ខេត្តកណ្តាល ៖ កម្មករ កម្មការិនីចំនួន១០នាក់ ហូបនំបញ្ចុកនៅខាងមុខរោងចក្រ រួចស្រាប់តែមានអាការៈពុ.ល ត្រូវបានបុគ្គលិកដទៃទៀត ទាក់ទងហៅរថយន្តសង្គ្រោះបញ្ជូនទៅមន្ទីរពេទ្យ ។ ហេតុការណ៍ខាងលើនេះបានកើតឡើងកាលពីវេលាម៉ោង១១នឹង៣០នាទីព្រឹកថ្ងៃទី…
ខេត្តកណ្តាល ៖ កម្មករ កម្មការិនីចំនួន១០នាក់ ហូបនំបញ្ចុកនៅខាងមុខរោងចក្រ រួចស្រាប់តែមានអាការៈពុ.ល ត្រូវបានបុគ្គលិកដទៃទៀត ទាក់ទងហៅរថយន្តសង្គ្រោះបញ្ជូនទៅមន្ទីរពេទ្យ ។
ហេតុការណ៍ខាងលើនេះបានកើតឡើងកាលពីវេលាម៉ោង១១នឹង៣០នាទីព្រឹកថ្ងៃទី ១៨ ខែមេសា ឆ្នាំ២០២៥ នៅចំណុចខាងមុខរោងចក្រផលិតស្បែកជើងសាន់បូ ស្ថិតក្នុងភូមិជ័យជំនះ ឃុំសៀមរាប ស្រុកកណ្តាលស្ទឹង ខេត្តកណ្ដាល ។
បើយោងតាមការបញ្ជាក់ពីសមត្ថកិច្ចបានអោយដឹងថា កាលពីវេលាម៉ោង ១១ នឹង ៣០នាទីព្រឹក កម្លាំងជំនាញបានទទួលព័ត៍មានពីបុគ្គលិករោងចក្រផលិតស្បែកជើងសាន់បូ មានការពុលចំណីអាហារ ដែលបង្កអោយមនុស្សប្រុសស្រី ចំនួន ១០នាក់ បញ្ជូនទៅមន្ទីរពេទ្យដើម្បីសង្គ្រោះ ។ ភ្លាមៗ កម្លាំងជំនាញស្រុកកណ្តាលស្ទឹងបានចុះទៅដល់ មន្ទីរពេទ្យ នឹងបានសាកសួរទៅកាន់ ជនរងគ្រោះទាំងនោះ បានអោយដឹងថា ពួកគាត់បានហូបនំបញ្ចុកដែលគេលក់នៅខាងមុខរោងចក្រ សង្ស័យបន្លែលាងមិនស្អាត ឬក៏ការលក់ដូរនោះទំនងមិនមានអនាម័យ ទើបធ្វើអោយពួកគាត់ ពុលបែបនេះ ។
បច្ចុប្បន្ន ជនរងគ្រោះទាំង ១០នាក់ខាងលើនេះ បានសម្រាកព្យាបាល នៅមណ្ឌលសុខភាពសៀមរាប មិនមានអ្វីប៉ះពាល់ធ្ងន់ធ្ងរឡើយ ៕
ចែករំលែកព័តមាននេះ