ADផ្ទាំងផ្សព្វផ្សាយពាណិជ្ជកម្ម

Picture

លោកត្រាំគិតចង់បន្តអាណត្តិទី៣​ដោយថាលោក​មានវិធី

2 ថ្ងៃ មុន

សហរដ្ឋអាមេរិក ៖ ប្រធាន​នា​ធិ​បតី​អា​មេ​រិ​ក​លោក​ដូ​ណា​ល់​ត្រាំ អះអាង​ក្នុង​បទ​សម្ភាសន៍​មួយ​ជា​មួយ​ទូរទស្សន៍​NBC ដែល​ចេញផ្សាយ​នា​ថ្ងៃ​ទី​៣០​សីហា​ថា លោក​ចង់​ប្រជែង​យក​អាណត្តិ​ប្រធា​នាធិបតី​ទី​៣​មួយទៀត​ដោយ​អះអាង​ថា​លោក​មាន​វិធីសាស្ត្រ​របស់​លោក ខណៈ​រដ្ឋធម្មនុញ្ញ​អា​មេ​រិ​ក​កំណត់​ពី​ការ​កាន់​តំណែង​ប្រធានាធិបតី​បាន​ត្រឹម​២​អាណត្តិ​សម្រាប់​មនុស្ស​ម្នាក់​ក៏​ដោយ​។ក៏​ទោះបីជា​លោក​យល់​ថា វា​ជា​ការ​ប្រញាប់ប្រញាល់​លើក​ពី​រឿង​នោះ​ក្ដី​តែ​លោក​ត្រាំ​ពោល​ថា មនុស្ស​ជា​ច្រើន​ចង់​ឲ្យ​លោក​ធ្វើ​បែប​នោះ​និង​ថា​រដ្ឋការ​លោក​មាន​ប្រជាប្រិយភាព​ខ្លាំង​បំផុត​ក្នុង​ការ​ស្ទាបស្ទង់​មតិ​។ តែ​ដោយសារ​ឃើញ​លទ្ធផល​នៃ​ការ​បោះ​ឆ្នោត​ប្រធានាធិបតី​ឆ្នាំ​២០២៤…

សហរដ្ឋអាមេរិក ៖ ប្រធាន​នា​ធិ​បតី​អា​មេ​រិ​ក​លោក​ដូ​ណា​ល់​ត្រាំ អះអាង​ក្នុង​បទ​សម្ភាសន៍​មួយ​ជា​មួយ​ទូរទស្សន៍​NBC ដែល​ចេញផ្សាយ​នា​ថ្ងៃ​ទី​៣០​សីហា​ថា លោក​ចង់​ប្រជែង​យក​អាណត្តិ​ប្រធា​នាធិបតី​ទី​៣​មួយទៀត​ដោយ​អះអាង​ថា​លោក​មាន​វិធីសាស្ត្រ​របស់​លោក ខណៈ​រដ្ឋធម្មនុញ្ញ​អា​មេ​រិ​ក​កំណត់​ពី​ការ​កាន់​តំណែង​ប្រធានាធិបតី​បាន​ត្រឹម​២​អាណត្តិ​សម្រាប់​មនុស្ស​ម្នាក់​ក៏​ដោយ​។
ក៏​ទោះបីជា​លោក​យល់​ថា វា​ជា​ការ​ប្រញាប់ប្រញាល់​លើក​ពី​រឿង​នោះ​ក្ដី​តែ​លោក​ត្រាំ​ពោល​ថា មនុស្ស​ជា​ច្រើន​ចង់​ឲ្យ​លោក​ធ្វើ​បែប​នោះ​និង​ថា​រដ្ឋការ​លោក​មាន​ប្រជាប្រិយភាព​ខ្លាំង​បំផុត​ក្នុង​ការ​ស្ទាបស្ទង់​មតិ​។

តែ​ដោយសារ​ឃើញ​លទ្ធផល​នៃ​ការ​បោះ​ឆ្នោត​ប្រធានាធិបតី​ឆ្នាំ​២០២៤ ទើប​លោក​ដូ​ណា​ល់​ត្រាំ​គិត​ចង់បាន​អាណត្តិ​ទី​៣​មួយទៀត​ឬ? ពេល​NBC​សួរ​លើ​យថាភាព​នៃ​សេណា​រី​យ៉ូ​ដែល​ថា អនុ​ប្រធានាធិបតី​លោក​ជី​ឌី​វ៉ា​ន នឹង​ឈរឈ្មោះ​ជា​បេក្ខជន​ប្រធានាធិបតី ហើយ​បន្ទាប់​មក​ផ្ទេរ​ឲ្យ​លោក​ដូ​ណា​ល់​ត្រាំ ប្រធានាធិបតី​អា​មេ​រិ​ក​ឆ្លើយ​ថា នោះ​ជា​វិធីសាស្ត្រ​មួយ​តែ​នៅ​មាន​វិធី​ដទៃ​ៗ​ទៀត​។
មិនមែន​ជា​លើក​ទី​មួយ​ទេ​ដែល​លោក​ត្រាំ​ធ្វើ​អត្ថាធិប្បាយ​បែប​នោះ​។

កាលពី​ខែមករា​កន្លង​ទៅ​លោក​ធ្លាប់​និយាយ​ថា ខ្ញុំ​មិនដឹង​ច្បាស់​ដែរ​ពី​ការ​ហាមឃាត់​លោក​មិន​ឲ្យ​ឈរឈ្មោះ​ជា​បេក្ខជន​ប្រធានាធិបតី​ជា​ថ្មី​។ ទោះបី​យ៉ាងណា​លោក​ដូ​ណា​ល់ត​ធ្លាប់​និយាយ​ដែរ​ថា យុទ្ធនាការ​ឃោសនាបោះឆ្នោត​ដែល​លោក​ធ្វើ​នឹង​ជា​យុទ្ធនាការ​ឃោសនា​ចុង​ក្រោយ​ហើយ​។ តាម​មើលទៅ​វាសនា​ដែល​អាច​ឲ្យ​លោក​សម្រេច​បាន​បំណង​បែប​នោះ​ពិតជា​មាន​តិចតួច​បំផុត​។

ការ​ធ្វើ​វិសោធនកម្ម​រដ្ឋធម្មនុញ្ញ​ល​លើក​ទី​២២​ដែល​អនុម័ត​កាលពី​ឆ្នាំ​១៩៥១​ចែង​ថា មនុស្ស​ម្នាក់​មិន​អាច​ជ្រើសរើស​ឲ្យ​កាន់​តំណែង​ប្រធានាធិបតី​លើស​ពីរ​អាណត្តិ​ឡើយ​។ ការ​ធ្វើ​វិសោធនកម្ម​នោះ ត្រូវ​បាន​អនុម័ត​ដោយ​សំឡេង​ភាគច្រើន​បំផុត តាម​សំណើ​របស់​ពួក​អ្នក​សាធារណរដ្ឋ​ដែល​មិន​សប្បាយចិត្ត ព្រោះតែ​ប្រធានាធិបតី​លោក​ហ្វ្រ​ង់​គ្លី​ន​រ៉ូ​ស​វែ​ល ត្រូវ​បាន​ជ្រើសរើស​ជា​ប្រធានាធិបតី​ដល់​៤​លើក​៕

អត្ថបទសរសេរ ដោយ

កែសម្រួលដោយ