ADផ្ទាំងផ្សព្វផ្សាយពាណិជ្ជកម្ម

Picture

នៅ​ក្នុង​ចំណោម​ជន​រង​គ្រោះ​ដល់​ជីវិត​១៥​នាក់ និង​៩​នាក់​របួស ដែល​បាន​រង​គ្រោះ​ដោយសារ​តែ​ការ​រលំ​បាក់​សំណង់​អគារ​ដែល​កំពុង​សាងសង់ កាលពី​អំឡុង​គ្រោះ​រញ្ជួយ​ដី ថ្ងៃ​ទី​២៨ មីនា នៅ​បាងកក គឺ​មាន​ម្នាក់​នៅ​ក្នុង​ចំណោម​នោះ​ត្រូវ​បាន​បញ្ជាក់​អត្តសញ្ញាណ​ថា​ជា​ពលរដ្ឋ​កម្ពុជា ។ សូម​ស​ម្រួ​ម​ចិត្ត…

នៅ​ក្នុង​ចំណោម​ជន​រង​គ្រោះ​ដល់​ជីវិត​១៥​នាក់ និង​៩​នាក់​របួស ដែល​បាន​រង​គ្រោះ​ដោយសារ​តែ​ការ​រលំ​បាក់​សំណង់​អគារ​ដែល​កំពុង​សាងសង់ កាលពី​អំឡុង​គ្រោះ​រញ្ជួយ​ដី ថ្ងៃ​ទី​២៨ មីនា នៅ​បាងកក គឺ​មាន​ម្នាក់​នៅ​ក្នុង​ចំណោម​នោះ​ត្រូវ​បាន​បញ្ជាក់​អត្តសញ្ញាណ​ថា​ជា​ពលរដ្ឋ​កម្ពុជា ។

សូម​ស​ម្រួ​ម​ចិត្ត និង​ចូលរួម​រំលែក​ទុក្ខ​ជាមួយនឹង​ក្រុម​គ្រួសារ​របស់​ជន​រង​គ្រោះ​ទាំងអស់ ជា​ពិសេស គឺ​ពលករ​ចំណាកស្រុក​កម្ពុជា ដែល​មានឈ្មោះ ថា មាស សា​វ៉ាង អាយុ​ទើបតែ​២៣​ឆ្នាំ ដែល​មាន​ទីលំនៅ​នៅ​ស្រុក​ម៉ា​ឡៃ ខេត្តបន្ទាយមានជ័យ ។ អត្តសញ្ញាណ​របស់ មាស សា​វ៉ាង ត្រូវ​បាន​បញ្ជាក់​ដោយ​ក្រសួង​ការងារ និង​បណ្តុះបណ្តាល​វិជ្ជាជីវៈ ដោយ​យោង​តាម​របាយការណ៍​នាយកដ្ឋាន​បង្ការ និង​គ្រប់គ្រង​គ្រោះ​មហន្តរាយ​នៃ​ក្រសួងមហាផ្ទៃ​ថៃ ។

អត្តសញ្ញាណ​នេះ ត្រូវ​បាន​បញ្ជាក់​កាលពី​វេលា​ម៉ោង​៣​និង​៣០​នាទី​រសៀល ថ្ងៃ​ទី​៣១ ខែមីនា ឆ្នាំ​២០២៥ ហើយ​នៅ​ពេល​នេះ​ស្ថានទូត​កម្ពុជា​បាន​រៀបចំ​ពិធី​តាម​ជំនឿ​ព្រះពុទ្ធ​សាសនា​រួចរាល់​ហើយ ដោយ​មាន​និមន្ត​ព្រះសង្ឃ​ស្វាធ្យាយ​តាម​គន្លង​ប្រពៃណី មុន​ដឹក​សព​មក​ស្រុក​កំណើត ។

ប្រភព​ដដែល​បាន​បន្ត​ថា ក្រុម​កា​ងារ​ក្រសួង និង រដ្ឋបាល​ដែនដី បាន​កំពុង​តែ​ជួយ​សម្រួល​រាល​ឯកសារ​ផ្សេង​ៗ​ដើម្បី​រៀបចំ​ពិធី​បុណ្យសព​តាម​គន្លង​ប្រពៃណី​ព្រះពុទ្ធ​សាសនា​នៅ​គេហដ្ឋាន​នៃ​ស​.​ព​។

វា​ពិតជា​ក្តុកក្តួល​នៅ​ក្នុង​ពេល​ដែល​យើង​បាន​ទទួល​ដំណឹង​ដ៏​រន្ធត់​នេះ ហើយ​ក៏​សូម​បួងសួង​សូមកុំ​អោយ​មាន​ពលរដ្ឋ​កម្ពុជា​រង​គ្រោះ​នៅ​ក្នុង​គ្រោះ​ធម្មជាតិ​ដ៏​រន្ធត់​នេះ​បន្ត​ទៀត ។

