សង្គ្រាមពាណិជ្ជកម្ម ៖ មានពាក្យចចាមអារ៉ាមតាមបណ្ដាសារព័ត៌មានអាមេរិកថា ប្រធានាធិបតីអាមេរិកលោកដូណាល់ត្រាំនឹងផ្អាកក្នុងរយៈពេល៩០ថ្ងៃការយកពន្ធទៅវិញទៅមក ។ លោកដូណាល់ត្រាំបានបដិសេធពាក្យចចាមអារ៉ាមនោះដោយលោកអះអាងថា លោកគ្រាន់តែបើកចំហការចរចាជាមួយប្រទេសជាច្រើនដែលស្នើសុំចរចា ប៉ុន្តែប្រមុខសេតវិមានបានបដិសេធគំនិតនៃការចរចាជាមួយចិន ។ លោកត្រាំថ្លែងនៅសេតវិមានថា…
សង្គ្រាមពាណិជ្ជកម្ម ៖ មានពាក្យចចាមអារ៉ាមតាមបណ្ដាសារព័ត៌មានអាមេរិកថា ប្រធានាធិបតីអាមេរិកលោកដូណាល់ត្រាំនឹងផ្អាកក្នុងរយៈពេល៩០ថ្ងៃការយកពន្ធទៅវិញទៅមក ។ លោកដូណាល់ត្រាំបានបដិសេធពាក្យចចាមអារ៉ាមនោះដោយលោកអះអាងថា លោកគ្រាន់តែបើកចំហការចរចាជាមួយប្រទេសជាច្រើនដែលស្នើសុំចរចា ប៉ុន្តែប្រមុខសេតវិមានបានបដិសេធគំនិតនៃការចរចាជាមួយចិន ។
លោកត្រាំថ្លែងនៅសេតវិមានថា យើងមិនគ្រោងផ្អាកគម្រោងយកពន្ធគយដែលត្រូវអនុវត្តចាប់ពីថ្ងៃទី៩មេសាទៅឡើយ។ លោកអះអាងបែបនេះបន្ទាប់ពីជួបពិភាក្សាជាមួយនាយករដ្ឋមន្ត្រីអ៊ីស្រាអែល លោកបេនចាមីននេតាន់យ៉ាហ៊ូ ។
លោកថា មេដឹកនាំបណ្ដោះអាសន្នបង់ក្លាដែសលោកមូហាម៉ាដយូនុសបានសរសេរសារលិខិតមួយច្បាប់ជូនលោក ស្នើផ្អាកការយកពន្ធរយៈពេល៣ខែ។ តាមការពិតទៅ ការវាយលុកខាងពន្ធដារបស់លោកត្រាំមានលក្ខណៈមិនឯកច្ឆ័ន្ទរួចហើយក្នុងផ្ទៃគណបក្សលោក ។ លោកត្រាំបន្តថា ប្រទេសជាច្រើនបានខិតមកជិតយើងដើម្បីចរចា និងសន្យាពីកិច្ចព្រមព្រៀងដែលស្មើភាពគ្នា ។
លោកថា នឹងមានការព្រមព្រៀងតែប្រទេសជាច្រើននឹងបន្តបង់ពន្ធគយខ្ពស់ ។ លោកគំរាមបន្ថែមពន្ធថែមទៀតហើយជាមួយចិនពេលនេះ លោកបដិសេធមិនចរចាឡើយ ។ លោកថា ប្រសិនបើចិនមិនលុបចោលការបង្កើនពន្ធ៣៤% លើបណ្ដាផលិតផលអាមេរិកទេ នោះថ្ងៃទី៨ មេសា អាមេរិកដាក់ពន្ធគយបន្ថែម៥០%ទៀតលើចិន ដែលចាប់អនុវត្តពីថ្ងៃទី៩មេសា ទៅ ។
លោកអះអាងបែបនេះតាមបណ្ដាញសង្គមTRUTH SOCIAL របស់លោក។ ក្រុងប៉េកាំងតបវិញនាយប់ថ្ងៃទី៧មេសាថា ខ្លួនមិនចុះញ៉មចំពោះការគំរាមបង្កើនពន្ធថ្មីៗរបស់ត្រាំឡើយ។ រួចនាថ្ងៃទី៨
មេសា ចិនសន្យាតតាំងរហូតដល់ទឹកចុងក្រោយការយកពន្ធខ្ពស់បំផុតរបស់អាមេរិក។ មហាអំណាចសេដ្ឋកិច្ចពិភពលោកទាំង២និយាយថា ត្រៀមបង្កើនពន្ធទៅវិញទៅមក។
តាំងពីវិលត្រឡប់មកកាន់សេតវិមានវិញពីខែមករាមក លោកត្រាំវាយប្រហាររួចហើយសលើបណ្ដាផលិតផលចិន ដោយយកពន្ធបន្ថែម២០%ទៀត។ ពន្ធដែលអាមេរិកយកពីចិនត្រូវឡើងដល់៥៤%ចាប់តាំងពីថ្ងៃទី៩មេសាទៅ ជាមួយការបន្ថែមពន្ធ៣៤%ប្រកាសកាលពីសប្ដាហ៍មុន។ ប្រសិនពីការគំរាមចុងក្រោយត្រូវអនុវត្តនោះពន្ធលើបណ្ដាផលិតផលចិននឹងឡើងដល់១០៤%ដែលនឹងបង្កើនទ្វេដងតម្លៃផលិតផលចិននាំចូលក្នុងទឹកដីអាមេរិក។
ផ្ទុយទៅវិញចំពោះជប៉ុនដែលលោកត្រាំប្រកាសយកពន្ធ២៦%សង្ឃឹមថា នឹងមានការកែប្រែក្នុងពេលចរចាគ្នា។ ចំពោះសហភាពអឹរ៉ុបដែលស្នើលុបចោលពន្ធគយទៅវិញទៅមកនោះ លោកត្រាំហាក់ដូចជាមិនត្រៀមចរចាឡើយ៕
ចែករំលែកព័តមាននេះ