ADផ្ទាំងផ្សព្វផ្សាយពាណិជ្ជកម្ម

Picture

បងថ្លៃលើកដៃប្រល័.យប្អូនថ្លៃ គុំ​​កួន​រឿងហាម​ចា.ក់​បាស់​ឮៗ ពេលម្តាយកំពុងឈឺ

1 ថ្ងៃ មុន
  • កំពង់ស្ពឺ

ខេត្តកំពង់ស្ពឺ​ ៖ ដោយសារ​តែ​ទប់​កំហឹង​មិន​បាន បុរស​ជា​បងថ្លៃ​ក្លាយជា​ឃាតករ ខណៈ​ដែល​ខឹង​នឹង​ប្អូនថ្លៃ​ជេរ​ប្រមាថ ស្ទុះ​ទៅ​ទាញ​ពូថៅ​កាប់​ទៅ​លើ​បុរស​ជា​ប្អូនថ្លៃ​ស្លាប់​ភ្លាម​ៗ​នៅ​ក្នុង​ថ្លុកឈាម បង្ក​ឱ្យ​មានការ​ភ្ញាក់ផ្អើល​។ ហេតុការណ៍​បងថ្លៃ​ទាញ​ពូថៅ​កាប់​ប្អូនថ្លៃ​ស្លាប់​ក្នុង​ថ្លុកឈាម​នេះ បាន​កើតឡើង​កាលពី​៦​និង​៤០​ព្រលប់ថ្ងៃ​ទី​៣០ ខែមីនា…

ខេត្តកំពង់ស្ពឺ​ ៖ ដោយសារ​តែ​ទប់​កំហឹង​មិន​បាន បុរស​ជា​បងថ្លៃ​ក្លាយជា​ឃាតករ ខណៈ​ដែល​ខឹង​នឹង​ប្អូនថ្លៃ​ជេរ​ប្រមាថ ស្ទុះ​ទៅ​ទាញ​ពូថៅ​កាប់​ទៅ​លើ​បុរស​ជា​ប្អូនថ្លៃ​ស្លាប់​ភ្លាម​ៗ​នៅ​ក្នុង​ថ្លុកឈាម បង្ក​ឱ្យ​មានការ​ភ្ញាក់ផ្អើល​។

ហេតុការណ៍​បងថ្លៃ​ទាញ​ពូថៅ​កាប់​ប្អូនថ្លៃ​ស្លាប់​ក្នុង​ថ្លុកឈាម​នេះ បាន​កើតឡើង​កាលពី​៦​និង​៤០​ព្រលប់ថ្ងៃ​ទី​៣០ ខែមីនា ឆ្នាំ​២០២៥ នៅ​ក្នុង ភូមិ​ព្រៃ​ទទឹង ឃុំ​ព្រះ​និព្វាន ស្រុក​គងពិសី ខេត្តកំពង់ស្ពឺ ។

នគរបាល​ស្រុក​គងពិសី​បាន​និយាយ​ឱ្យ​ដឹង​ថា ជនសង្ស័យ​ដៃដល់​ដែល​ឃាត់ខ្លួន​មាន ឈ្មោះ ផៃ នី​  ភេទ​ប្រុស អាយុ​៤៧​ឆ្នាំ មុខរប​កសិករ​រស់នៅ​ភូមិ​ឃុំ​កើតហេតុ​ខាងលើ បាន​ធ្វើ​សកម្មភាព​ទាញ​ពូថៅ​ទៅ​កាប់​ទៅ​លើ ជន​រង​គ្រោះ​ឈ្មោះ ឃ្លោក គឹ​ម​សាន (​ហៅ​នាង​) ភេទ​ប្រុស អាយុ​៤៤​ឆ្នាំ មុខរប​លក់ដូរ នៅ​ភូមិ​ឃុំ​ជាមួយ​គ្នា​(​ត្រូវជា​ប្អូនថ្លៃ​) ពេល​ដែល​ជន​រង​គ្រោះ​កំពុង​តែ​អោន​ជុំ​រះ​ស្មៅ​មុខ​ផ្ទះ ចំ​ក្បាល​ពីលើ​និង​ខាងក្រោយ ចំនួន​០៥​ពូថៅ បណ្ដាល​ឱ្យ​រង​របួសធ្ងន់ (​ស្លាប់​ក្រោយ​ពេល​បញ្ជូន​យក​ទៅ​សង្គ្រោះ​) ក្រោយ​បង្កហេតុ រួច​ជនសង្ស័យ​បាន​រត់គេច​ខ្លួន​បាត់​ស្រមោល​។ ចំណែក​ជន​រង​គ្រោះ​ត្រូវ​បាន​បងប្អូន​សាច់ញាតិ​បញ្ជូន​ទៅ​មន្ទីរពេទ្យ​កាល់​ម៉ែត្រ​ក្រុងភ្នំពេញ​ដោយសារ​របួស​ធ្ងន់ធ្ង ក៏​ស្លាប់​នៅ​មន្ទីរពេទ្យ ។

