រាជធានីភ្នំពេញ ៖ ក្មេងទំនើង២ក្រុមដេញវ៉ៃគ្នាមានកាំបិតនិងដុំថ្មរហូតចូលដល់ក្នុងម៉ាតចិនខឹងវ៉ៃបក្សពួកម្ខាងទៀតអត់បានយកដុំថ្មចោលទៅចំបុរសជនជាតិចិនរងរបួសនិងវាយកំទិចម៉ូតូ២គ្រឿងដែលចតស្ងៀមធ្វើឲ្យខូចខាតហើយហ៊ានថតបង្ហោះតាមបណ្ដាញ tik tok កាលពីវេលាម៉ោង៨និង៣០នាទីយប់ថ្ងៃទី១៩ ខែ មេសា ឆ្នាំ ២០២៥នៅចំណុចផ្សារទំនើប…
រាជធានីភ្នំពេញ ៖ ក្មេងទំនើង២ក្រុមដេញវ៉ៃគ្នាមានកាំបិតនិងដុំថ្មរហូតចូលដល់ក្នុងម៉ាតចិនខឹងវ៉ៃបក្សពួកម្ខាងទៀតអត់បានយកដុំថ្មចោលទៅចំបុរសជនជាតិចិនរងរបួសនិងវាយកំទិចម៉ូតូ២គ្រឿងដែលចតស្ងៀមធ្វើឲ្យខូចខាតហើយហ៊ានថតបង្ហោះតាមបណ្ដាញ tik tok កាលពីវេលាម៉ោង៨និង៣០នាទីយប់ថ្ងៃទី១៩ ខែ មេសា ឆ្នាំ ២០២៥នៅចំណុចផ្សារទំនើប ខាយសៀនហៅម៉ាយចិន ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
យោងតាមនារីបុគ្គលិកផ្សាទំនើបបានប្រាប់ថា មុនកើតហេតុមានថៅកែជាជនជាតិចិនបានដើរមកពីហាត់ប្រាណក្នុងកោះពេជ្រចូលមកក្នុងហាងដើម្បីឡើងទៅសម្រាកស្រាប់តែមានក្មេងទំនើង២ក្រុមមានគ្នាច្រើននាក់មានដាវប្រវែង១ម៉ែត្រនិងដៃកាន់ដុំថ្មដេញវ៉ៃក្មេង១ក្រុមទៀតពីមុខហាងរហូតចូលមកដល់ក្នុងហាងហើយគាត់ស្រែកថាប៉ូលីសមកហើយទើបក្មេងទំនើបដកថយវិញ តែក្មេងទំនើងមិនទាន់អស់កំហឹងយកដុំថ្មគប់ចូលម៉ាតធ្វើអោយថៅកែរងរបួសចំ២កន្លែងកំភ្លៅខាងស្ដាំនិងរបួសថ្ងាសមុតដុំថ្មរបួសស្រាល ចំណែកក្មេងទំនើងបន្តទៅវ៉ៃកំទិញម៉ូតូចតនៅមុខម៉ាតបែកកុងទ័រចំនួន២គ្រឿងជារបស់បុគ្គលិកនិងអ្នកស្នាក់នៅម៉ាតហើយក្មេងទំនើងនាំគ្នាជិះម៉ូតូចេញទៅច្រើនគ្រឿងទើបឃើញសមត្ថកិច្ចនិងសន្តិសុខកោះពេជ្រចុះមកដល់កន្លែងកើតហេតុ ។
សូមបញ្ជាក់ថាថៅកែគាត់មិនទាន់ប្ដឹងទេ ដោយសារនៅភ័យនៅឡើយរងចាំគាត់ទៅប្ដឹងតាមក្រោយទៀតឬក៏អាចមិនប្ដឹងតែម្ដង នេះយោងតាមសំដីថៅកែនិយាយជាភាសាចិន ។
ប្រភពមួយទៀតថា ក្រោយមានករណីក្មេងទំនើងវ៉ៃគ្នាក៏ឃើញមានបក្សពួកបានយកវីដេអូវាយគ្នាបង្ហោះក្នុងបណ្ដាញ tik tokដើម្បីបង្អួតថាបក្សពួកគេខ្លាំងនេះពិតជាក្មេងមិនខ្លាចជាប់គុកទាល់តែសោះ ។
សមត្ថកិច្ចផ្នែកព្រហ្មទណ្ឌនិងកងកម្លាំងអន្តរាគមន៍កំពុងតែល្បាតក៏ទទួលបានព័ត៍មានថាមានក្មេងទំនើងវ៉ៃគ្នានៅផ្សារទំនើបហៅថាម៉ាតចិនក៏ប្រញាប់ចុះទៅដល់កន្លែងកើតហេតុតែក្មេងទំនើងបានរត់គេចខ្លួនបាត់អស់ ។ សមត្ថកិច្ចកំពុងតែស្រាវជ្រាវតាមចាប់ក្មេងទំនើងយកមកផ្តន្ទាទោសតាមច្បាប់ ៕
ចែករំលែកព័តមាននេះ