ADផ្ទាំងផ្សព្វផ្សាយពាណិជ្ជកម្ម

Picture

ក្រុង​អរិយ​ក្សត្រនឹង​រៀបចំ​សង្ក្រាន្ត​រយៈពេល ០៣​ថ្ងៃ ចាប់ពីថ្ងៃ​ទី​១៤ ដល់​ថ្ងៃ​ទី​១៦ ខែមេសា​

1 ថ្ងៃ មុន
  • កណ្តាល

ខេត្តកណ្តាល ៖ រដ្ឋបាល​ក្រុង​អរិយ​ក្សត្រ បាន​ចេញ​នូវ​សេចក្តីជូនដំណឹង ស្តី​ពី ការ​រៀបចំ​សង្ក្រាន្ត​ក្រុង​អរិយ​ក្សត្រ អបអរសាទរ​ពិធី​បុណ្យចូលឆ្នាំ​ថ្មី ឆ្នាំម្សាញ់ ​ ​។…

ខេត្តកណ្តាល ៖ រដ្ឋបាល​ក្រុង​អរិយ​ក្សត្រ បាន​ចេញ​នូវ​សេចក្តីជូនដំណឹង ស្តី​ពី ការ​រៀបចំ​សង្ក្រាន្ត​ក្រុង​អរិយ​ក្សត្រ អបអរសាទរ​ពិធី​បុណ្យចូលឆ្នាំ​ថ្មី ឆ្នាំម្សាញ់ ​ ​។

​រដ្ឋបាល​ក្រុង​អរិយ​ក្សត្រ មានកិត្តយស ​សូម​ជម្រាប​ជូនដំណឹង​ដល់​បងប្អូន​ប្រជាពលរដ្ឋ​រស់នៅ​ក្នុង ក្រុង​អរិយ​ក្សត្រ និង​សាធារណជន​ទាំងអស់​ឱ្យ​បាន​ជ្រាប​ថា ដើម្បី​ចូលរួម​អបអរសាទរ​ក្នុង​ឱកាស​បុណ្យចូលឆ្នាំ​ថ្មី ប្រពៃណី​ជាតិ ឆ្នាំម្សាញ់ ​និង​ញ៉ាំង​ឱ្យ​ពិធី​នេះ​ប្រព្រឹត្ត​ទៅ​យ៉ាង​អធិកអធម ប្រកប​ដោយ​ភាព​សប្បាយ​រីករាយ​ជូន​បងប្អូន​ប្រជាពលរដ្ឋ និង​សាធារណជន ព្រមទាំង​រក្សា​បាន​នូវ​ទំនៀមទម្លាប់ ប្រពៃណី អត្តសញ្ញាណ និង​សិល្បៈ​វប្បធម៌​ដ៏​ផូរផង់​របស់​ជាតិ រដ្ឋបាល​ក្រុង​អរិយ​ក្សត្រ នឹង​រៀបចំ “​សង្ក្រាន្ត ក្រុង​អរិយ​ក្សត្រ​” នៅ​ទីតាំង​បំបែក​ផ្លូវជាតិ​លេខ​៧០B ត្រង់​ចំណុច វត្ត​អរិយ​ក្សត្រ រយៈពេល ០៣​ថ្ងៃ ចាប់ពី ថ្ងៃ​ទី​១៤ ដល់​ថ្ងៃ​ទី​១៦ ខែមេសា ឆ្នាំ​២០២៥ វេលា​ម៉ោង ៨:០០​ព្រឹក ដល់​ម៉ោង ២០:០០​យប់ និង​មាន​ប្រារព្ធ​ពិធី សាសនា​នៅ វត្ត​ពេជ្រ​ម្កុដ (​កម្មវិធី​ទទួល​ទេវតា​ឆ្នាំ​ថ្មី និង​ស្រង់​ព្រះ​) ដែល​ស្ថិត​នៅ​ក្នុង​សង្កាត់​អរិយ​ក្សត្រ ក្រុង​អរិយ​ក្សត្រ ខេត្តកណ្តាល​។

នៅ​ក្នុង​ព្រឹត្តិការណ៍​សង្ក្រាន្ត​ក្រុង​អរិយ​ក្សត្រ​នេះ នឹង​មាន​រៀបចំ​កម្មវិធី​បែប ប្រពៃណី​ជាតិ និង​ការ​កម្សាន្ត​សប្បាយ​ជា​ច្រើន​ដូច​ជា កម្មវិធី​សម្តែង​សិល្បៈ​របាំ​ប្រពៃណី លេងល្បែង​ប្រជាប្រិយ​ជាតិ
(​ទាញព្រ័ត្រ ចោល​ឈូង វាយក្អម បោះអង្គញ់ លាក់កន្សែង ចាប់កូនខ្លែង និង​ដណ្តើម​ស្លឹកឈើ​) ព្រមទាំង​មាន តន្ត្រីសម័យ ការ​រាំ​លេង​កម្សាន្ត និង​ការ​លេង​បាញ់​ទឹកជា​ដើម​។

រដ្ឋបាល​ក្រុង​អរិយ​ក្សត្រ សូម​អំពាវនាវ​ដល់​បងប្អូន​ប្រជាពលរដ្ឋ និង​សាធារណជន​គ្រប់​មជ្ឈដ្ឋាន សូម​អញ្ជើញ​ចូលរួម​កម្សាន្ត​សប្បាយ​នៅ​ក្នុង​ព្រឹត្តិការណ៍ “​«សង្ក្រាន្ត​ក្រុង​អរិយ​ក្សត្រ​» ឱ្យ​បាន​ច្រើន​កុះករ​ក្រោម ម្លប់​សន្តិភាព​ដ៏​ត្រជាក់ត្រជុំ​នៃ​ប្រទេស​ជាតិ​យើង​។

ទទួល​បាន​សេចក្តីជូនដំណឹង​នេះ អធិការដ្ឋាន​នគរបាល​ក្រុង​អរិយ​ក្សត្រ មូលដ្ឋាន​កងរាជអាវុធហត្ថ ក្រុង​អរិយ​ក្សត្រ ការិយាល័យ​-​អង្គភាព​ចំណុះ​រដ្ឋបាល​ក្រុង​អរិយ​ក្សត្រ និង​រដ្ឋបាល​សង្កាត់​ទាំង​១១ ត្រូវ​ធ្វើការ ផ្សព្វផ្សាយ​ឱ្យ​បាន​ទូលំទូលាយ និង​ចាត់តាំង​អនុវត្ត​ឱ្យ​មាន​ប្រសិទ្ធភាព​ខ្ពស់​៕​​

អត្ថបទសរសេរ ដោយ

កែសម្រួលដោយ