រាជធានីភ្នំពេញ ៖ ក្រុមយុវជន ដែលវាយតប់គ្នា ពេលរាំលេង និងប៉ាតម្សៅ នៅផ្សារត្រពាំងពោធិ៍ ត្រូវបានកម្លាំងសមត្ថកិច្ចនគរបាលប៉ុស្តិ៍ចោមចៅទី៣ ចុះអន្តរាគមន៍ឃាត់ខ្លួនបានជាបន្តបន្ទាប់ ចំនួន៥នាក់ហើយ…
រាជធានីភ្នំពេញ ៖ ក្រុមយុវជន ដែលវាយតប់គ្នា ពេលរាំលេង និងប៉ាតម្សៅ នៅផ្សារត្រពាំងពោធិ៍ ត្រូវបានកម្លាំងសមត្ថកិច្ចនគរបាលប៉ុស្តិ៍ចោមចៅទី៣ ចុះអន្តរាគមន៍ឃាត់ខ្លួនបានជាបន្តបន្ទាប់ ចំនួន៥នាក់ហើយ ។
បើតាមមន្ត្រីនគរបាល បានឲ្យដឹងថា ករណីប្រព្រឹត្តិអំពើហិ.ង្សាបង្ករបួសស្នាម(វាយគ្នាទៅវិញទៅមក) នៅសង្កាត់ចោមចៅ៣ ខណ្ឌពោធិ៍សែនជ័យ ដែលមានការបង្ហោះវីដេអូផ្សព្វផ្សាយតាមបណ្តាញសង្គម ត្រូវបានកម្លាំងសមត្ថកិច្ចចុះឃាត់ខ្លួន០៥នាក់ភ្លាមៗ ។
ករណីវាយគ្នាទៅវិញទៅមកនេះ បង្កដោយភាគីចំនួន០២ក្រុម កើតឡើងនៅវេលាម៉ោង០៨និង៣០នាទីយប់ថ្ងៃទី១១ ខែមេសា ឆ្នាំ២០២៥ នៅចំណុចផ្លូវបេតុង ស្ថិតនៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
មន្ត្រីនគរបាល បានឲ្យដឹងទៀតថា ភាគី(ក) ដែលសមត្ថកិច្ចឃាត់ខ្លួនបាន៤នាក់ រួមមាន ៖
១.ឈ្មោះ ឈឿន វណ្ណី ភេទប្រុស អាយុ៣០ឆ្នាំ ជនជាតិខ្មែរ មុខរបរកម្មករលីសែង មានទីលំនៅបច្ចុប្បន្នបន្ទប់ជួល ស្ថិតភូមិកើតហេតុខាងលើ ។
២.ឈ្មោះ ចាប សុខា ភេទប្រុស អាយុ៣៥ឆ្នាំ ជនជាតិខ្មែរ មុខរបរកម្មករលីសែង មានទីលំនៅបច្ចុប្បន្នបន្ទប់ជួល (ស្នាមរបួសបែកក្បាល ដេរចំនួន ០៥ថ្នេរ) ។
៣.ឈ្មោះ អ៊ូច ចំរើន ភេទប្រុស អាយុ៤៥ឆ្នាំ ជនជាតិខ្មែរ មុខរបរកម្មករលីសែង មានទីលំនៅបច្ចុប្បន្នបន្ទប់ជួល ។
និង៤.ឈ្មោះ ដា សុខគុណ ភេទប្រុស អាយុ៣៨ឆ្នាំ ជនជាតិខ្មែរ មុខរបរកម្មករ មានទីលំនៅបច្ចុប្បន្នបន្ទប់ជួល ។
ចំណែកឯភាគី(ខ) ត្រូវសមត្ថកិច្ចឃាត់ខ្លួនបានម្នាក់ ៖
១.ឈ្មោះ ស្វាយ បញ្ញា ភេទប្រុស អាយុ២២ឆ្នាំ ជនជាតិខ្មែរ មុខរបរ កម្មកររោងចក្រ មានទីលំនៅបច្ចុប្បន្នបន្ទប់ជួល ។
មន្ត្រីនគរបាល បញ្ជាក់ថា មូលហេតុផឹកស្រាចាក់ធុងបាស់រាំ ប៉ាតម្សៅ ប៉ះគ្នា បង្កជាហិ.ង្សា ។ បច្ចុប្បន្នជនសង្ស័យ កំពុងធ្វើការសាកសួរនៅប៉ុស្ដិ៍នគរបាលរដ្ឋបាលចោមចៅទី៣ ៕
ចែករំលែកព័តមាននេះ