សម្តេចតេជោ ទម្លាយថា កូនស្រីម្នាក់របស់អ្នកឧញ៉ាឧត្តមមេត្រីវិសិដ្ឋ ហ៊ុន សាន មិនមានផ្ទះនៅផ្ទាល់ខ្លួន
រាជធានីភ្នំពេញ ៖ សម្ដេចតេជោ ហ៊ុន សែន ប្រធានព្រឹទ្ធសភា បានទម្លាយឱ្យដឹងថា កូនស្រីម្នាក់របស់អ្នកឧកញ៉ាឧត្តមមេត្រីវិសិដ្ឋ ហ៊ុន សាន…
រាជធានីភ្នំពេញ ៖ សម្ដេចតេជោ ហ៊ុន សែន ប្រធានព្រឹទ្ធសភា បានទម្លាយឱ្យដឹងថា កូនស្រីម្នាក់របស់អ្នកឧកញ៉ាឧត្តមមេត្រីវិសិដ្ឋ ហ៊ុន សាន ដែលជាបងប្រុសបង្កើតជាទីគោរពស្រឡាញ់របស់សម្ដេច មិនមានផ្ទះនៅផ្ទាល់ខ្លួន ។
សម្តេចតេជោ បានសរសេរនៅលើបណ្តាញសង្គម នៅរសៀលថ្ងៃទី១ ខែមេសា ឆ្នាំ២០២៥នេះ ដែលមានខ្លឹមសារទាំងស្រុងថា ៖ ថ្ងៃស្អែកបែកគ្នា!
ខ្ញុំមកប្រចាំការនៅជាមួយបងប្រុសខ្ញុំ តាំងពីមុនគាត់ចែកឋាន រហូតមកដល់ពេលនេះ និងបន្តរហូតយកទៅបញ្ចុះនៅព្រឹកស្អែក ២ មេសា ២០២៥ ព្រមទាំងបញ្ចប់ត្រឹមធ្វើបុណ្យ ៧ថ្ងៃ និង១០០ថ្ងៃ នៅល្ងាចស្អែក និងបញ្ចប់នៅព្រឹកខានស្អែក ៣ មេសា ២០២៥ ។
សម្ដេចតេជោ បន្តថា ៖ “ខ្ញុំយំ និងស្រកទឹកភ្នែករាល់ថ្ងៃ រាល់យប់ នឹកអាណិតបងប្រុស។ ថ្ងៃសម្អាតខ្លួនបងប្រុស មុនពេលបញ្ចូលមឈូស ខ្ញុំយំ
ដោយនិយាយខ្លាំងៗថា (ឲ្យខ្ញុំសូមទោស មកពីខ្ញុំប្រហែសពេក មិនបានមើលថែទាំបងឲ្យបានដិតដល់។ ខ្ញុំបានជួយជិវិតមនុស្ស មួយនគរ តែមិនអាចជួយបងខ្លួនបាន) ។ រឿងដែលធ្វើឲ្យខ្ញុំកាន់សង្វេគ គឺក្មួយស្រីខ្ញុំម្នាក់ កំពុងជួលផ្ទះគេនៅ កូនៗមិនបានចូលរៀនពេញលេញ។ ក្មួយខ្ញុំ
គោរពតាមការណែនាំរបស់ឪពុក ដែលបានប្រាប់កូនៗថា កុំទៅ (រំខានពូរបស់ពួកឯង) ។ ខ្ញុំបានជួយមនុស្សមួយចំនួនឲ្យមានផ្ទះនៅ ហេតុអ្វីបានក្មួយខ្ញុំអត់ផ្ទះនៅ ? នេះមកពីខ្ញុំមិនដឹង” ។
សម្តេចតេជោ បានលើកឡើងទៀតថា ៖ “បងប្រុស ថ្ងៃស្អែករូបកាយរបស់បង នឹងបញ្ចុះទៅក្នុងព្រះធរណី ជាមួយបងស្រី ដែលពួកបងបែកគ្នា១២ឆ្នាំហើយ និងបានជួបគ្នាវិញ ដែលជាទីកន្លែងបងទាំងពីរ សម្រាកចុងក្រោយ។ យើងលែងបានជួបគ្នា ជារៀងរហូត តែខ្ញុំនៅជំពាក់បំណុលបងច្រើនណាស់ ដែលខ្ញុំត្រូវខិតខំសង តាមរយៈជួយមើលការខុសត្រូវចំពោះកូនៗ និងចៅៗរបស់បង” ៕
ចែករំលែកព័តមាននេះ