ប្រយ័ត្នមានពិរុទ្ធ និងទោសទណ្ឌ បើយើងពាក់ព័ន្ធនឹងឧក្រិ.ដ្ឋកម្មឆបោកតាមអនឡាញ ពីព្រោះបញ្ហានេះកាន់តែរីកធំរហូតដល់ថ្នាក់អង្គការសហប្រជាជាតិ (UN) ប្រដូចវាទៅជាបញ្ហានៃជំងឺមហារីកទៅហើយ នៅពេលនេះស្របពេលដែលអាមេរិកក៏រងគ្រោះដែរ ។ កាលពីពេលថ្មីៗនេះ ការិយាល័យអង្គការសហប្រជាជាតិទទួលបន្ទុកគ្រឿងញៀ.ន…
ប្រយ័ត្នមានពិរុទ្ធ និងទោសទណ្ឌ បើយើងពាក់ព័ន្ធនឹងឧក្រិ.ដ្ឋកម្មឆបោកតាមអនឡាញ ពីព្រោះបញ្ហានេះកាន់តែរីកធំរហូតដល់ថ្នាក់អង្គការសហប្រជាជាតិ (UN) ប្រដូចវាទៅជាបញ្ហានៃជំងឺមហារីកទៅហើយ នៅពេលនេះស្របពេលដែលអាមេរិកក៏រងគ្រោះដែរ ។
កាលពីពេលថ្មីៗនេះ ការិយាល័យអង្គការសហប្រជាជាតិទទួលបន្ទុកគ្រឿងញៀ.ន និងឧក្រិ.ដ្ឋកម្ម (UNODC) បាននិយាយថា បណ្តាញឧក្រិ.ដ្ឋកម្មដែលបានលេចឡើងនៅក្នុងតំបន់អាស៊ីអាគ្នេយ៍ក្នុងរយៈពេលប៉ុន្មានឆ្នាំចុងក្រោយនេះបានកំពុងតែរីករាលដាល ។
ប្រភពដដែលបានអះអាងថា ក្រុមឧក្រិ.ដ្ឋជនតាមអ៊ីនធឺណិត នៅអាស៊ីបានពង្រីក និងធ្វើឲ្យវារីករាលដាលពាសពេញពិភពលោក ក្រោយពេលដែលប្រទេសនានាមានកម្ពុជា ថៃ ឡាវ ហ្វីលីពិនជាដើមបានកំពុងតែរឹតបន្តឹង និងពង្រឹងការបោសសំអាត ។
UNODC បាននិយាយនៅក្នុងរបាយការណ៍មួយ កាលពីថ្ងៃចន្ទថា ក្រុមឧក្រិ.ដ្ឋជនអាស៊ី ដែលនៅពីក្រោយឧស្សាហកម្មបោកប្រាស់តាមអ៊ីនធឺណិត ដែលមានតម្លៃរាប់ពាន់លានដុល្លារកំពុងពង្រីកឧក្រិ.ដ្ឋកម្មនេះ ជាសកល រួមទាំងទៅកាន់អាមេរិកខាងត្បូង និងអាហ្វ្រិក ។
ប្រភពដដែលនេះបានលើកឡើងថា វិធានការដែលបានកំពុងតែដាក់ចេញដោយប្រទេសនានានៅអាស៊ីអាគ្នេយ៍ គឺមិនអាចទប់ស្កាត់សកម្មភាព និងការរីករាលដាលសកម្មភាពរបស់ពួកគេបានទេនៅពេលនេះ ។
បណ្តាញឧក្រិ.ដ្ឋកម្មដែលបានលេចឡើងនៅក្នុងតំបន់អាស៊ីអាគ្នេយ៍ក្នុងរយៈពេលប៉ុន្មានឆ្នាំថ្មីៗនេះបានកំពុងតែបន្តបង្កឲ្យមានជនរងគ្រោះរាប់ម៉ឺននាក់ ដោយខ្លះត្រូវបានជួញដូរ និងបង្ខំឱ្យបោកប្រាស់ជនរងគ្រោះផ្សេងៗនៅជុំវិញពិភពលោករហូតវាបានវិវត្តទៅជាឧក្រិ.ដ្ឋកម្មនៃឧស្សាហកម្មសកលដ៏ទំនើបមួយ ហើយវាត្រូវបានគេអះអាងថា មានតម្លៃដល់ទៅ៤០ពាន់លានដុល្លារឯណោះ ។
