ខេត្តព្រះសីហនុ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានប្រកាសថា ចាប់ផ្តើមពីថ្ងៃនេះទៅ កម្ពុជា នឹងស្វាគមន៍…
ខេត្តព្រះសីហនុ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានប្រកាសថា ចាប់ផ្តើមពីថ្ងៃនេះទៅ កម្ពុជា នឹងស្វាគមន៍ នូវភាគីមិត្តទាំងអស់ ដែលចង់មកហ្វឹកហ្វឺនរួមគ្នានៅមូលដ្ឋានរាមនេះ ដោយគ្មានអ្វីលាក់លៀមនោះទេ ។
ការថ្លែងប្រកា សរបស់ប្រមុខរាជរដ្ឋាភិបាលបែបនេះដើម្បីឆ្លើយតបនឹងការចោទប្រកាន់ ពីសំណាក់បណ្តាប្រទេសមួយចំនួន ដោយចោទកម្ពុជាថា បាបយកមូលដ្ឋានទ័ពរាម ធ្វើជាមូល ដ្ឋានទ័ពចិនផ្តាច់មុខ ខណៈដែលសម្តេចធិបតី បានបញ្ជាក់ជាថ្មី រដ្ឋធម្មនុញ្ញរបស់កម្ពុជា បានចែង យ៉ាងច្បាស់ថា កម្ពុជា មិនអនុញ្ញាឱ្យមានមូលដ្ឋានទ័ពបរទស ក្នុងប្រទេសខ្លួនឡើយ ។
ថ្លែងក្នុងពិធីសម្ពោធសមិទ្ធផលទំនើបកម្ម មូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាម ស្ថិតនៅភូមិអុង សង្កាត់រាម ក្រុងកំពង់សោម ខេត្តព្រះ សីហនុ នាព្រឹកថ្ងៃទី០៥ ខែមេសា ឆ្នាំ២០២៥ សម្តេចបវរធិបតី បានថ្លែងថា ទាក់ទងនឹងការធ្វើទំនើបកម្មនៅ មូលដ្ឋានទ័ពជើងទឹករាម រាប់សិបឆ្នាំមកហើយ តែងតែមានការសង្ស័យ និងលើកជាប្រចាំ អំពីការអភិវឌ្ឍធ្វើឱ្យបាត់អធិបតេយ្យភាពរបស់កម្ពុជា ។
សម្តេចធិបតី ក៏បានគូសបញ្ជាក់ថា រាល់ការជួបជាមួយភាគីមិត្ត សម្តេចតែងប្រាប់ថា គ្មានពីណាការពារអធិបតេយ្យភាពកម្ពុជា ជាងកម្ពុជាខ្លួនឯងនោះទេ ។ ក្នុងនោះសម្តេចធិបតី គូសបញ្ជាក់ថា ការធ្វើតំនើបកម្មកងទ័ព ការបង្កើនសមត្ថភាពប្រយុទ្ធ ការពារទឹកដី ប្រឆាំងគ្រប់ រូបភាពសង្គ្រាម មិនថាសង្គ្រាមរវាងកងទ័ពនិងកងទ័ព ឬសង្គ្រាមប្រឆាំឧក្រិដ្ឋកម្មឆ្លងដែន ទាមទារឱ្យកងទ័ពកម្ពុជាកាន់តែមានមូលដ្ឋានច្បាស់លាស់ ខណៈដែលការខិតខំរបស់កន្លងទៅរបស់កម្ពុជា នៅក្នុងការពង្រឹងជាប្រចាំ កងទ័ពជើងទឹក មានចាប់តាំងសម័យសង្គ្រាម ដោយបានធ្វើប្រតិបត្តិការទាំងទឹកសាប និងទឹកប្រៃ ដើម្បីបង្កើនសមត្ថភាពនៅក្នុងការការពារ និងការប្រមូលព័ត៌មានក្នុងដែនសមុទ្ររបស់ខ្លួន ។
សម្តេចបវរធិបតី សង្កត់ធ្ងន់ថា ការបង្កើនសមត្ថភាពខាងលើនេះ ធ្វើឡើងក្នុងការទប់ស្កាត់នូ វការជ្រាតចូលនៃឧក្រិដ្ឋឆ្លងដែន ដូចជាគ្រឿងញៀន អាវុធ និងមនុស្ស ដែលសុទ្ធតែប្រើប្រាស់ ឧបករណ៍ទំនើបរបស់អន្តរជាតិ ទាមទារឱ្យកម្ពុជា មានសមត្ថភាព ចេញល្បាតរយៈចំងាយឆ្ងាយ ដើម្បីការពារដែនសមុទ្ររបស់ខ្លួន ។
ជាមួយគ្នានោះដែ រសម្តេចបវរធិបតីគូសបញ្ជាក់យ៉ាងដូច្នេះថា ៖ «ឥឡូវកុំពិបាក កាលពី៣-៤ឆ្នាំមុន ដែលយើងបិទមូលដ្ឋានរាម ដើម្បីធ្វើការងារកសាង ទំនើបកម្មនេះ ចាប់ពីឆ្នាំ២០២២មក គេសួរថាបិទធ្វើអី ចង់លាក់បន្ទាយរាមធ្វើអ្វី? តើធ្វើនេះ ដើម្បីអ្វីម្តេចក៏ចូលមិនបានខ្ញុំថា គេកំពុងតែលើកដាក់ គេកំពុងតែសាងសង់ ចូលទៅក្រែងដែកមួយដុំធ្លាក់លើវាបញ្ហា មិនថាភាគី ណាទេ គឺយើងពេលនោះ គឺយើងសុំការយោគយល់ ហើយធ្វើ ហើយខ្ញុំប្រាប់ថា តាបើកហើយ យើងនឹងស្វាគមន៍ទាំងអស់ ថ្ងៃនេះ នឹងចាប់ផ្តើមពីថ្ងៃនេះទៅ កម្ពុជា នឹងស្វាគមន៍ នូវភាគីមិត្ត ទាំងអស់ ដែលមកហ្វឹកហ្វឺនរួមគ្នានៅមូលដ្ឋានរាមនេះ យើងគ្មានអ្វីលាក់លាមទេ»៕
ចែករំលែកព័តមាននេះ