ខេត្តព្រះសីហនុ ៖ បុរសម្នាក់បានបាត់បង់ជីវិតភ្លាមៗ រួមជាមួយសត្វសុនខ២ក្បាល បន្ទាប់ពីត្រូវរន្ទះបា.ញ់ ខណៈពេលឈរលេងនៅខាងក្រៅផ្ទះ។ ជុំវិញករណីខាងលើនេះដែរ តាមប្រភពពីសមត្ថកិច្ចមូលដ្ឋាន បានឲ្យដឹងថា បុរសម្នាក់…
ខេត្តព្រះសីហនុ ៖ បុរសម្នាក់បានបាត់បង់ជីវិតភ្លាមៗ រួមជាមួយសត្វសុនខ២ក្បាល បន្ទាប់ពីត្រូវរន្ទះបា.ញ់ ខណៈពេលឈរលេងនៅខាងក្រៅផ្ទះ។
ជុំវិញករណីខាងលើនេះដែរ តាមប្រភពពីសមត្ថកិច្ចមូលដ្ឋាន បានឲ្យដឹងថា បុរសម្នាក់ បានស្លា.ប់ និងសត្វសុនខចំនួន ២ក្បាល បានងា.ប់ ដោយសាររន្ទះបា.ញ់ នៅភូមិសម្ដេចតា ឃុំចំការហ្លួង ស្រុកកំពង់សីលា ខេត្តព្រះសីហនុ កាលពីវេលាម៉ោងជាង១រសៀល ថ្ងៃទី២៣ ខែមេសា ឆ្នាំ២០២៥។
បើតាមអ្នកដឹងហេតុការណ៍បានឱ្យដឹងថា កាលពីវេលាម៉ោង១និង៤៥នាទីរសៀលថ្ងៃកើតហេតុ មានភ្លៀងលាយឡំនឹងផ្គររន្ទះ ហើយជនរងគ្រោះបានចេញមកឈរនៅក្រៅផ្ទះ ស្រាប់តែពេលនោះក៏មានរន្ទះបា.ញ់ មកត្រូវជនរងគ្រោះ និងសត្វសុនខ ០២ក្បាល ដែលដេកក្បែរនោះតែម្ដង។
ជនរងគ្រោះឈ្មោះ អ៊ួច ទួច ភេទប្រុស អាយុ ៤៦ឆ្នាំ មានទីលំនៅភូមិសាឡង់៣ ឃុំគគីរ ស្រុកមេមត់ ខេត្តត្បូងឃ្មុំ បានមកស្នាក់នៅបណ្ដោះអាសន្នជាកម្មករជៀជ័រកៅស៊ូ នៅភូមិ-ឃុំកើតហេតុការណ៍ខាងលើ ។
បច្ចុប្បន្ន ស.ពជនរងគ្រោះត្រូវបានក្រុមគ្រួសារ និងអាជ្ញាធរភូមិ-ឃុំ យកទៅបូជា និងធ្វើបុណ្យតាមប្រពៃណី ក្នុងដីសហគមន៍ក្បែរនោះ ៕
ចែករំលែកព័តមាននេះ