លោក ចន វូស៊ិក (John Wojcik )អ្នកវិភាគប្រចាំតំបន់របស់ UNODC បាននិយាយថា បញ្ហានេះវារីករាលដាលដូចជា មហារីកទៅហើយ ។ ចេញពីតំបន់ព្រំដែននៃកម្ពុជា ឡាវ ថៃ មីយ៉ាន់ម៉ា និងហ្វីលីពីន ឥឡូវនេះទំហំនៃឧក្រិ.ដ្ឋកម្មនេះបានរីកប៉ោងឡើងតាមគម្រោងបោកប្រាស់តាមអនឡាញ តាមរយៈការរៀបចំគម្រោងស្នេហា និងវិនិយោគក្លែងក្លាយ និងគម្រោងល្បែ.ងស៊ីសងខុសច្បាប់ ។
UNODC ថា ឥឡូវនេះត្រូវបានគេរាយការណ៍ថា កំពុងតែពង្រីកដល់អាហ្វ្រិក និងអាមេរិកឡាទីន អាស៊ីខាងត្បូង មជ្ឈឹមបូពា កោះនៅមហាសមុទ្រប៉ាស៊ីហ្វិក ហើយក៏មានខ្លះដល់អឺរ៉ុប អាមេរិកខាងជើង និងអាមេរិកខាងត្បូងថែមទៀត ។
ទីភ្នាក់ងារUN នេះបាននិយាយថា ទោះបីជារដ្ឋាភិបាលអាស៊ីអាគ្នេយ៍បានបង្កើនការបង្ក្រាបក៏ដោយក៏ក្រុមឧក្រិ.ដ្ឋជនបានផ្លាស់ទីក្នុង និងក្រៅតំបន់។ អ្នកជំនាញបានព្រមានថា រដ្ឋាភិបាលនានានៅក្នុងតំបន់អាស៊ីអគ្នេយ៍បានបង្ក្រាបមែន តែឫសគល់នៃឧក្រិ.ដ្ឋជននេះមិនត្រូវបានបង្ក្រាបឡើយពួកគេបានធ្វើចំណាកស្រុកដោយសាមញ្ញ ។
អង្គការនេះបានអំពាវនាវឱ្យប្រទេសនានាធ្វើការរួមគ្នា និងបង្កើនកិច្ចខិតខំប្រឹងប្រែងដើម្បីរំខានដល់ការផ្តល់ហិរញ្ញប្បទានរបស់ក្រុមឧក្រិ.ដ្ឋជន ។ មកដល់ពេលនេះ សម្រាប់សហរដ្ឋអាមេរិកដែលជាមហាអំណាចមានសមត្ថកិច្ចរឹងមាំមានធនធាន ប៉ុន្តែមហាអំណាចនេះតែមួយត្រូវបានគេរាយការណ៍ពីការខាតបង់មិនតិចឡើយ ពោល គឺជាង៥,៦ពាន់លានដុល្លារ កាលពីក្នុងឆ្នាំ២០២៣។
UNODC បាននិយាយថា ក្រុមឧក្រិ.ដ្ឋជនជាទូទៅតែងតែសម្លឹងទៅទីណាក៏ដោយដែលសមត្ថកិច្ចមានសមត្ថភាពខ្សោយ អភិបាលកិច្ចមិនខ្លាំង ហើយសំខាន់ គឺមានអត្រាពុករលួយខ្ពស់ ៕
ចែករំលែកព័តមាននេះ