រាជធានីភ្នំពេញ ៖ នាថ្ងៃទី៣០ ខែមិថុនា ឆ្នាំ ២០១១ នៅទីស្នាក់ការកាកបាទក្រហមកម្ពុជាសាខារាជធានីភ្នំពេញ មានប្រារព្ធកិច្ចប្រជុំ ជាមួយមន្ដ្រីបុគ្គលិកប្រតិបត្ដិសាខា ដើម្បីរៀបចំធ្វើផែនការសម្រាប់អនុវត្ដបន្ដនារយៈពេល២ឆ្នាំខាង មុខ(២០១១-២០១៣) ក្រោមអធិបតីភាព លោក ប៉ា សុជាតិវង្ស ប្រធានគណៈកម្មាធិការ
រាជធានីភ្នំពេញ ៖ នាថ្ងៃទី៣០ ខែមិថុនា ឆ្នាំ ២០១១ នៅទីស្នាក់ការកាកបាទក្រហមកម្ពុជាសាខារាជធានីភ្នំពេញ មានប្រារព្ធកិច្ចប្រជុំ ជាមួយមន្ដ្រីបុគ្គលិកប្រតិបត្ដិសាខា ដើម្បីរៀបចំធ្វើផែនការសម្រាប់អនុវត្ដបន្ដនារយៈពេល២ឆ្នាំខាងមុខ(២០១១-២០១៣) ក្រោមអធិបតីភាព លោក ប៉ា សុជាតិវង្ស ប្រធានគណៈកម្មាធិការសាខា និងជាអភិបាលរងរាជធានីភ្នំពេញ ។
លោក ប៉ា សុជាតិវង្ស បានមានប្រសាសន៍ថា ដើម្បីឱ្យស្របនឹងស្ថានភាព និងបរិបទបច្ចុប្បន្ន កាកបាទក្រហមកម្ពុជាក្រោមការដឹកនាំដ៏ខ្ពង់ខ្ពស់ប្រកបដោយភាពឈ្លាសវៃនៃលោកជំទាវកិត្ដិព្រឹទ្ធបណ្ឌិតប៊ុន រ៉ានី ហ៊ុន សែន បានដាក់ចេញនូវយុទ្ធសាស្ដ្រសម្រាប់ឆ្នាំ២០១១ ដល់ឆ្នាំ២០២០ខាងមុខនេះ ដែលមានទស្សនវិស័យគឺរួមចំណែកពន្លឿនការកាត់បន្ថយភាពក្រីក្រ ការពារសេចក្ដីថ្លៃថ្នូររបស់មនុស្សជាតិ និងការពារតម្លៃមនុស្សធម៌របស់ជនរងគ្រោះ និងបេសកកម្មក្លាយជាសមាគមជាតិនាំមុខគេក្នុងវិស័យមនុស្សធម៌ ។ កាកបាទក្រហមកម្ពុជា ប្រមូលផ្ដុំកម្លាំងមនុស្សធម៌ ដើម្បីបន្ដជួយដល់ជនរងគ្រោះបំផុត តាមរយៈការគ្រប់គ្រងគ្រោះមហន្ដរាយ សុខភាពនិងការថែទាំសុខភាពក្នុងសហគមន៍ និងការលើកកម្ពស់គោលការណ៍គ្រឹះ និងតម្លៃមនុស្សធម៌របស់ចលនា។ ដើម្បីឆ្ពោះឱ្យសម្រេចបាននូវទិសយុទ្ធសាស្ដ្រនេះ កាកបាទក្រហមកម្ពុជា បានខិតខំបំពេញសកម្មភាពរបស់ខ្លួនយ៉ាងសកម្ម ក្នុងគោលបំណងជួយសម្រាលនូវទុក្ខលំបាករបស់ជនរងគ្រោះ និងងាយរងគ្រោះ។ ដោយឡែកសម្រាប់សាខារាជធានីភ្នំពេញក្រោមការដឹកនាំនៃកាកបាទក្រហមកម្ពុជា ដែលមានលោកជំទាវកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ជាមគ្គុទេសក៍
ដ៏ឆ្នើមនោះ គឺយើងត្រូវខិតខំបង្កើនសមត្ថភាពការងាររបស់យើងបន្ថែមទៀតសម្រាប់អនុវត្ដឱ្យកាន់តែជោគជ័យនាឆ្នាំខាងមុខ ។ សម្រាប់ការរៀបចំផែនការរយៈពេល២ឆ្នាំខាងមុខនេះដែរ លោកប្រធានគណៈកម្មាធិការសាខា បានដាក់ចេញនូវទិសដៅការងារចំនួន៤ចំណុចធំៗសំខាន់គឺ ១-យកចិត្ដទុកដាក់លើការផ្ដល់ឈាមដោយស្ម័គ្រចិត្ដ, ២-រៀបចំគោលដៅងាយរងគ្រោះដោយសារអគ្គិភ័យនៅតាមមូលដ្ឋាននៃខណ្ឌទាំង៨, ៣-ការពង្រឹងអ្នកស្ម័គ្រចិត្ដនៅតាមសហគមន៍បន្ថែមទៀតពីការងារលើកកម្ពស់សុខភាពមាតា និងទារក, ៤-យកចិត្ដទុកដាក់ក្នុងការពង្រឹងទីលានសំណល់វេជ្ជសាស្ដ្រឱ្យកាន់តែប្រសើរឡើងថែមទៀត ៕
ចែករំលែកព័តមាននេះ