តម្លៃប្រេងនៅកម្ពុជា អាចនឹងបន្តចុះថ្លៃ
រាជធានីភ្នំពេញ ៖ តម្លៃប្រេងនៅកម្ពុជា នឹងអាចបន្តធ្លាក់ថ្លៃបន្ថែមទៀត បើផ្អែមតាមទីផ្សាយប្រេងពិភពលោក នេះបើតាមការផ្សាយរបស់សារព័ត៌មានបរទេស នៅថ្ងៃទី៧ ខែមេសា ឆ្នាំ២០២៥នេះ ។…
រាជធានីភ្នំពេញ ៖ តម្លៃប្រេងនៅកម្ពុជា នឹងអាចបន្តធ្លាក់ថ្លៃបន្ថែមទៀត បើផ្អែមតាមទីផ្សាយប្រេងពិភពលោក នេះបើតាមការផ្សាយរបស់សារព័ត៌មានបរទេស នៅថ្ងៃទី៧ ខែមេសា ឆ្នាំ២០២៥នេះ ។
ចាប់តាំងពីថ្ងៃទី ១ ដល់ ថ្ងៃទី ១០ ខែមេសា ឆ្នាំ២០២៥ តាមអត្រា ដែលប្រកាសដោយក្រសួងពាណិជ្ជកម្ម បានឲ្យដឹងថា សម្រាប់ប្រេងម៉ាស៊ូតនៅក្នុងមួយលីត្រ ៣,៧០០រៀល ហើយប្រេងសាំងធម្មតាគឺ ៣,៩០០រៀល រីឯប្រេងសាំងស៊ុបពែរ គឺ៤,៤៥០រៀល នៅក្នុងមួយលីត្រ ។
នេះគឺជាតម្លៃប្រេងនៅលើទីផ្សាបច្ចុប្បន្ន បុន្តែតាមអ្វីដែលសារព័ត៌មានបរទេស បានរាយការណ៍ តម្លៃនេះ អាចនឹងប្រែប្រួលកាន់តែប្រសើរ ពីព្រោះថា មហាអំណាចប្រេងឆៅនៅមជ្ឈឹមបូព៌ា បានអះអាងថា នៅខែឧសភា តម្លៃប្រេងឆៅមួយបារ៉ែល នឹងបញ្ចុះតម្លៃដល់ទៅ ១,២០ ដុល្លារបន្ថែម ។
តាមសេចក្តីរាយការណ៍របស់ទីភ្នាក់ងារព័ត៌មាន Reuter បានឲ្យដឹងថា ប្រទេសអារ៉ាប់ប៊ីសាអូឌីត បានប្រកាសចេញហើយថា ខ្លួននឹងកាត់បន្ថយតម្លៃប្រេងឆៅ សម្រាប់អ្នកទិញមកពីអាស៊ី ដល់កម្រិត ដែលថោកបំផុត ។
ប្រភពដដែល បានលើកឡើងថា ក្រុមហ៊ុនផលិតប្រេងអារ៉ាប់ប៊ីសាអូឌីត ឈ្មោះ សូឌី អារ៉ាមកូ (Saudi Aramco) បានប្រកាសហើយថា ខ្លួននឹងបញ្ចុះតម្លៃប្រេងឆៅសម្រាប់អ្នកទិញមកពីអាស៊ីបន្ថែម ១,២ ដុល្លារ ពីលើ ២,៣០ ដុល្លារ នៅក្នុងមួយបារ៉ែល ដែលសម្រេចពីមុន ៕
ចែករំលែកព័តមាននេះ