រាជធានីភ្នំពេញ ៖ កម្លាំងនគរបាលនៃអគ្គស្នងការដ្ឋាននគរបាលជាតិ បានចុះទៅទីតាំងអគារមួយកន្លែង ស្ថិតនៅខណ្ឌចំការមន រាជធានីភ្នំពេញ បង្ក្រាបបទល្មើសល្បែងអនឡាញខុសច្បាប់ ដោយរកឃើញជនជាតិចិននិង ជនបរទេសផ្សេងទៀតប្រុសស្រីជាង១៧០នាក់ កាលពីវេលាម៉ោង៣រសៀលថ្ងៃទី៣១…
រាជធានីភ្នំពេញ ៖ កម្លាំងនគរបាលនៃអគ្គស្នងការដ្ឋាននគរបាលជាតិ បានចុះទៅទីតាំងអគារមួយកន្លែង ស្ថិតនៅខណ្ឌចំការមន រាជធានីភ្នំពេញ បង្ក្រាបបទល្មើសល្បែងអនឡាញខុសច្បាប់ ដោយរកឃើញជនជាតិចិននិង ជនបរទេសផ្សេងទៀតប្រុសស្រីជាង១៧០នាក់ កាលពីវេលាម៉ោង៣រសៀលថ្ងៃទី៣១ ខែមីនា ឆ្នាំ២០២៥ នៅអគារខុនដូរ ផ្ទះលេខ១៩ ផ្លូវ៤៩៤ សង្កាត់ដើមថ្កូវ ខណ្ឌចំការមន ។
ប្រភពបានបង្ហើបឲ្យដឹងថា ទីតាំងអាគារខុនដូរខាងលើត្រូវបានពលរដ្ឋរាយការណ៍ជូនកម្លាំងសមត្ថកិច្ចថាមានជនបរទេស ភាគច្រើនជាជនជាតិចិន តែងតែចេញចូល និងសង្ស័យថាប្រព្រឹត្តបើកល្បែងអនឡាញ ដូច្នេះហើយ នៅរសៀលថ្ងៃទី៣១ខែមិនាឆ្នាំ២០២៥ កម្លាំងសមត្ថកិច្ចចំរុះនៃអគ្គស្នងការដ្ឋាននគរបាលជាតិ បានឆ្មក់បង្ក្រាប ចូលបង្ក្រាបទីតាំងខាងលើ ដោយបានឃាត់ខ្លួនជនជាតិបរទេសប្រុសស្រីប្រហែលជាង១៧០នាក់ (ភាគច្រើនជនជាតិចិន)និងបានដកហូតសំភារៈវត្ថុតាំងមួយចំនួនផងដែរ ។
ក្រោយរង្វង់ប្រតិបត្តិការរហូតដល់យប់ថ្ងៃដដែលម៉ោង៨និង៣០នាទីយប់ ជនជាតិបរទេសទាំងនោះ ត្រូវបានឃាត់ខ្លួនប្រគល់អោយ សមត្ថកិច្ចជំនាញបន្ដនីតិវិធី តាមផ្លូវច្បាប់ជាបន្ដទៀត ។
ដោយឡែកប្រតិបត្តិការខាងលើនេះ សមត្ថកិច្ចពាក់ព័ន្ធមិនបានប្រាប់ ថាជាករណីអ្វីអោយពិតប្រាកដនោះទេ ហើយបានហាមឃាត់អ្នកសារព័ត៌មានមិនអោយផ្តិតយករូបភាពថែមទៀតផង ។ ពេលវេលានេះហើយ មិនគួរប្រឹងលាក់ទេ គួរតែបកស្បែកប្រាប់មហាជនឱ្យដឹងផង…អីខ្លាចម៉េស?
ចែករំលែកព័តមាននេះ