សហរដ្ឋអាមេរិក ៖ យន្តហោះដឹកអ្នកដំណើរមួយគ្រឿងរបស់ក្រុមហ៊ុនអាកាសចរណ៍អាមេរិកDELTA AIRLINES ជួបឧប្បត្តិហេតុភ្លើងឆេះកាលពីថ្ងៃទី២១មេសា នៅព្រលានយន្តហោះអន្តរជាតិORLANDO មុនពេលហោះឡើង តែអ្នកដំណើរទាំង២៨២នាក់និងសមាជិកក្រុមយានិកទាំង១២នាក់ត្រូវបានជម្លៀសចេញដោយសុខសប្បាយ។ បណ្ដារូបភាពផ្សាយតាមបណ្ដាញសង្គមពិតជាគួរឲ្យព្រឺព្រូច។ ម៉ាស៊ីនមួយក្នុងចំណោមម៉ាស៊ីនរបស់យន្តហោះធុនAIRBUS…
សហរដ្ឋអាមេរិក ៖ យន្តហោះដឹកអ្នកដំណើរមួយគ្រឿងរបស់ក្រុមហ៊ុនអាកាសចរណ៍អាមេរិកDELTA AIRLINES ជួបឧប្បត្តិហេតុភ្លើងឆេះកាលពីថ្ងៃទី២១មេសា នៅព្រលានយន្តហោះអន្តរជាតិORLANDO មុនពេលហោះឡើង តែអ្នកដំណើរទាំង២៨២នាក់និងសមាជិកក្រុមយានិកទាំង១២នាក់ត្រូវបានជម្លៀសចេញដោយសុខសប្បាយ។
បណ្ដារូបភាពផ្សាយតាមបណ្ដាញសង្គមពិតជាគួរឲ្យព្រឺព្រូច។ ម៉ាស៊ីនមួយក្នុងចំណោមម៉ាស៊ីនរបស់យន្តហោះធុនAIRBUS A330នោះ មានភ្លើងឆេះពេលយន្តហោះកំពុងតែរត់ប្រុងហោះទៅកាន់ក្រុងអាត្លង់តា។ អ្នកដំណើរទាំង២៨២នាក់ព្រមទាំងសមាជិកក្រុមយានិកត្រូវបានជម្លៀសចេញតាមចង្អូររំអិល ហើយអ្នកបើក២នាក់និងបុគ្កលិកបម្រើការក្នុងយន្តហោះ១០នាក់ត្រូវបាននាំចេញដោយពួកអ្នកពន្លត់ភ្លើង។ នេះបើតាមការអះអាងរបស់អ្នកនាំពាក្យព្រលានយន្តហោះប្រាប់ដល់ទូរទស្សន៍CBS។
ក្នុងសេចក្ដីប្រកាសមួយក្រុមហ៊ុនអាកាសចរណ៍អាមេរិកនោះថ្លែងថា យើងសូមអរគុណចំពោះភ្ញៀវយើងទាំងអស់ដែលបានរួមសហការ ហើយយើងសូមទោសចំពោះបទពិសោធន៍នេះ។ គ្មានអ្វីសំខាន់ជាងសន្តិសុខ ហើយបណ្ដាមនុស្សរបស់DELTA AIRLINES នឹងធ្វើអ្វីគ្រប់យ៉ាងដើម្បីឲ្យភ្ញៀវយើងទាំងអស់បានទៅដល់គោលដៅក្នុងពេលឆាប់។ តាមបណ្ដាសារព័ត៌មានអាមេរិកថា ការសើុបអង្កេតមួយកំពុងបើកធ្វើ ដើម្បីកំណត់មូលហេតុនៃភ្លើងឆេះម៉ាសីុនយន្តហោះនោះ ខណៈនេះមិនមែនជាលើកដំបូងទេដែលក្រុមហ៊ុននោះជួបបញ្ហាយន្តហោះ។
កាលពីខែកុម្ភៈកន្លងទៅយន្តហោះមួយរបស់ក្រុមហ៊ុននេះ បានក្រឡាប់ពេលចុះនៅព្រលានយន្តហោះអន្តរជាតិPEARSON ក្រុងតូរ៉ុងតូបណ្ដាលឲ្យមនុស្ស២១នាក់រងរបួសសំណាងល្អពុំមានអ្នកស្លាប់។ ប៉ុន្មានសប្ដាហ៍មុននេះអ្នកដំណើរ២០០នាក់ ត្រូវបានជម្លៀសចេញតាមឧបករណ៍រំអិល មុនពេលយន្តហោះមួយហោះឡើងនៅក្រុងអាត្លង់តា៕
ចែករំលែកព័តមាននេះ