រាជធានីភ្នំពេញ ៖ មានករណីបុរសជនជាតិចិនម្នាក់បើករថយន្តចុះពីលើស្ពានសុខៗ ផ្ទុះសំបក បណ្តាលអោយបែកកង់ តែមិនព្រមឈប់ បន្តបើកមកមុខទៀតធ្វើអោយបាក់កង់រេចង្កូតទៅបុក ខឿនសួនច្បារ រងការខូចខាត ។…
រាជធានីភ្នំពេញ ៖ មានករណីបុរសជនជាតិចិនម្នាក់បើករថយន្តចុះពីលើស្ពានសុខៗ ផ្ទុះសំបក បណ្តាលអោយបែកកង់ តែមិនព្រមឈប់ បន្តបើកមកមុខទៀតធ្វើអោយបាក់កង់រេចង្កូតទៅបុក ខឿនសួនច្បារ រងការខូចខាត ។
ហេតុការណ៍នេះបានកេីតឡេីងនៅវេលាម៉ោង ០១និង៣០នាទីរសៀល ថ្ងៃទី២៤ ខែមេសា ឆ្នាំ២០២៥ ដែលស្ថិតនៅតាមបណ្តោយផ្លូវលេខ៧០ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
បើតាមប្រភពព័ត៍មានពីប្រជាពលរដ្ឋ បានអោយដឹងថា មុនពេលកើតហេតុ គេឃើញជនជាតិចិនម្នាក់ បានបេីករថយន្តមួយគ្រឿងម៉ាក ឡង់គ្រឹស្ស័រ ពណ៍ស ពាក់ស្លាកលេខ ភ្នំពេញ 2BV- 7677 បានបេីកបរក្នុងទិសដៅពីកេីតមកលិច ល្បឿនលឿន ខណៈបេីកមកដល់ចំណុចរង្វង់គួចកាណុង រថយន្តក៏បានផ្ទុះកង់ផ្នែកខាងមុខ ។ ស្របពេលនោះ ជនជាតិចិនខាងលើនេះ មិនឈប់នោះឡើយ នៅតែបន្តបើករហូត មកដល់ទល់មុខ ធានាគារមួយកន្លែង រថយន្តក៏រេចង្កូត ទៅបុកនឹងខឿនសួនច្បារ បណ្តាលអោយរងការខូចខាត ។ ចំណែកឯរថយន្តខាងលេីបានដាច់កង់រថយន្តផ្នែកមុខខាងឆ្វេង តែមិនមានអ្នកណាម្នាក់រងរបួសឡេីយ ។ ភ្លាមៗ បុរសជនជាតិ ដើរពីកន្លែងកើតហេតុ ទៅអង្គុយក្នុងម៉ាត ធ្វើរំភើយ ។
ក្រោយកេីតហេតុ កម្លាំងសមត្ថកិច្ចជំនាញមូលដ្ឋានបានចុះមកដល់ទីតាំងខាងលេី និងបានរាយការណ៍ទៅកាន់កម្លាំងសមត្ថកិច្ចជំនាញផ្នែកចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដេីម្បីធ្វេីការវាស់វែងយករថយន្តខាងលេីទៅរក្សាទុកនៅការិយាល័យនគរបាលរាជធានីភ្នំពេញ រង់ចាំធ្វេីការដោះស្រាយតាមផ្លូវច្បាប់ ៕
ចែករំលែកព័តមាននេះ