សហរដ្ឋអាមេរិក ៖ ព្រឹទ្ធសមាជិកនៃគណបក្សប្រជាធិបតេយ្យមួយរូប កាលពីថ្ងៃទី១មេសាបានថ្លែងសុន្ទរកថាមួយតែម្នាក់ឯងដ៏វែងដល់ជាង២៥ម៉ោង ក្នុងព្រឹទ្ធសភាអាមេរិក ដើម្បីតវ៉ាប្រឆាំងនយោបាយរបស់ប្រធានាធិបតីលោកដូណាល់ត្រាំ។
ព្រឹទ្ធសមាជិករូបនោះលោកCORY BOOKERជាអ្នកបំបែកឯតទគ្គកម្មថ្មីដែលថ្លែងសុន្ទរកថាវែងបំផុត ពុំធ្លាប់មានចាប់តាំងពីព្រឹទ្ធសមាជិករដ្ឋការ៉ូលីនខាងត្បូងលោកSTROM THURMONDថ្លែងប្រឆាំងច្បាប់ប្រវត្តិសាស្ត្រមួយស្ដីពីសិទិ្ធពលរដ្ឋឆ្នាំំ១៩៥៧មក។ ព្រឹទ្ធសមាជិកម្នាក់លោកCHRIS MURPHY ដែលនៅស្ដាប់រហូតដល់ចប់សុន្ទរកថានោះថ្លែងថា វាស្ទើរមិនគួរឲ្យជឿដែលសុន្ទរកថាមួយ បានបំបែកកំណត់ត្រារបស់សៀវភៅហ្គីនេស។
សុន្ទរកថាដ៏វែងនោះរបស់ព្រឹទ្ធសមាជិករដ្ឋញូវចឺសីុនេះ ថ្លែងជាប់មិនឈប់សម្រាកមិនអង្គុយឬមិនទៅបន្ទប់ទឹកទៀតផង។ បន្ទាប់ពីបំបែកឯតទគ្គកម្មលើកមុនត្រឹម២៤ម៉ោងនិង១៨នាទី លោកCORY BOOKERនិយាយថា នេះមិនមែនជាបញ្ហាធ្វេងនិយមឬស្ដាំនិយមទេ តែជាបញ្ហាល្អឬអាក្រក់។ វាជាបញ្ហាសីលធម៌តើរដ្ឋធម្មនុញ្ញស្ថិតក្នុងចិត្តអ្នកដែរទេ?
លោកថ្លែងសុន្ទរកថានោះដើម្បីតវ៉ាប្រឆាំងនយោបាយបំពានរដ្ឋធម្មនុញ្ញរបស់លោកដូណាល់ត្រាំ។ ខ្ញុំ្ញឈរនិយាយដើម្បីរារាំងសកម្មភាពធម្មតារបស់ព្រឹទ្ធសភា ឲ្យបានយូរតាមដែលរូបខ្ញុំអាចពុះពារបាន។ ខ្ញុំឡើងនិយាយដ៏យូរនោះ ព្រោះខ្ញុំជឿជាក់ថាប្រទេសយើងកំពុងមានវិបត្តិ។
លោកបន្តថាកាន់អំណាចទើបបានត្រឹម៧១ថ្ងៃលោកត្រាំបង្កឲ្យមានការខូចខាតធ្ងន់ធ្ងរ ដល់សន្តិ សុខនិងស្ថេរភាពហិរញ្ញវត្ថុរបស់ពលរដ្ឋអាមេរិក និងបំផ្លាញរហូតដល់គ្រឹះនៃលទ្ធិប្រជា ធិបតេយ្យរបស់យើង។ អតីតកីឡាករបាល់ទាត់អាមេរិករូបនោះបន្តថា មិនមែនជាពេលធម្មតាទេនៅសហ រដ្ឋអាមេរិក។ មិនគួរឲ្យពេលវេលាក្លាយទៅជាបែបនេះសោះ៕
ចែករំលែកព័តមាននេះ