នគរបាល​ស្រុក​គងពិសី​បាន​បន្ត​ថា មូលហេតុ​ដែល​ឈាន​ទៅ​ដល់​ទាញ​ពូថៅ​កាប់​ជន​រង​គ្រោះ ជា​ប្អូនថ្លៃ​ស្លាប់​នោះ គឺ​ជនសង្ស័យ​ធ្លាប់​មាន​ទំនាស់​ពាក្យ​សំដី ជាមួយ​ជន​រង​គ្រោះ ដោយសារ​តែ​ជនសង្ស័យ​តែងតែ​ផឹកស្រា​ជា​ប្រចាំ ហើយ​កាលពី​កំឡុង​៣​ខែ​មុន ជនសង្ស័យ​បាន​ចាក់​ធុងបាស់​ពេល​ស្រវឹងស្រារ បើក​លឺ​ខ្លាំង​ៗ ក្នុង​ពេល​ម្តាយ​កំពុង​ឈឺ ហើយ​ជន​រង​គ្រោះ​តែងតែ​ទៅ​ហាម​មិន​ឱ្យ​ចាក់​លឺ​ជន​សង្ស័យ​​មានចិត្ត​ខឹង​គុំ​គួ​ន​នឹង​ជន​រង​គ្រោះ​តែ​ម្តង​។

នគរបាល​ស្រុក​គងពិសី​បាន​បន្ថែម​ទៀត​ថា ករណី​ខាងលើ​ផ្នែក​នគរបាល​យុ​ត្ត​ធម៌ និង ការិយាល័យ​បច្ចេកទេស និង​វិទ្យាសាស្ត្រ ពិនិត្យ​កសាង​សំណុំរឿង ។ លុះដល់​វេលា​ម៉ោង​៩​ព្រឹក​ថ្ងៃ​ទី​១ ខែមេសា ឆ្នាំ​២០២៥ កំលាំង​នគរបាល​ជំនាញ​សហការ​ស្រាវជ្រាវ ឃាត់ខ្លួន​ជនសង្ស័យ​ខាងលើ​តែ​ម្តង​។

ក្រោយ​ឃាត់ខ្លួន​ជនសង្ស័យ​ដៃដល់​បាន​នៅ​ចំពោះ​មុខ​សមត្ថកិច្ច នគរបាល​ជនសង្ស័យ​ដៃដល់​មានឈ្មោះ ផៃ នី បាន​ឆ្លើយ​សារភាព​ថា ខ្លួន​ពិតជា​បាន​យក​ពូថៅ​កាប់​លើ​ជន​រង​គ្រោះជា​ប្អូនថ្លៃ ខាងលើ​ពិតមែន ដោយ​ខ្លួន​ខឹង​ជន​រង​គ្រោះ តែងតែ​ជេ​ប្រមាថ​ខ្លួន​ជា​រៀងរាល់ថ្ងៃ​។

បច្ចុប្បន្ន​ ជនសង្ស័យ​ដៃដល់​បាន​ឃាត់ខ្លួន​នៅ​អធិការដ្ឋាន​នគរបាល​ស្រុក​គងពិសី​សួរនាំ និង​កសាង​សំណុំ​ដើម្បី​ចាត់ការ​បន្ត​តាម​ផ្លូវច្បាប់​ ៕​

អត្ថបទសរសេរ ដោយ

កែសម្រួលដោយ