ប្អូនៗយុវវ័យដែលមានអាយុគ្រប់១៨ឆ្នាំ ក្លាហានហើយចង់បំពេញបុព្វហេតុការពារជាតិ មិនបាច់រកច្រកឬលេងផ្លូវកាត់ណាឡើយ ឥឡូវនេះ ក្រសួងការពារជាតិបានទទួលភ្លើងខៀវពីប្រមុខរាជរដ្ឋាភិបាលឲ្យជ្រើសរើសពលទាហានបញ្ចូលទៅក្នុងក្របខណ្ឌដល់ទៅ៣០០នាក់ឯណោះ ។ សូមត្រៀមខ្លួន ដើម្បីក្លាយជាកម្លាំងស្នូលនៃសរសរស្តម្ភនៅក្នុងវិស័យការពារជាតិនៃយើងទាំងអស់គ្នា ។ ព័ត៌មាននេះ…
ប្អូនៗយុវវ័យដែលមានអាយុគ្រប់១៨ឆ្នាំ ក្លាហានហើយចង់បំពេញបុព្វហេតុការពារជាតិ មិនបាច់រកច្រកឬលេងផ្លូវកាត់ណាឡើយ ឥឡូវនេះ ក្រសួងការពារជាតិបានទទួលភ្លើងខៀវពីប្រមុខរាជរដ្ឋាភិបាលឲ្យជ្រើសរើសពលទាហានបញ្ចូលទៅក្នុងក្របខណ្ឌដល់ទៅ៣០០នាក់ឯណោះ ។ សូមត្រៀមខ្លួន ដើម្បីក្លាយជាកម្លាំងស្នូលនៃសរសរស្តម្ភនៅក្នុងវិស័យការពារជាតិនៃយើងទាំងអស់គ្នា ។
ព័ត៌មាននេះ មិនមែនជាពាក្យចចាមរ៉ាម ឬក៏ដំណឹងខ្សឹបខ្សៀវគ្នាដែលល្បីដូចពីមុនទៀតឡើយ វា គឺជាដំណើរការជ្រើសរើសបញ្ចូលទៅក្នុងក្របខណ្ឌមួយច្បាស់លាស់ ហើយក៏មានការសម្រេចយ៉ាងត្រឹមត្រូវ តាមផ្លូវច្បាប់ ។
ដំណឹងនៃការប្រកាសផ្តល់ភ្លើងខៀវឲ្យក្រសួងការពារជាតិបើកទ្វារជ្រើសរើសពលទាហានឲ្យចូលទៅក្នុង កងកម្លាំងការពារជាតិនេះ គឺត្រូវបានគេដឹងថា គឺមានចុះហត្ថលេខាដោយសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រីត្រឹមត្រូវ ។ ពាក់ព័ន្ធនឹងដំណើរការជ្រើសរើសនេះ សម្តេចធិបតី ហ៊ុន ម៉ាណែត បានចុះហត្ថលេខារួចហើយ តាំងពីថ្ងៃទី១០ ខែមេសា ឆ្នាំ២០២៥ ដើម្បីអនុញ្ញាតឲ្យក្រសួងការពារជាតិអាចជ្រើសរើសពលទាហានសរុបដល់ទៅ៣០០នាក់សម្រាប់បំពេញក្របខណ្ឌឲ្យកងឯកភាពនានាតាមជំនាញ និងតាមចំណង់ចំណូលចិត្ត ។
តាមលិខិតនោះ ក្រសួងការពារជាតិនឹងធ្វើការជ្រើសរើសពលទាហានឲ្យចូលបម្រើការងារនៅបញ្ជាការដ្ឋាននៃកងទ័ពជើងអាកាសសរុបចំនួន១០០នាក់ កងឯកភាពចំណុះបញ្ជាការដ្ឋានវិស្វកម្មអគ្គបញ្ជាការដ្ឋាន មានចំនួន១៥០នាក់ ។ ក្រៅពីនោះ សម្រាប់មជ្ឈមណ្ឌលហ្វឹកហ្វឺនពហុសាសន៍ចំណុះមូលដ្ឋានសមុទ្ររាមកងទ័ពជើងទឹក គឺមានចំនួន៣០នាក់ និងវិទ្យាសា្ថនបញ្ជាការដ្ឋានសេនាធិការចំនួន២០នាក់ ។
ក្រោមការដឹកនាំដោយរដ្ឋាភិបាលបន្តវេនពីខែសីហា ឆ្នាំ២០២៣ ដល់ពេលនេះក្រសួងការពារជាតិ គឺជាក្រសួងអតិភាពទី៣ ដែលទទួលភ្លើងខៀវឲ្យជ្រើសរើសពលទាហាន បន្ទាប់ពីរាជរដ្ឋាភិបាលបានសម្រេចឲ្យបន្តការជ្រើសរើសតែគ្រូបង្រៀន និងអ្នកជំនាញកសិកម្មប៉ុណ្ណោះកន្លងមក ។
ប្អូនៗឬពលរដ្ឋដែលចាប់អារម្មណ៍ចង់បម្រើ និងការពារជាតិនេះ គឺជាឱកាសដ៏កម្រមួយ ។ ដូច្នេះ ក៏គួរតែ ស្វះស្វែងរកព័ត៌មានលំអិតបន្ថែម ដើម្បីត្រៀមខ្លួនហើយរៀបចំខ្លួន ដើម្បីអាចមានឱកាសនៅក្នុងការចូលរួមបម្រើ និងការពារជាតិ ។
