រាជធានីភ្នំពេញ ៖ នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ បានបង្ហោះនាមុននេះថា ៖ មន្ត្រីអគ្គិភ័យដែលគាត់រងគ្រោះថ្នាក់ និងត្រូវបានបញ្ជូនទៅកាន់មន្ទីរពេទ្យភ្លាមៗផងដែរ ក្នុងករណីអគ្គិភ័យឆេះផ្ទះបងប្អូនប្រជាពលរដ្ឋនៅតាមមាត់ប្រទ្បាយលូបឹងសាទ្បាង សង្កាត់…
រាជធានីភ្នំពេញ ៖ នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ បានបង្ហោះនាមុននេះថា ៖ មន្ត្រីអគ្គិភ័យដែលគាត់រងគ្រោះថ្នាក់ និងត្រូវបានបញ្ជូនទៅកាន់មន្ទីរពេទ្យភ្លាមៗផងដែរ ក្នុងករណីអគ្គិភ័យឆេះផ្ទះបងប្អូនប្រជាពលរដ្ឋនៅតាមមាត់ប្រទ្បាយលូបឹងសាទ្បាង សង្កាត់ បឹងសាទ្បាង ខណ្ឌទួលគោក ។
ជាងនេះទៅទៀត នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ បានបញ្ជាក់ថា សូមបើកបេះដូងទទួលពួកគាត់ផង ខណៈមនុស្សគ្រប់គ្នារាប់លាននាក់កំពុងលេងសប្បាយជួបជុំគ្រួសារ ហូបអាហារជុំគ្នា នៅតាមបណ្ដាខេត្តនានា ក្នុងថ្ងៃបុណ្យចូលឆ្នាំប្រពៃណីជាតិខ្មែរបីថ្ងៃ ។
ប៉ុន្តែពួកគាត់មិនបានសប្បាយជួបជុំគ្រួសារដូចពលរដ្ឋយើងទាំងអស់គ្នានោះទេ ពួកគាត់នៅឈរជើងតាមគោលដៅសប្បាយនានា និងទទួលភារកិច្ចរៀងៗខ្លួន ត្រៀមកម្លាំង២៤/២៤ម៉ោង រង់ចាំទទួលបទបញ្ជាពីថ្នាក់នាំ ដើម្បីជួយអន្តរាគមន៍ពន្លត់អគ្គិភ័យ និងសង្គ្រោះ ថែរក្សាសេចក្ដីសុខជូនប្រជាពលរដ្ឋឲ្យបានលឿនរហ័ស តម្លាភាព មិនរើសអើង និងយុត្តិធម៌ សម្រាប់ប្រជាជនដែលជួបគ្រោះថ្នាក់ដោយអគ្គិភ័យ ដោយមិនគិតពីការគ្រោះថ្នាក់ដល់ខ្លួនឯងឡើយ ។
នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ បានបន្តថា ដោយមិនប្រកាន់ថា អ្នកក្រ អ្នកតូច អ្នកធំ មនុស្សម្នាក់ៗគ្មាននរណាល្អគ្រប់ដប់នោះទេ ចុះទម្រាំពួកគាត់បម្រើប្រជាជនរាប់លាននាក់រឿងអ្វីមិនអាចមានអ្នកទាស់ចិត្ត និងរិះគន់ បើពេលណាមួយ ថ្ងៃណាមួយ ពួកគាត់មានកំហុសឆ្គងបន្តិចបន្តួច ដោយអចេនា សូមរិះគន់គាត់ដោយស្ថាបនាកុំរិះគន់ជាន់ពន្លិច បេះដូងកងកម្លាំងពន្លត់អគ្គិភ័យតែងតែនៅជាមួយប្រជាពលរដ្ឋសំខាន់ជាងគ្រួសារខ្លួនឯង ដូចពាក្យថា ជីវិតជូនជាតិ ធាតុជូនម៉ែ …!!!
សូមបញ្ជាក់ អំពីមន្ត្រីអគ្គិភ័យដែលគាត់រងគ្រោះថ្នាក់ និងត្រូវបានបញ្ជូនទៅកាន់មន្ទីរពេទ្យភ្លាមៗផងដែរ ក្នុងករណីអគ្គិភ័យឆេះផ្ទះបងប្អូនប្រជាពលរដ្ឋនៅតាមមាត់ប្រទ្បាយលូបឹងសាទ្បាង សង្កាត់ បឹងសាទ្បាង ខណ្ឌ ទួលគោក រាជធានីភ្នំពេញ វេលាម៉ោង៩ជាងព្រឹក ថ្ងៃទី១៥ ខែមេសា ឆ្នាំ២០២៥ ត្រូវនឹងថ្ងៃទី២ នៃពិធីបុណ្យចូលឆ្នាំខ្មែរប្រពៃណីជាតិ ៕
ចែករំលែកព័តមាននេះ