រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងអំណរគុណនូវគោលនយោបាយរបស់ថៃ ដោយមិនអនុញ្ញាតឱ្យជនណាម្នាក់ប្រើប្រាស់ទឹកដីថៃ ដើម្បីជ្រៀតជ្រែកកិច្ចការផ្ទៃក្នុង ឬធ្វើសកម្មភាពបង្កគ្រោះថ្នាក់ដល់កម្ពុជា…
រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងអំណរគុណនូវគោលនយោបាយរបស់ថៃ ដោយមិនអនុញ្ញាតឱ្យជនណាម្នាក់ប្រើប្រាស់ទឹកដីថៃ ដើម្បីជ្រៀតជ្រែកកិច្ចការផ្ទៃក្នុង ឬធ្វើសកម្មភាពបង្កគ្រោះថ្នាក់ដល់កម្ពុជា ។
ការលើកឡើងរបស់សម្តេចបវរធិបតីនាយករដ្ឋមន្ត្រីកម្ពុជា ក្រោយបញ្ចប់ពិធីចុះហត្ថលេខារវាង កម្ពុជា-ថៃ ដែលមានវត្តមនាលោកជំទាវ ផេថងថាន ស៊ីណាវ៉ាត្រា នាយករដ្ឋមន្ត្រីថៃ នាថ្ងៃទី២៣ ខែមេសា ឆ្នាំ២០២៥ នេះ នៅវិមានសន្ដិភាព ។
ថ្លែងនាឱកាសនោះ សម្តេចបវរធិបតី ហ៊ុន ម៉ាណែត បានមានប្រសាសន៍យ៉ាងដូច្នេះថា ៖«ខ្ញុំអរគុណគោលនយោបាយរបស់ប្រទេសថៃ ដែលមិនអនុញ្ញាតឱ្យជនណាម្នាក់ ប្រើប្រាស់ទឹកដីថៃ ដើម្បីជ្រៀតជ្រែកកិច្ចការផ្ទៃក្នុង ឬធ្វើសកម្មភាពដែលបង្កគ្រោះថ្នាក់ដល់កម្ពុជា។ រាជរដ្ឋាភិបាលកម្ពុជានឹងអនុវត្តគោលការណ៍នេះដូចគ្នា ។ ប្រទេសថៃ គឺជាដៃគូរពាណិជ្ជកម្ម និងវិនិយោគដ៏សំខាន់របស់កម្ពុជា» ។
ក្នុងជំនួបនោះដែរ សម្ដេចនិងនាយករដ្ឋមន្ដ្រីថៃបានជួបពិភាក្សាគ្នានូវយុទ្ធការជាក់ស្តែង និងគំនិតផ្តួតផ្ដើមបំពេញបន្ថែមផ្សេងៗគ្នារបស់រាជរដ្ឋាភិបាល និងវិស័យឯកជននៃប្រទេសទាំងពីរ ដើម្បីជំរុញពាណិជ្ជកម្ម និងការវិនិយោគរបស់ប្រទេសទាំងពីរបន្ថែមទៀត ។
ជាមួយគ្នានោះដែរ សម្តេចបវរធិបតីក៏បានថ្លែងអំណរគុណធុរជនថៃ ចំពោះទំនប់ចិត្តនិងការសម្រេចចិត្តបណ្ដាក់ទុន និងធ្វើធុរកិច្ចនៅកម្ពុជា ។ សម្ដេចជម្រាបជូនមិត្តថៃថា កម្ពុជាបានត្រៀមខ្លួនរួចជាសម្រេច និងបើកជំហរជានិច្ច ព្រមទាំងមានឆន្ទៈ ចង់រីកចម្រើនជាមួយគ្នាក្នុងវិស័យពាណិជ្ជកម្ម វិនិយោគ និងនវានុវត្តន៍។
ចំពោះ វិស័យទេសចរណ៍ និងការតភ្ជាប់ពិតជាមានសារៈសំខាន់ណាស់ សម្រាប់ការផ្លាស់ប្ដូរប្រជាជន និងប្រជាជនសម្ដេច និងនាយករដ្ឋមន្ដ្រីថៃ បានបញ្ជាក់សារជាថ្មីនូវការប្ដេជ្ញាចិត្តចំពោះក្របខណ្ឌ ព្រះរាជាណាចក្រពីរគោលដៅតែមួយ ។ កម្ពុជាស្វាគមន៍ផងដែរ ចំពោះគំនិតផ្តួតផ្ដើមប្រទេស៦ គោលដៅតែមួយ ហើយភាគីទាំងពីរ រីករាយសហការគ្នា ក្នុងការបង្កើតក្រុមការងាររួមគ្នា ដើម្បីពិភាក្សាអំពីកិច្ចសហប្រតិបត្តិការជាក់ស្ដែង នៅក្នុងក្របខណ្ឌនេះ។
លើសពីនេះ សម្តេចបវរធិបតី ក៏បានអរគុណមិត្តថៃ ដែលបានយកចិត្តទុកដាក់ចំពោះពលករ
កម្ពុជា និងថ្មីៗនេះ បានលើកលែងថ្លៃទិដ្ឋការអនុញ្ញាត ឱ្យចូលប្រទេសវិញ សម្រាប់ពលករខ្មែរដែលធ្វើដំណើរមកលេងគ្រួសារនៅកម្ពុជា ក្នុងអំឡុងពេលពិធីបុណ្យចូលឆ្នាំថ្មីនេះ តបតាមការស្នើសុំរបស់សម្ដេចនាយករដ្ឋមន្ដ្រីកម្ពុជា នាពេលកន្លងទៅ ។ កម្ពុជាក៏បានវាយតម្លៃខ្ពស់ ក្នុងការបន្ដគាំទ្ររបស់ប្រទេសថៃទៅលើវិស័យអប់រំ និងហេដ្ឋារចនាសម្ព័ន្ធ។
ចំពោះវិស័យវប្បធម៌ សម្ដេច បានថ្លែងអំណរគុណចំពោះការសម្រេចចិត្តរបស់ប្រទេសថៃ ក្នុងការប្រគល់ជូនកម្ពុជាវិញ នូវវត្ថុបុរាណខ្មែរចំនួន២០ ដែលបានរឹបអូសពីក្រុមទុច្ចរិតចំពោះវិស័យសន្ដិសុខ សម្ដេចនិងនាយករដ្ឋមន្ដ្រីថៃ បានឯកភាពគ្នានៅក្នុងការផ្ដល់កិច្ចសហការបន្ថែមដែលមានស្រាប់ នៅក្នុងនោះក៏រួមមាន ការចែករំលែកព័ត៌មាន ដើម្បីប្រយុទ្ធប្រឆាំងឧក្រិដ្ឋកម្មឆ្លងដែន ក៏ដូចជាឆបោកតាមបច្ចេកវិទ្យា ការផ្សព្វផ្សាយព័ត៌មានក្លែងក្លាយ ការជួញដូរមនុស្ស និងការរត់ពន្ធទំនិញខុសច្បាប់ ។
កម្ពុជាបានគូសបញ្ជាក់អំពីសារៈសំខាន់ នៃការកសាងព្រំដែនមួយប្រកបដោយសន្ដិភាព ស្ថិរភាព វិបល់ភាពដោយភាគីទាំងពីរ បានឯកភាពគ្នាពង្រឹងកិច្ចសហប្រតិបត្តិការ៕
ចែករំលែកព័តមាននេះ