តាម​សេចក្តីរាយការណ៍​ចុង​ក្រោយ​អគារ​មាន​កម្ពស់​៣០​ជាន់ នៅ​តំបន់​ចតុ​ចក្រ​នៅ​ក្នុង​ក្រុង​បាងកក ដែល​ដួល​រលំ​នេះ​នៅ​បាត់​ខ្លួន​កម្មករ​ប្រមាណ​ជា​៧៤​នាក់​ទៀត ក្រោយ​ពេល​ដែល​វា​បាន​ដួល​រលំ​ក្រោម​ការ​ញ័​រញ្ជួយ​កម្រិត​ប្រមាណ​ជា ៧,៧ រ៉ិ​ច​ទ័​រ ។ កម្ពុជា​មិន​ធា្ល​ប់​មានបទពិសោធន៍​នៃ​គ្រោះ​រញ្ជួយ​ដី​ឡើយ ប៉ុន្តែ​កម្ពុជា​ធ្លាប់​មាន​ករណីរ​លំបាក់​អគារ​កំពុង​សាងសង់​ពីរ​ហើយដោយ​មួយ​នៅ​ខេត្ត​ព្រះ​សីហ​នុ និង​មួយ​នៅ​ខេត្ត​កែប ។

គ្រោះ​បាក់​អគារ​នៅ​ខេត្ត​កែប បាន​ស​ម្លា​.​ប់​កម្មករ​ប្រមាណ​ជា​១០​នាក់ និង​របួស ២៣​នាក់ ខណៈ​ដែល​ឧបទ្ទវហេតុរ​លំបាក់​អគារ​នៅ​ខេត្ត​ព្រះ​សីហ​នុ កាលពី​ឆ្នាំ​២០១៩ បាន​ស​ម្លា​.​ប់​កម្មករ​២៨ នាក់ ។ បទ​ពិសោធន៍​នេះ គឺ​បង្ហាញ​ភាព​វេទនា និង​ការ​លំបាក​ខ្លាំង​នៅ​ក្នុង​កិច្ចការ​សង្គ្រោះ​ពួក​គេ ដូច្នេះ​យើង​សង្ឃឹមថា ថៃ​ដែល​ជា​ប្រទេស​មាន​ប្រវត្តិ​កសាង​សំណង់​ទាំងនេះ​ច្រើន និង​យូរ​ជាង​កម្ពុជា​អាច​នឹង​បង្កើន​ល្បឿន​នៅ​ក្នុង​ការ​រុករក​និង​សង្គ្រោះ​អ្នក​ដែល​សង្ស័យ​ថា ជាប់​នៅ​ក្នុង​អគារ​នេះ​បាន​កាន់តែ​ឆាប់ ដើម្បី​ឲ្យ​ជន​រង​គ្រោះ​នៅ​ក្នុង​អគារ​នេះ​មានឱកាសរ​ស់បាន ។

តាម​ការ​ចុះ​ផ្សាយ​របស់​កាសែត​បាងកក​ប៉ុស្តិ៍ កាលពី​ថ្ងៃ​ទី​០១ ខែមេសា ឆ្នាំ​២០២៥ បាន​រាយការណ៍​ថា តាម​ការ​ស្កេ​ន​ដោយ​ម៉ាស៊ីន​ទំនើប​បាន​រក​ឃើញ​សញ្ញា​នៃ​អ្នក​អាច​រស់រាន​មានជីវិត​នៅ​បន្ត​រក​ឃើញ​ប្រមាណ​ជា​៧០​នាក់ ។ តាម​ការ​ស្កែ​ន​ដោយ​ឧបករណ៍​របស់​យោធា​អា​មេ​រិ​កបាន​អះអាង​ថា ភាគច្រើន​នៃ​ជន​រង​គ្រោះ​ដែល​ជាប់​នៅ​ក្នុង​អគារ​បាក់​រលំ​នេះ គឺ​នៅ​ចន្លោះ​ពី​ជាន់​ទី​១៧ និង ជាន់​ទី​២១ ។

សរុប​អ្វី​ដែល​បាន​កើត​មាន​ឡើង កាលពី​ថ្ងៃ​ទី​២៨ មីនា វា គឺជា​គ្រោះ​ធម្មជាតិ​ហើយ​ពិតមែនតែ​នៅ​ទីក្រុង​បាងកករ​លំបាក់​តែ​អគារ​នេះ​មួយ​ក៏​ទីក្រុង​នេះ​នៅ​មាន​អគារ​ដែល​រង​ការ​ខូចខាត​មាន​១១.០០០ កន្លែង​ដែល​ត្រូវ​ត្រួតពិនិត្យ​ឡើង​វិញ ។ យើងខ្ញុំ​សូម​ចូលរួម​រំលែក​ទុក្ខ​ដល់​ក្រុម​គ្រួសារ​ស​.​ព ហើយ​មាន​តែ​បួងសួង​ឲ្យ​វត្ថុ​សក្តិ​សិទ្ធិ​កុំអោយ​រក​ឃើញ​ពលរដ្ឋ​កម្ពុជា​រង​គ្រោះ​បន្ត​ទៀត ហើយ​ក៏​សូម​បួងសួង​ឲ្យ​ជន​រង​គ្រោះ​ដែល​គេ​សង្ស័យ​ថា នៅ​មានជីវិត​មាន​សុវត្ថិភាព​ទាំងអស់​គ្នា ហើយ​អាច​សង្គ្រោះ​បាន​រួច​ផុត​ពី​សេចក្តី​ស្លា​.​ប់​ទាំងអស់​គ្នា​ទៅ​ចុះ ៕

អត្ថបទសរសេរ ដោយ

កែសម្រួលដោយ