ការត្រៀមលក្ខណៈនៅក្នុងដំណើរការចូលរួមនៅក្នុងការជ្រើសរើសនេះ គឺរឹតតែសំខាន់ ហើយតាមទំនងក៏ក្រសួងមិនមែនចេះតែរើស ដើម្បីបំពេញកម្លាំងតាមរូបភាពចាប់ដាក់ឲ្យតែបាននោះទេ ។ នៅក្នុងស្ថានភាពនាពេលបច្ចុប្បន្ននេះ ទោះកម្ពុជាមានសន្តិភាព ប៉ុន្តែស្ថានភាពតំបន់ និងពិភពលោកវាពិតជាតម្រូវឲ្យកម្ពុជាចាំបាច់ត្រូវតែលើកកម្ពស់ខឿនការពារជាតិ និងត្រូវការចូលរួមពីធនធានមនុស្សដែលមានសក្តានុពលដើម្បីការពារជាតិមាតុភូមិ ជាពិសេស គឺដែនអធិបតេយ្យភាព និងឯកភាពទឹកដី ។
នៅក្នុងពេលដែលយើងមានសន្តិភាពដូចពេលបច្ចុប្បន្ន វារឹតតែជាពេលវេលាដ៏ល្អដែលកម្ពុជាត្រូវតែពង្រឹងវិស័យយោធា និងការការពារជាតិ ។ ប្អូនៗការការពារជាតិ គឺជាសសរស្តម្ភនៃអធិបតេយ្យភាព និងស្ថិរភាពដែលមិនអាចប្រកែកបាន ។ ដូច្នេះជាតិមាតុភូមិ គឺពិតជាកំពុងតែរង់ចាំ និងត្រូវការប្អូនៗដែលមានសមត្ថភាពពិតប្រាកដ នៅសម្រាប់បម្រើការដល់កិច្ចខិតខំការពារជាតិ ។
ប្រទេសកម្ពុជាយើងឈប់កា.ប់សម្លា.ប់គ្នា អស់រយៈពេលជិត៣០ឆ្នាំហើយ ប៉ុន្តែយើងពិតជាត្រូវការកងកម្លាំងមួយដែលខ្លាំងក្លា ក្លាហាន ដើម្បីលើកកម្ពស់កិត្យានុភាព និងពង្រឹងមុខមាត់នៃវិស័យការពារជាតិ ទប់ទល់នឹងបរទេសអមិត្ត ជាពិសេស គឺភេវរករនានា ។ ដូច្នេះការចូលរួមពីប្អូនៗ ដែលមានឆន្ទៈមានការស្រលាញ់ មានមនៈសិកាច្បាស់លាស់លើកិច្ចការនេះ គួរតែចូលរួមនៅក្នុងដំណើរការជ្រើសរើស ។
ប្អូនៗការសម្រេចជ្រើសរើសនេះ គឺជាការជ្រើសរើសកងកម្លាំងដែលនឹងបម្រើដល់ការស្តារកម្លាំងវ័យចំណាស់ ផ្តល់ឱកាសការងារ និងពង្រឹងការត្រៀមខ្លួនខាងវិស័យការពារជាតិ ។ ក្រៅពីបង្ហាញកម្លាំងចិត្តដល់ប្អូនៗដែលចាប់អារម្មណ៍ហើយនោះ យើងក៏សង្ឃឹមផងដែរថា ដំណើរការនៃ ការជ្រើសរើសនេះ គឺត្រូវដំណើរការប្រកបដោយដោយគុណធម៌ យុត្តិធម៌ និងគណនេយ្យភាព ឈរលើមូលដ្ឋានគុណវឌ្ឍន៍របស់បុគ្គលិកលក្ខណៈ និងសម្បទារបស់បេក្ខជន ឬក៏បេក្ខនារីដែលចាប់អារម្មណ៍ ។
កន្លងមក ក្តីបារម្ភត្រូវបានលើកឡើងអំពីបក្ខពួកនិយម និងកង្វះតម្លាភាព ក្នុងការអនុវត្តការងាររបស់រដ្ឋាភិបាល ។ ដើម្បីរក្សាការជឿទុកចិត្តរបស់សាធារណជន ក្រសួងការពារជាតិគួរ តែធានាថាឱកាសនេះអាចរកបានសម្រាប់បេក្ខជនដែលមានសមត្ថភាព និងសក្តិសមមកពីទូទាំងប្រទេស ជាពិសេសយុវជន និងយុវនារី ដែលកំពុងស្វែងរកការងារប្រកបដោយអត្ថន័យ និងជាមធ្យោបាយបម្រើជាតិប្រកបដោយសេចក្តីថ្លៃថ្នូរ ស្របតាមឆន្ទៈ និងមនៈសិការបស់ពួកគេផ្ទាល់ ។
សរុបមកវិញប្អូនៗយុវវ័យណា ដែលស្រលាញ់ការងារជាកងកម្លាំងប្រដាប់អាវុធ ហើយមានសមត្ថភាពពិតប្រាកដ សូមចូលរួមនៅក្នុងដំណើរការជ្រើសរើសដែលយើងសង្ឃឹមថា ក្រសួងការពារជាតិនឹងរៀបចំនៅពេលឆាប់ៗនេះ ។ កងកម្លាំង៣០០នាក់ ដែលរើសថ្មីយើងសង្ឃឹមថា ពួកគេនឹងក្លាយជាធនធានមនុស្យនិងជាសរសរស្តម្ភនៃខឿនការពារជាតិ និងប្រជាជន ពិតប្រាកដ និងមុតស្រួចសម្រាប់បុព្វហេតុជាតិ និងមាតុភូមិ នៃយើងទាំងអស់គ្នា ៕
ចែករំលែកព័តមាននេះ