រាជធានីភ្នំពេញ ៖ បុរសជាអ្នករត់តាក់ស៊ីម្នាក់ត្រូវភ្ញៀវជនជាតិចិនវាយនិងចាប់ទូរសព្ទ័បោកចោល គ្រាន់តែដាស់ ពេលដឹកមកដល់គោលដៅ ។ ហេតុការណ៍ខាងលើនេះបានបង្កការភ្ញាក់ផ្អើលដល់អាវុធហត្ថខណ្ឌជ្រោយចង្វារចុះឃាត់ខ្លួន កាលពីវេលាម៉ោង១និង៤០រំលងអធ្រាត្រឈានចូលថ្ងៃទី២២ ខែមេសា ឆ្នាំ២០២៥…
រាជធានីភ្នំពេញ ៖ បុរសជាអ្នករត់តាក់ស៊ីម្នាក់ត្រូវភ្ញៀវជនជាតិចិនវាយនិងចាប់ទូរសព្ទ័បោកចោល គ្រាន់តែដាស់ ពេលដឹកមកដល់គោលដៅ ។
ហេតុការណ៍ខាងលើនេះបានបង្កការភ្ញាក់ផ្អើលដល់អាវុធហត្ថខណ្ឌជ្រោយចង្វារចុះឃាត់ខ្លួន កាលពីវេលាម៉ោង១និង៤០រំលងអធ្រាត្រឈានចូលថ្ងៃទី២២ ខែមេសា ឆ្នាំ២០២៥ នៅចំណុចមុខខុនដូរMORGAN ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
តាមប្រភពព័ត៍មានពីបុរសជាអ្នករត់តាក់ស៊ីបានប្រាប់ឲ្យដឹងថា មុនពេលកើតហេតុ គាត់បានដឹកភ្ញៀវជនជាតិចិនចេញពីម្ដុំទួលទំពួង ទៅកាន់ខុនដូរខាងលើ ខណ:ដឹកមកដល់គោលដៅ គាត់បានដាសហៅភ្ញៀវដែលកំពុងសម្រាក ដោយប្រាប់ថាដល់គោលដៅហើយ ស្រាប់តែភ្លាមៗនោះភ្ញៀវជាជនជាតិចិនខឹងបានចុះមកវាយគាត់និងចាប់ទូរសព្ទ័ដៃបោកចោល ទើបបង្កការភ្ញាក់ផ្អើលដល់កម្លាំងអាវុធហត្ថខណ្ឌជ្រោយចុះមកអន្តរាគមន៍តែម្តង។
បើតាមអ្នកបើកតាក់ស៊ីប្រាប់ថា មិនបានធ្វើអ្វីនោះទេ គ្រាន់តែដាស់ ពេលដឹកមកដល់គោលដៅ តែមិនដឹងជាបុរសជនជាតិចិនខាងលើនោះកើតអីទេ បានជាខឹង និងវាយគាត់ ព្រមទាំងបោកទូរស័ព្ទចោលតែម្ដង។ សង្ស័យខឹងពេលកំពុងតែសម្រាកលង់លក់ ហើយត្រូវគាត់ដាស់ក៏មិនដឹង ។
បច្ចុប្បន្នបុរសជនជាតិចិនខាងលើត្រូវបានកម្លាំងអាវធហត្ថខណ្ឌជ្រោយចង្វារនាំខ្លួនទៅដើម្បីធ្វើការសួរនាំនិងអនុវត្តតាមនិតិវិធី ៕
ចែករំលែកព័តមាននេះ