អាមេរិក-ចិន ៖ ទីភ្នាក់សារព័ត៌មានចិនស៊ីនហួនិងរដ្ឋាភិបាលអេស្ប៉ាញ ប្រកាសនាថ្ងៃទី១៤កញ្ញាថា ចិននិងសហរដ្ឋអាមេរិក ចាប់ផ្ដើមការចរចាគ្នាទៀត ប៉ុនប៉ងដោះស្រាយទំនាស់សេដ្ឋកិច្ចនិងពាណិជ្ញកម្មរបស់ពួកគេនៅក្រុងម៉ាឌ្រីដ។
សីុនហួគូសបញ្ចាក់ថាគណៈប្រតិភូចិននិងអាមេរិកបានជួបគ្នាកាលពីថ្ងៃទី១៤កញ្ញាដើម្បីពិភាក្សាលើបញ្ហាសេដ្ឋកិច្ចនិងពាណិជ្ជកម្ម។ បណ្ដាអ្នកទទួលខុសត្រូវចិនអះអាងថា គណៈប្រតិភូចិនស្ថិតនៅក្រុងម៉ាឌ្រីដរហូតដល់ថ្ងៃទី១៧កញ្ញា។
ទំនាក់ទំនងពាណិជ្ជកម្មចិននិងអាមេរិកជួបប្រទះភាពតានតឹងខ្លាំងក្នុងឆ្នាំ២០២៥ ដោយប្រទេសទាំង២ បង្កើនពន្ធគយទៅវិញទៅមក។ ក្នុងឆ្នាំនោះមហាអំណាចទាំង២បានបង្កើនពន្ធគយទៅវិញទៅមក ដល់កម្រិតខ្ពស់៣ដងខុសពីធម្មតាដែលនាំឲ្យស្ទះដល់សង្វាក់ផ្គត់់ផ្គង់។ ចាប់តាំងពីពេលនោះមកក្រុងវ៉ាសិុនតោននិងក្រុងប៉េកាំង បានចុះហត្ថលេខាលើកិច្ចព្រមព្រៀងពាណិជ្ជកម្មដែលសំដៅកាត់បន្ថយភាពតានតឹង ដោយកិច្ចព្រៀងនោះកាត់បន្ថយពន្ធគយមកនៅត្រឹម៣០%សម្រាប់សហរដ្ឋអាមេរិក និង១០%សម្រាប់ចិន។
កាលពីខែសីហាប្រទេសទាំង២បានសម្រេចពន្យារពេល៩០ថ្ងៃទៀត ការចូលជាធរមាននៃការបង្កើនពន្ធគយថ្មី លើការនាំចេញរបស់ពួកគេទៅវិញទៅមក។ បែបនេះនាំឲ្យបទឈប់បាញ់ក្នុងសង្គ្រាមពាណិជ្ជកម្មត្រូវពន្យារពេល រហូតដល់ថ្ងៃទី១០វិច្ឆិកា។
មេដឹកនាំជាន់ខ្ពស់របស់ប្រទេសទាំង២ក៏ត្រូវពិភាក្សាគ្នាដែរនៅក្រុងម៉ាឌ្រីដពីបញ្ហាបណ្ដាញសង្គមTIKTUK។ កាលបរិច្ឆេទកំណត់ដើម្បីរកអ្នកទិញយកបណ្ដាញនោះមិនមែនចិន បើរកមិនបានTIKTUK អាចត្រូវហាមលែងឲ្យប្រើនៅសហរដ្ឋអាមេរិក ត្រូវពន្យារពេលដល់ថ្ងៃទី១៧កញ្ញាបន្ទាប់ពីការពន្យារពេល៣លើកដោយលោកដូណាល់ត្រាំ។
ច្បាប់មួយរបស់សហព័ន្ធដែលទាមទារឲ្យលក់ឬហាមឃាត់TIKTUK ដោយសារហេតុផលសន្តិសុខជាតិត្រូវចូលជាធរមានតាំងពីមុនការចូលកាន់តំណែងរបស់លោកដូណាល់ត្រាំ កាលពីខែមករា៕
ចែករំលែកព័តមាននេះ