រាជធានីភ្នំពេញ ៖ បុរសម្នាក់បានបើករថយន្តកូរ៉េឃ្លុបដឹកទឹកកក បានរេចង្កូតបុកក្បាលនាគពុះចែកទ្រូងផ្លូវបណ្ដាលឲ្យខ្ទាតទៅ ផ្លូវម្ខាងទៀត ហើយរថយន្តមិនទាន់អស់ល្បឿនក៏បានបន្តទៅមុខគៀជាមួយនឹងថ្មពុះចែកទ្រូងផ្លូវប្រហែលជា១៥ម៉ែត្រ ទើបរថយន្តទៅមុខលែងរួច ស្របពេលនោះក៏មានបុរសម្នាក់ទៀតបានបើករថយន្ត មួយគ្រឿងជិះបញ្ច្រាសទិសគ្នា ក្នុងល្បឿនលឿនក៏ជ្រុលទៅបុក…
រាជធានីភ្នំពេញ ៖ បុរសម្នាក់បានបើករថយន្តកូរ៉េឃ្លុបដឹកទឹកកក បានរេចង្កូតបុកក្បាលនាគពុះចែកទ្រូងផ្លូវបណ្ដាលឲ្យខ្ទាតទៅ ផ្លូវម្ខាងទៀត ហើយរថយន្តមិនទាន់អស់ល្បឿនក៏បានបន្តទៅមុខគៀជាមួយនឹងថ្មពុះចែកទ្រូងផ្លូវប្រហែលជា១៥ម៉ែត្រ ទើបរថយន្តទៅមុខលែងរួច ស្របពេលនោះក៏មានបុរសម្នាក់ទៀតបានបើករថយន្ត មួយគ្រឿងជិះបញ្ច្រាសទិសគ្នា ក្នុងល្បឿនលឿនក៏ជ្រុលទៅបុក ក្បាលនាគពុះចែកទ្រូងផ្លូវនោះទៀត បណ្ដាលឲ្យក្បាលនាគហោះប្រហែលជា៦ម៉ែត្រ ហើយរថយន្តទាំង២គ្រឿងនោះខូចខាតផ្នែកខាងមុខយ៉ាងដំណំ ។
ហេតុការណ៍នេះ បង្កការភ្ញាក់ផ្អើល កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី៦ខែមេសាឆ្នាំពីរ២០២៥ នៅតាមបណ្ដោយផ្លូវជាតិលេខ២ ស្ថិតនៅសង្កាត់ចាក់អង្រែក្រោម ខណ្ឌមានជ័យ។
តាមប្រភពព័ត៌មានបានឲ្យដឹងថា មុនពេលកើតហេតុ គេឃើញបុរសម្នាក់បានបើករថយន្តកូរ៉េឃ្លុបដឹកទឹកកក ពណ៌សពាក់ស្លាកលេខ ភ្នំពេញ 2BO-0925 បើកបរតាមបណ្ដោយផ្លូវជាតិលេខ២ ក្នុងទិសដៅពីជើងទៅត្បូង ក្នុងល្បឿនលឿន ស្រាប់តែមកដល់ចំណុចកើតហេតុក៏បានរេចង្កូតទៅខាងឆ្វេង ជ្រុលទៅបុកក្បាលនាគពុះចែកទ្រូងផ្លូវបណ្តាលឲ្យប៉ើងទៅផ្លូវម្ខាងហើយរថយន្តមិនទាន់អស់ល្បឿន ក៏បានគៀជាមួយនឹងរបាំងថ្មពុះចែកទ្រូងផ្លូវ រហូតដល់ប្រហែលជា១៥ម៉ែត្រទើបរថយន្តទៅមុខលែងរួច ស្របពេលនោះក៏មានបុរសម្នាក់បានបើករថយន្តម៉ាក អ៊ីស៊ុយស៊ុយ ពណ៌ស ពាក់ស្លាកលេខ ភ្នំពេញ 2BU-2358 បើកបរតាមបណ្តោយផ្លូវជាតិលេខ២ ក្នុងទិសដៅពីត្បូងទៅជើងក្នុងល្បឿនលឿនក៏ជ្រុលមកបុក ក្បាលនាគពុះចែកទ្រូងផ្លូវ ប៉េីងហោះប្រហែលជា៦ម៉ែត្រ ហើយរថយន្តបានរងការខូចខាតផ្នែកខាងមុខចំហៀងខាងឆ្វេងបាក់កាឡេកង់ទៅមុខលែងរួច ។
ក្រោយមក សមត្ថកិច្ចមូលដ្ឋានបានចុះទៅដល់ទីតាំងកន្លែងកើតហេតុក៏បានឃាត់អ្នកបើកបរទាំង២ រួចរាយការណ៍ទៅសមត្ថកិច្ចជំនាញចរាចរណ៍ខណ្ឌមានជ័យដេីម្បីអោយចុះមកពិនិត្យកន្លែងកេីតហេតុ បន្ទាបមកសមត្ថកិច្ចជំនាញចរាចរណ៍ខណ្ឌមានជ័យ បានរាយការណ៍សមត្ថកិច្ចជំនាញការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញចុះមកធ្វើការវាស់វែងយករថយន្តពីរគ្រឿងយកទៅរក្សាទុករង់ចាំធ្វើការដោះស្រាយគ្នានៅពេលក្រោយ ៕
ចែករំលែកព័តមាននេះ