ខេត្តបាត់ដំបង ៖ ភ្ញៀវទេសចរជាតិ និងភ្ញៀវបរទេសយ៉ាងតិចជាង៤០ម៉ឺននាក់បានធ្វើដំណើរចូលមកកម្សាន្តនៅតាមរមណីយដ្ឋាននានា នៅក្នុងទឹកដីខេត្តបាត់ដំបង ដែលមានការកើនឡើងគួរឲ្យកត់សម្គាល់ទាំងភ្ញៀវជាតិ និងភ្ញៀវបរទេស បើធៀបទៅទៅនឹងឆ្នាំមុន ក្នុងរយៈពេលដូចគ្នា សម្រាប់ថ្ងៃទី០១…
ខេត្តបាត់ដំបង ៖ ភ្ញៀវទេសចរជាតិ និងភ្ញៀវបរទេសយ៉ាងតិចជាង៤០ម៉ឺននាក់បានធ្វើដំណើរចូលមកកម្សាន្តនៅតាមរមណីយដ្ឋាននានា នៅក្នុងទឹកដីខេត្តបាត់ដំបង ដែលមានការកើនឡើងគួរឲ្យកត់សម្គាល់ទាំងភ្ញៀវជាតិ និងភ្ញៀវបរទេស បើធៀបទៅទៅនឹងឆ្នាំមុន ក្នុងរយៈពេលដូចគ្នា សម្រាប់ថ្ងៃទី០១ នៃពិធីបុណ្យចូលថ្មីប្រពៃណីខ្មែរ ។ នេះយោងតាមរបាយការណ៍បឋម ប្រចាំថ្ងៃនៃមន្ទីរទេសចរណ៍ខេត្ត ។
តាមរយៈរបាយការណ៍បឋមប្រចាំថ្ងៃរបស់មន្ទីរទេសចរណ៍ខេត្ត លោក អ៊ុច អ៊ុំភីនីស្សារ៉ា ប្រធានមន្ទីរនេះបានឲ្យដឹងថា ភ្ញៀវទេសចរជាតិ ទាំងក្នុងខេត្ត និងមកពីតាមបណ្ដារាជធានី ខេត្តនានាផងយ៉ាងតិច៤០៦,៧៩៥នាក់ បានធ្វើដំណើរកម្សាន្តតាមរមណីយដ្ឋាននានា នៅក្នុងទឹកដីខេត្តបាត់ដំបង នៅថ្ងៃទី០១ នៃពិធីបុណ្យចូលឆ្នាំថ្មីប្រពៃណីខ្មែរ (១៤ ០៤ ២៥) ។
យើងអាចប្រៀបធៀបបានថា ឆ្នាំនេះភ្ញៀវជាតិបានកើតឡើងដល់ទៅ ២,៩៤% បើធៀបទៅនឹងរយៈពេលដូចគ្នាក្នុងឆ្នាំ២០២៤ ។ ដោយឡែក សម្រាប់ភ្ញៀវអន្តរជាតិវិញ បើតាមលោកប្រធានមន្ទីរទេសចរណ៍រូបនេះ បានអះអាងនៅក្នងរបាយការណ៍បឋមប្រចាំថ្ងៃនេះដែរថា មានចំនួន ៨៧០នាក់ ដែលមានការកើនឡើងជាងឆ្នាំទៅម៉ិញរហូតដល់ទៅ៨,១៨% បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២៤ ។
មានការកត់សម្គាល់ដែរថា សម្រាប់ពិធីបុណ្យចូលឆ្នាំថ្មីប្រពៃណីជាតិខ្នែរ «ឆ្នាំម្សាញ់ សប្ភស័ក ពុទ្ធសករាជ ២៥៦៩ គ.ស ២០២៤» នេះ រដ្ឋបាលខេត្តដ៏មានវ័យចំណាស់មួយនេះ (បាត់ដំបង) បានរៀបចំទីតាំងសម្រាប់ «ព្រឹត្តិការណ៍សង្ក្រាន្តឆ្នាំថ្មី» នេះយ៉ាងអធិកអធម្ម នៅចំកណ្ដាលបេះដូងក្រុងបាត់ដំបង និងបានបំផុសបន្ថែមដល់អាជ្ញាធរតាមមូលដ្ឋាននានា និងនៅតាមរមណីយដ្ឋានស្ទើរគ្រប់ទីកន្លែងផង ឲ្យរៀបចំកន្លែងសម្រាប់ភ្ញៀវលេងកម្សាន្ត មានទាំងល្បែងប្រជាប្រិយ បែបប្រពៃណីខ្មែរគ្រប់ប្រភេទផងដែរ ។
ដូច្នេះហើយ ទើបពិធីបុណ្យចូលឆ្នាំប្រពៃណីជាតិខ្មែរ ក្នុងឆ្នាំ២០២៥នេះ មានសភាពអធិកអធម្មខ្លាំង និងផុសផុលជាងឆ្នាំមុនៗ៕
ចែករំលែកព័តមាននេះ