រាជធានីភ្នំពេញ ៖ ព្រៃល្បោះ និងស្មៅ ក្នុងដីឡូត៍មួយកន្លែង សង្ស័យត្រូវជនមិនស្គាល់មុខលួចដុតបណ្តាលឲ្យឆាបឆេះជាងមួយហិកតា និងពស់ថ្លាន់មួយក្បាលត្រូវភ្លើងឆេះងាប់ ។ ហេតុការណ៍ខាងលើនេះ បង្កអោយមានការភ្ញាក់ផ្អើលកាលពីវេលាម៉ោង៨និង៣០នាទីយប់ថ្ងៃទី៧…
រាជធានីភ្នំពេញ ៖ ព្រៃល្បោះ និងស្មៅ ក្នុងដីឡូត៍មួយកន្លែង សង្ស័យត្រូវជនមិនស្គាល់មុខលួចដុតបណ្តាលឲ្យឆាបឆេះជាងមួយហិកតា និងពស់ថ្លាន់មួយក្បាលត្រូវភ្លើងឆេះងាប់ ។
ហេតុការណ៍ខាងលើនេះ បង្កអោយមានការភ្ញាក់ផ្អើលកាលពីវេលាម៉ោង៨និង៣០នាទីយប់ថ្ងៃទី៧ ខែមេសា ឆ្នាំ២០២៥ នៅដីឡូត៍ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ។
តាមប្រភពពត៌មានពីកន្លែងកើតហេតុបាននិយាយប្រាប់ថា ទីតាំងខាងលើ មានរបងជាងពាក់កណ្ដាល ហើយមានព្រៃល្បោះ និងស្មៅងាប់ៗ នៅជិតផ្ទះបងប្អូនប្រជាពលរដ្ឋទៀតផង ។ ការឆាបឆេះស្មៅនិងព្រៃល្បោះខាងលើ មិនដឹងថា នរណាជាអ្នកដុតនៅឡើយទេ ទើបធ្វើឲ្យឆេះរាលដាលនៅក្នុងដីឡូត៍ជាងមួយហិកតា ត្រូវបានបងប្អូនបានភ័យខ្លាចឆាបឆេះរាលដាល នឹងផ្កាភ្លើងខ្ទាតចំផ្ទះបងប្អូនប្រជាពលរដ្ឋ ទើបពួកគាត់បានទាក់ទងទៅសមត្ថកិច្ច នឹងអាជ្ញាធរហៅរថយន្តពន្លត់អគ្គិភ័យជួយពន្លត់ភ្លាមៗ ។
តាមប្រភពពត៌មានពីកន្លែងកើតហេតុបានបន្តទៀតថា ទីតាំងខាងលើ នៅរដូវវស្សាសំបូរទៅដោយ សត្វពស់ថ្លាន់ជាច្រើន ។
បន្ទាប់ពីបងប្អូនប្រជាពលរដ្ឋហៅរថយន្តពន្លត់អគ្គិភ័យ ដើម្បីជួយបាញ់ពន្លត់នៅទីតាំងកន្លែងកើតហេតុបាញ់ទឹកអស់ចំនួន២រថយន្ដធ្វើឲ្យរលត់មិនមានការប៉ះពាល់ដល់ផ្ទះបងប្អូនប្រជាពលរដ្ឋនោះឡើយ ។
ក្រោយពេលកើតហេតុ ក្រុមជំនាញពន្លត់អគ្គិភ័យបានប្រទះឃើញមានសត្វពស់ថ្លាន់ចំនួនមួយក្បាលទំងន់ជិត១០គីឡូ ត្រូវបានភ្លើងឆេះងាប់គួរឲ្យអាណិតផងដែរ ហើយមិនដឹងងាប់អស់ប៉ុន្មានទៀតនោះឡើយ ៕
ចែករំលែកព័តមាននេះ