ខេត្តកណ្តាល ៖ ទីតាំងកត់កន្ទុយលេខវៀតណាម ដុះស្លែមួយកន្លែងនៅផ្ទះគ្មានលេខ ក្នុងភូមិឃ្លាំងមឿងត្បូង សង្កាត់ព្រែកអំពិល ក្រុងអរិយក្សត្រ ត្រូវបានកម្លាំងនគរបាលធ្វើការចុះបង្ក្រាបនៅរសៀលថ្ងៃទី២៩ ខែមីនា ឆ្នាំ២០២៥…
ខេត្តកណ្តាល ៖ ទីតាំងកត់កន្ទុយលេខវៀតណាម ដុះស្លែមួយកន្លែងនៅផ្ទះគ្មានលេខ ក្នុងភូមិឃ្លាំងមឿងត្បូង សង្កាត់ព្រែកអំពិល ក្រុងអរិយក្សត្រ ត្រូវបានកម្លាំងនគរបាលធ្វើការចុះបង្ក្រាបនៅរសៀលថ្ងៃទី២៩ ខែមីនា ឆ្នាំ២០២៥ ។
ជនសង្ស័យឈ្មោះ ញ៉ូវ ស្រីនី ហៅស្រីនួន ភេទស្រី អាយុ៣០ឆ្នាំ ជនជាតិខ្មែរ មុខរបរ ភ្នាក់ងារកត់ឆ្នោត មានទីលំនៅភូមិឃ្លាំងមឿងត្បូង សង្កាត់ព្រែកអំពិល ក្រុងអរិយក្សត្រ ខេត្តកណ្តាល ។
យោងតាមការបញ្ជាក់ពីនគរបាលក្រុងអរិយក្សត្រ បានអោយដឹងថា ក្រោយពីទទួលបានសេចក្តីរាយការណ៍ព័ត៌មានពីប្រជាពលរដ្ឋថា ទីតាំងខាងលើមានការ កត់ឆ្នោតវៀតណាមខុសច្បាប់ ក៏កម្លាំងបានចុះទៅបង្ក្រាបតែម្តង ។
ខណៈពេលសមត្ថកិច្ចទៅដល់ចំណុចទីតាំងនោះក៏បានប្រទះឃើញអ្នកកត់ឆ្នោតកំពុងអង្គុយកត់ឆ្នោតវៀតណាមនៅក្នុងផ្ទះ ។ ភ្លាមៗកម្លាំងជំនាញផ្នែកព្រហ្មទណ្ឌបានចូលទៅបង្ក្រាបនឹងធ្វើការឃាត់ខ្លួនអ្នកកត់ឆ្នោត រួមទាំងដកហូតវត្ថុតាងមួយចំនួនបានភ្លាមៗផងដែរ ។
បើតាមការសារភាពរបស់ជនសង្ស័យជាអ្នកកត់ឆ្នោតបានអោយដឹងថា ខ្លួនបានកត់ឆ្នោតវៀតណាម រយៈពេល០៦ខែមកហើយ រហូតមកដល់បច្ចុប្បន្ន ក្នុង១ថ្ងៃកត់ឆ្នោតបានប្រាក់ពី១០ម៉ឺនរៀល ទៅ២០ម៉ឺនរៀល ដោយគិតទឹកក្នុង១ម៉ឺនរៀល បានទឹក១០០០រៀល ហើយពេលរសៀលបានប្រមូលប្រាក់ និងលេខឆ្នោតបាញ់ឲ្យទៅមេម្នាក់ (មិនស្គាល់ទីលំនៅ) ជារៀងរាល់ថ្ងៃ ។
ជាក់ស្តែង ក្នុងប្រតិបត្តិការណ៍នេះអសមត្ថកិច្ចបានដកហូតវត្ថុតាងរួមមាន ៖ ទូរស័ព្ទដៃចំនួន០២គ្រឿង ម៉ាក iphone12 ពណ៌ស និងម៉ាក Tecno ពណ៌ទឹកសមុទ្រ , ក្រដាសA4 កាត់រួចមិនទាន់កត់លេខឆ្នោតចំនួន១៣សន្លឹក , ក្រដាសA4 កាត់រួចមានលេខកត់លេខឆ្នោតចំនួន០៣សន្លឹក , ក្រដាស A4 កត់លេខឆ្នោតរួចចំនួន០១សន្លឹក , សៀវភៅកត់លេខឆ្នោតចំនួន០១ក្បាល , ក្រដាសកាហ្គែ(ផ្ដាន) ០១សន្លឹក ,ប៊ិកចំនួន០២ដើម ។
បច្ចុប្បន្ន ជនសង្ស័យរួមនឹងវត្ថុតាងបានបញ្ជូនទៅអធិការដ្ឋាននគរបាលក្រុងអរិយក្សត្រ ដើម្បីកសាងសំណុំរឿងតាមនិតិវិធី ៕
ចែករំលែកព័តមាននេះ