រាជធានីភ្នំពេញ ៖ ឃ្លាំងស្តុកឈើសម្រាប់ធ្វើតុទូមួយកន្លែងត្រូវបានអគ្គិភ័យឆាបឆេះ អស់ទាំងស្រុងបង្កការភ្ញាក់ផ្អើលកាលពីវេលាម៉ោង២និង១០នាទី យប់រំលងអធ្រាត្រឈានចូលថ្ងៃទី៦ខែ មេសាឆ្នាំ២០២៥ នៅម្ដុំបឹងតាម៉ាត ផ្លូវបេតុង ស្ថិតនៅភូមិម័ល សង្កាត់ដង្កោ…
រាជធានីភ្នំពេញ ៖ ឃ្លាំងស្តុកឈើសម្រាប់ធ្វើតុទូមួយកន្លែងត្រូវបានអគ្គិភ័យឆាបឆេះ អស់ទាំងស្រុងបង្កការភ្ញាក់ផ្អើលកាលពីវេលាម៉ោង២និង១០នាទី យប់រំលងអធ្រាត្រឈានចូលថ្ងៃទី៦ខែ មេសាឆ្នាំ២០២៥ នៅម្ដុំបឹងតាម៉ាត ផ្លូវបេតុង ស្ថិតនៅភូមិម័ល សង្កាត់ដង្កោ ខណ្ឌដង្កោ ។
ម្ចាស់ទីតាំងឈ្មោះ: ថេង យៀត ភេទប្រុស អាយុ៣៥ឆាំ្ន ស្នាក់នៅកន្លែងកេីតហេតុ។
ប្រភពព័ត៌មានបានឲ្យដឹងថាមុនពេលកើតហេតុគេបានឮសំឡេងផ្ទុះចេញពីសិប្បកម្មខាងលើហើយក៏មាន ជាអណ្តាតភ្លើងឆេះយ៉ាងសន្ធោសន្ធៅ ពេលនោះប្រជាពលរដ្ឋក៏បាននាំគ្នាយកបំពង់ពន្លត់អគ្គិភ័យនិងតទុយោបាញ់ពន្លត់ជាបឋមតែដោយសារតែស្ថានភាពភ្លើងឆេះតែ ខ្លាំងឡើងខ្លាំងឡើងក៏បានរាយការណ៍ទៅសមត្ថកិច្ចអាជ្ញាធរមូលដ្ឋានដើម្បី ហៅរថយន្តពន្លត់អគ្គិភ័យចុះមកជួយអន្តរាគមន៍ បន្ទាប់ពីទទួលបានព័ត៌មានថាមានអគ្គិភ័យឆាបឆេះឃ្លាំងស្តុបឈឺសម្រាប់ធ្វើតុទូសមត្ថកិច្ចក៏បានចេញរថយន្តពន្លត់អគ្គិភ័យមកជាច្រើនគ្រឿងធ្វើការបាញ់ពន្លត់ ទៅវិញទាំងស្រុង ។
សមត្ថកិច្ចបានឲ្យដឹងថា ឃ្លាំងស្តុកឈើខាងលេី ប្រភេទសំណង់: ថ្មប្រក់ស័ង្កសី ទំហំ ២០ម៉ែត្រx២០ម៉ែត្រ ខូចខាត សម្ភារៈទាំងស្រុង ចំពោះករណីអគ្គិភ័យខាងលើសមត្ថកិច្ចបានបញ្ជាក់ថាបណ្ដាលមកពីឆ្លងចរន្តអគ្គិសនី ហើយនៅក្នុងករណីខាងលើនេះគឺមិនរាលដាលដល់ផ្ទះបងប្អូនប្រជាពលរដ្ឋនោះទេនិងក៏គ្មានមនុស្សរងរបួសឬស្លាប់នោះដែរ ៕
ចែករំលែកព័តមាននេះ