នេះ ​បាន​អញ្ជើញ​អមដំណើរសម្តេច​មហាមន្ត្រី…

រាជធានីភ្នំពេញ​ ៖ លោក ​ឃួ​ង ស្រេង អភិបាល ​នៃ​គណៈ​អភិបាល​រាជធានី​ភ្នំពេញ​ នា​រសៀល​ថ្ងៃ​ទី​០៤ មិថុនា​នេះ ​បាន​អញ្ជើញ​អមដំណើរសម្តេច​មហាមន្ត្រី គុយ សុផល ឧបនាយករដ្ឋមន្ត្រី និង​ជា​រដ្ឋមន្ត្រី​ ក្រសួងព្រះបរមរាជវាំង​ ចុះ​ពិនិត្យ​ទីតាំង​នៅ​ពហុ​កីឡាដ្ឋាន មរ​ត​ជាតិ​តេ​ជោ ដែល​មាន​ទីតាំង​ស្ថិត​នៅ​ភូមិ​ព្រែក​តា​រ័​ត្ន សង្កាត់​ព្រែក​តា​សេក ខណ្ឌ​ជ្រោយចង្វារ រាជធានី​ភ្នំពេញ ដើម្បី​ធ្វើ​យ៉ាងណា​រក្សា​ឱ្យ​បាន​នូវ​សន្តិសុខ សុវត្ថិភាព អនាម័យ បរិស្ថាន​ល្អ​ប្រសើរ​ ក្នុង​ព្រះរាជ​ពិធី​ទិវា​បរិស្ថាន​ជាតិ និង​បរិស្ថាន​ពិភពលោក នា​ថ្ងៃ​ទី​០៥ ខែមិថុនា ឆ្នាំ​២០២៥ ​ស្អែក​នេះ ក្រោម​ព្រះ​រាជាធិបតី​ភាព​ដ៏​ខ្ពង់ខ្ពស់​បំផុត ព្រះករុណា​ព្រះបាទ​សម្តេច ព្រះ​បរមនាថ នរោត្តម សីហ​មុនី ព្រះមហាក្សត្រ នៃ​ព្រះរាជាណាចក្រ​កម្ពុជា​ ។

ពាក់ព័ន្ធ ​និង​ព្រះរាជ​ពិធី​នេះ រដ្ឋបាល​រាជធានី​ភ្នំពេញ ក៏​បាន​សេចក្តីជូនដំណឹង​មួយ​ដែរ​ថា​ ​ដើម្បី​ឱ្យ​ព្រះរាជ​ពិធី​ខាងលើ​ប្រព្រឹត្ត​ទៅ​ដោយ​រលូន រក្សា​បាន​នូវ​សន្តិសុខ សុវត្ថិភាព សណ្តាប់ធ្នាប់ និង របៀបរៀបរយ​សាធារណៈ អាជ្ញា​ធរមាន​សមត្ថកិច្ច​ នឹង​ធ្វើការ​បញ្ចៀស​ចរាចរណ៍​ជា​បណ្តោះអាសន្ន​ជុំវិញ​ទីតាំង ប្រារព្ធ​ព្រះរាជ​ពិធី ដោយ​មិន​អនុញ្ញាត​ឱ្យ​យានយន្ត​ធុន​ធ្ងន់​គ្រប់​ប្រភេទ​ឆ្លងកាត់​កំណាត់​មហាវិថី​ឈ្នះ​ឈ្នះ ចាប់ពី គល់​ស្ពាន​ព្រែក​ព្នៅ រហូត​ដល់​ផ្លូវជាតិ​លេខ​៦ ចាប់ពី​ម៉ោង ០៥​និង​០០​នាទី រហូត​ដល់​បញ្ចប់​ព្រះរាជ​កម្មវិធី​ ៕

អត្ថបទសរសេរ ដោយ

កែសម្រួលដោយ