ប្រទេសឥណ្ឌា ៖ អាជ្ញាធររាយការណ៍ថា មនុស្សយ៉ាងតិច២១នាក់ស្លាប់ និង៥នាក់ទៀតរងរបួស កាលពីថ្ងៃទី១ មេសា ដោយសារការផ្ទុះឆេះរោងចក្រកាំជ្រួចភ្លើងមួយនៅឥណ្ឌា។ ការផ្ទុះឆេះរោងចក្រនោះនាំឲ្យដុំថ្មនិងដែកក៏ដូចជាបំណែកខ្លួនមនុស្សខ្ទាតទៅឆ្ងាយពីរោងចក្រនោះ ដែលស្ថិតនៅក្នុងទីក្រុងDEESA…
ប្រទេសឥណ្ឌា ៖ អាជ្ញាធររាយការណ៍ថា មនុស្សយ៉ាងតិច២១នាក់ស្លាប់ និង៥នាក់ទៀតរងរបួស កាលពីថ្ងៃទី១ មេសា ដោយសារការផ្ទុះឆេះរោងចក្រកាំជ្រួចភ្លើងមួយនៅឥណ្ឌា។
ការផ្ទុះឆេះរោងចក្រនោះនាំឲ្យដុំថ្មនិងដែកក៏ដូចជាបំណែកខ្លួនមនុស្សខ្ទាតទៅឆ្ងាយពីរោងចក្រនោះ ដែលស្ថិតនៅក្នុងទីក្រុងDEESA រដហ្គូចារ៉ាតភាគពាយ័ព្យប្រទេស។ អ្នកនាំពាក្យរដ្ឋាភិបាលរដ្ឋនោះថ្លែងទៅកាន់សារព័ត៌មានថា ការផ្ទុះដ៏ខ្លាងកើតមានក្នុងរោងចក្រ នាំឲ្យបាក់ដំបូលបេតុង។ រោងចក្រនោះដំណើរការដោយគ្មានច្បាប់ ហើយអាជ្ញាធរបើកការស៊ើបអង្កេតមួយ។ ប្រមុខប៉ូលិសម្នាក់និយាយថា ចំនួនមនុស្សស្លាប់ក្នុងការផ្ទុះនោះដែលកើតមាននៅផ្នែកផលិតផាវពេលនេះមានដល់២១នាក់ ។
ការផ្ទុះនោះពិតជាខ្លាំង ដោយបំណែកដងខ្លួនអ្នកស្លាប់មួយចំនួនដែលខ្ទាត រកឃើញនៅក្នុងកសិដ្ឋានមួយដែលស្ថិតនៅចម្ងាយ២០០ឬ៣០០ម៉ែត្រពីរោងចក្រនោះ។ កាំជ្រួចពិតជាពេញនិយមបំផុតនៅឥណ្ឌា ពិសេសក្នុងឱកាសបុណ្យវប្បធម៌ហិណ្ឌូDIWALIនិងពិធីរៀបការ។ ការផ្ទុះក្នុងរោងចក្រកាំជ្រូចភ្លើងកើតមានញឹកញាប់នៅឥណ្ឌា ដោយម្ចាស់រោងចក្រទាំងនោះជារឿយៗ ហាក់មិនគោរពបែបបទសន្តិសុខ។
កាលពីឆ្នាំទៅមិញមនុស្ស១១នាក់ស្លាប់ ដោយសារការផ្ទុះឆេះរោងចក្រកាំជ្រួចភ្លើងមួយក្នុងរដ្ឋម៉ាឌីយ៉ាប្រាដេសភាគកណ្ដាលប្រទេស។ ក្នុងឆ្នាំ២០១៩ មនុស្ស១៨នាក់ស្លាប់ ក្នុងគ្រោះថ្នាក់់ប្រហាក់ប្រហែលគ្នានេះដែរក្នុងរោងចក្រផលិតកាំជ្រួចនៅក្រុងបាតាឡារដ្ឋបញ្ចាប រួចមនុស្ស១០នាក់ទៀតស្លាប់ ក្នុងស្ថានភាពដូចគ្នានេះដែរនៅក្រុងបាដូហុីរដ្ឋអុតតាប្រាដេសនាឆ្នាំនោះដែរ៕
ចែករំលែកព័តមាននេះ